YEREMIA 49:3 - ALLAH NIHYET MEM TUNGWATU NYA

³ Je di mben Hesybon e, ma jipim lewo minu ndig Ai timek tu! Sop timiei minu ndig pmem Raba jen e, ma jipim kui jei! Ma jijuk sinsun kron di bindo tut jingon di ngguk. Ma jiba jingon tai-tai bou bittei yam kui-juk nyen. Siceu mikat jide Kwar Milkom bitut nide imam nya kin yo di igya kui nibou ndig ninyeng tak kepti nya yahagom bicom yok ei ingkiaisi!

YEREMIA 49:3 ပူးပေါင်းရင်းမြစ်များ

YEREMIA 48:7

Minu Moab e, aba angon com ade nisindemti kin ade ninyeng tut ndigbanti he. Noro tini bu ne siceu nya mibindei timek na ri. Siceu mikon jide kwar Kamos bitut imam nya kin yo di inyeng jei nya bikri yahagom ug ei nicom yok ug eisi.

YEREMIA 48:37

Yahagom ikak ibou nta kin yuhui nta ba, idat inda pang nya bijuk sinsun kron di bindo tut ide ningon nggukti tu.

YESAYA 15:2

Timiei minu ndig Dibon nya ikui ug ei mbigdip mem gima ipim ei mpia di ikuk yok bak kwar nya eisi a. Timiei minu Moab iba ingon di ngguk bipim nggruet tut minu ndig Nebo kin Medeba. Ikak ibou nta kin yuhui nta leu nok bindo tut gi yuum ningon nggukti.

YEREMIA 46:25

tuhan di Sindem Bibor di Allah Israel pai “Midikes hukum ei kwar Amon ei Tebe kin minu Mesir titut yam bitut ide kwar nya kin nibou ndig di ide nya cem hagom dip. Tut nibou ndig minu Mesir kin yahagom di iba ingon com noni nya ne,

YEREMIA 4:8

Gima rino ma jipim bijiba nicot pai cem. Jijuk sinsun kron di bindo tut ningon nggukti cem lewo tuhan De nigga biborti di cig-cai cut leu minu Yehuda bigyo.

NIBOU NDIG NYA GI NICAN 23:13

Noni bindei ba, map kui nimbar hum dok di Salomo bon dideu minu ndig Yerusalem bei mpia nipriti dideu Nungug Zaitun bei mpia nibiho cem. Salomo pigig ser nimbar hum dok dini ei mem mben Sidon ide kwar Asytoret kin mben Moab ide kwar Kamos kin mben Amon ide kwar Milkom noro hagom bindei ba, tungwatu nya igyai ngkek ttin.

NIBOU NDIG NYA GI NIGOM 11:33

Dibirop bak Salomo drek dip gi kou sut Da leu di ug kuk no bak kwar nya. Kwar di ug kuk no bak tu dima yok rino Asytoret di mben Sidon ide kwar kin Kamos di mben Moab ide kwar kin Milkom di mben Amon ide kwar a. Noni bit dihyet kin Ditde nikos tutti nya kin dicuk noti nya bit leu nok nicig Daud niyai kepti nya bi.

NIBOU NDIG NYA GI NIGOM 11:5

Noni kuk no bak Asytoret di kwar sop di mben Sidon ide kin mben Amon ide kwar Molokh di bindei ba, nide limwa nya ingon him muwei sut cem.

YAKOBUS 5:1

Disut bat je di jinyeng bibor e, ma jingig jitingou mem ditde nipingok jeti ug e. Ma jiyai nggwei kibor ba, jipim nggruet cem tut mun di buhun bibor di micut igkep je hak ei nidipti bu!

ZEFANYA 1:5

Midicok tut yo di ikui ug ei ig bou ninjek dip leu binhyepo ikuk yok bak mpia yaisi kin bed mmun kin ham mpia-bbed him nya yahagom poi hak. Midicok tut yo di ikuk yok biDa di iba neheng pai bipia ingon gom tut Da lo, yeheng bitug hon kwar Milkom ninyeng dima hak ug.

