YEREMIA 5:1 - ALLAH NIHYET MEM TUNGWATU NYA

¹ Je di timiei minu ndig Yerusalem e, jijop jide puig ngot ei jide minu ndig ba, jingig jiyai kep bidem bijingat bou jiyai him. Jingig jiyai kep bidem puig mien di jo bidem jide minu ndig bijingat tungwagom di ningon sren di brim ningkek mem Allah biningon gom tut Noni bou jiyai him e? Gino tungwagom ningat rin lene tuhan mikos ser timiei minu ndig Yerusalem nya ide sisar.

YEREMIA 5:1 ပူးပေါင်းရင်းမြစ်များ

NIBOU NDIG NYA GI NIGOM 19:10

Lene noni buhup “tuhan Di Sindem Bibor e, dani ne Nangkom Ade awak rin bidiyai midyai hagom bit leu nok acuk dati tu. Noro mben Israel ipigau mun di ipreu ei mem Nani ba, inggek Ade nimbar hum dok nya bingwig bigyai nimai bak Ade nabi nya yahagom tu. Dangkom ngat he duum nimai bigyo noro nogindini yo dima ibungwam mem gima igyai nimai bidani cem!”

NIBOHON MBEN ISRAEL GI NICAN 16:9

tuhan yok niyai kep tungwatu bidem dihyeisi dini titut yam leu binhyepo kwas Nide nisindemti tut yo di iba ingon gom bibit Noni kikau. Noro aba angon di mbum bibon mun tu. Gima rino hon kep ammani kui lene mporo acut ei nijam nikon pranti kikau.”

MAZMUR 12:1

Doia Daud mem no di bie tut doia nimpung di ibrim leu doia gi nimuhwindaningai.

MAZMUR 14:2

tuhan cap kwei leu gwamti bingig niyai kep tungwatu nya. Noni nggok ser yo di ingon ki di ikuk yok biNoni.

MAZMUR 14:3

Noro yahagom ikrau tunggwei puig ba, ingon rom bibor. No di ningon sren no rinaha bisrig ikieti bi sren. Hi bi sren.

MAZMUR 94:16

Tou rima mbrap gau da ei yo di isibut nya yoho bei i? Tou rino tti kin da bitte tut yo di ibon mun di kinei i?

NIPINGOK NINGONTI 20:6

Imang bibor ipai sut yonti bipia ingon gom tut isut bat nya. Noro nggruk bibor mem no di nggok tungwagom di ningon gom bihig nisut bit noni.

NIPINGOK NINGONTI 23:23

Ma acom ahanggwap ba, abipek ningginausi di nijit-jau kin ningon kiti kin nintin kimboti kin ningon dor nititi hagom. Ma atri hanyen bu au. Lewo hagom bon ninyeng bibor.

NIPINGOK NINGONTI 8:3

Noni ya kui dimbou pmem ei ngug tig di bikrop ttai minu ndig nya bitri tut nihyet bipai,

DIUN MIMUN 3:2

Sikos tut bipia sikiju bisiya bidem minu ndig cem bidem simpak ndig kin puig nya cem hagom. Singgok singon kieti lo, singat ningat bi.

YESAYA 59:4

Jittei jide munhyet bijiya ei nikei noho bei lene jibipai kep hiter mikui-kausi. Nisren-srausi tti kin je bi. Jisuglai mun ba, jiba jingon com mun di ugwai-gwai he. Jitin ei jingon kanti mem gima jipai kep hiter ba, jibibon mun di kinei.

YEREMIA 2:29

Mindei rino bindei dino jijoi sut Da bi i? Nggon rino jaham jimbuk kep Da i?

YEREMIA 44:15

Mpe dima lene imang bibor ikwei ngat da. Yo dima ne pinai ngot di ikan lo, itnem bat nya ibon midut nindig mindhe-ndhe ei humti ba, ibikuk yok bak kwar nya kin sop di igya nyen ei sirima bitut limwa mben Israel di ibong ei Patros ndam minu Mesir nibiho ri. Yahagom ipai bida,

YEREMIA 8:6

Dibeintup ninno tu noro jiba jingon sren bipai mun biDa bi. Jigom ngat cem ginso nonti tut nibon munti di kinei bi. Hi di pai bipia nitunggweisi rimindei i? cem bi. Jahagom jidor kak jide puig dem kep nok kuda di ba ningon bisau sut nikon pranti bicoi pran.

YEREMIA 9:2

Handei kon ba, midingat mpia ttou nsi gom di yo di imbut puig sinon ibong kep inghuisi eisi ei iggum ndigsi mem gima dibongti lene midikes mben de nya leu ba, dinang ug ei mpia dima bidibong minu ting leu yok! Yahagom yaham imbuk kep Allah tu. Inok nimpung nibicom yam di ingon gom tut Allah bi.

YEREMIA 9:7

Gima rino tuhan Di Sindem Bibor pai “Midibingon Ditde limwa nya dem kep nok tukan di kwen ngkimom nitu leu binhyepo idem kep ngkimom nitu di pimbai kei. Mindei bu rima dibon bak Ditde limwa di ibon mun di kinei bibor dinok gima i?

YEHEZKIEL 22:30

Dinggok no di dem mem gima win ngug tig kan kin gi ya ngkiem ser mpia di ngug tig tti leu su nya cem ei mben Israel ikieti mem gima ya ngkiem ser minu dima ei mpe di dibindei timek ide minu tug hon Ditde nigga bibor nikui mpiati. Noro digingat no dima ei mben Israel ikieti bi.

YEHEZKIEL 9:9

Lene Noni buhup “Mben Israel kin Yehuda nya ibon sisar nindig bibor tu. Ihwen yam bidem minu dini hagom ba, iba mun di kinei birus minu ndig Yerusalem birom-rau tu. Ipai biyam bipia Da di tuhan dikes minu dini ei su bidingat ide nibon munti nya kan bi.

DANIEL 12:4

Leu api malaikati dima pai bida “Daniel e, nogindini ma akibou kep srat dima lene aba lem bikrau kep ser leu binhyepo jo nok kikau ug bipek nijam ningwig honti. Tungwatu nya imang bibor ibingon mem gima inggok tut mun di sindi pek kep lo, icom yahanggwap mikui-kausi he.”

YOEL 2:9

Ikon pran bit minu ndig nya bipri gau ngug tig bikui ug ei ig bei cem. Icoi kak kendera mihyeti noyam kin ninggimang mun cig nya.

AMOS 8:12

Tungwatu nya migya leu nite bei mpia nijjai kikau bipek kin nite bei mpia nibiho lene igya leu nite bei mpia nipriti kikau bipek kin nite bei mpia nicutti cem binggok ser nihyet di tibim ei duhui him. Noro imiap nihyet dima hi bi.

ZAKHARIA 2:4

Malaikati gi nigom pai bak malaikati gi nican “Abrim amig haninyai ba, aug pai bak pinai pilei dima bipia minu ndig Yerusalem mimpung-mpiet tut tungwatu kin mindhe-ndhe nimuhup tu nya. Gima rino bit bon iwin ngug tig di bikrop ttai kan bi.

LUKAS 14:21

Awak dima ngkwei hanyen bindat igbit yo dima yahagom ighyet bak niceu lene ningon sibui sut yok nindig bibor bicuk nide awak bipai ‘Abipbur ba, aug buwak yo di yuhui mbum nya kin nikinei-kinau nya kin yo di igyai tu nya kin yo di imig lit nya yahagom kwei leu biyati cem leu simpakti cem bidem minu ndig dini.’

TESALONIKA GI NICAN 2:10

Noni miba ninda di dut biris yo di yuug dor humti. Yo dima misar ei hum njengti drek dip gi ingkek ndok bipwoi nihyet di nijit ei ingonti bi ba, ikan bipia nihyet di sindem mem gima teu yok leu sisar biyai niyaijo nijep biyok bon ninyeng bi.