AMOS 1:15

Ide siceu nya mikat nibou ndig kin yo di inyeng jei nya yahagom ei minu dima bikri yok ug ei ingkiaisi. Da di tuhan disimbot dat tu.”

YEREMIA 51:8

Noro minu Babel cut bikimbo kros hak. Ma jipim tut noni bijinggok obat mem nibokti nya. Leu hi rima kei hanyen e?

YEREMIA 49:1

tuhan pai sut mben Amon “Nggon rino yo di ikuk yok bak Kwar Milkom igyai dihyei keret Gad di igyati lene ibibongti cem i? Mben Israel bihi ikon pran gau minu dima bi e?

YEREMIA 48:20

Yoni ibuhup ‘Minu Moab cut ba, bon ninyeng bu bi su. Gima rino ma jipim tut ndina. Jipai sut bidem yo di ibong dideu Minyei Arnon ninggup ug bipek kin nibrig bipia minu Moab timek tu.’ ”

YEREMIA 48:2

Minu Moab ninyeng jeisi cut tu. Siceu nya igyai minu ndig Hesybon bigyati tu. Itin ei ingon kanti mem gima icok tut mben Moab yahagom hak ei sirima. Siceu mibindei ba, ighyet di kui yam ei minu ndig Madmen ntus. Lewo tentara nya injei siceu ndam minu ndig dima bihwen.

YEREMIA 6:26

tuhan pai bak Nide limwa nya “Ma jijuk sinsun kron ba, jirim-bijibong ei atriemti. Ma jingon ngguk bibor bijiyai nggwei kibor dem kep nok yo di ingon ngguk tut munggwom di nimig gom ngat di mai su. Lewo nibou pran di kon pran bit je mikwei kros bibindei sar je bijingwig.”

YESAYA 23:6

Timiei mukti e, ma jipim ba, jibwos-bwos nyen leu api jingwes ngun ug ei Spanyol cem.

YESAYA 23:1

Gini ne nisok nihyetti tut minu ndig Tirus ri. Niyai midyai ei muk ngwa dip cig leu minu Spanyol di jiba kibar bimbut muk ndigsi e, ma jipim ba, jibwos-bwos nyen! Mpe di jibri kibar ba, jijo leu Mios Siprus lene jimiap tut bipia minu ndig Tirus timek tu. Muk nuhuisi di kibar yati dima kin ig nya nggek sinsiou tu.

YESAYA 16:7

Gima rino nnaba mben Moab ipim kui jei sut yam. Gino ingon kan njita di kei di igyem kep ei minu ndig Kir-Hareset bingon ngguk tut lene nnaba ipim bibikiek ug. Nnaba ingon ku yonti ba, inso-nso nyen hak ug.

YESAYA 14:31

Minu ndig Filistin nya e, ma jipim kui jei bijahara mem tungwatu nya ikwei mpu je! Ma jahagom jihyet kui yam tut ba, jidigit ei yamti! Bumbuhui ttou gom di nok dihyei ntui kui dat mpia-bbed him leu nite bei mpia nijjai ba, bindo tut nimpung siceu di injei kwei ri. Ba, nibindei ttin cig hi srig ikieti bi.

YESAYA 13:6

Ma jipim kui jei lewo njap di tuhan de dideu kwei su. Njap dima ne tuhan Di Ninyeng Jei Bibor de njap nibindei sarti di Noni kes kwei ri.

YOSUA 8:28

Yosua nya indig minu ndig Ai binok humekti. Lene isindui sut ba, minu ndig Ai jo nok gima kikau kwei bipek ammani kep.

YOSUA 7:2

Tirigi mben Israel ibong dideu minu ndig Yerikho di timek lene Yosua pinak tentara nya ibou poi biyuug ei minu ndig Ai ei minu ndig Betel nite bei mpia nipriti dideu Bet-Awen. Yosua cuk yo dima “Juug yok jiyai kep minu ndig Ai kin minu di gahai nya.” Tirigi yuug yok igyai kep minu dima leu su,

YOSUA 8:1

Lene tuhan pai bak Yosua “Anduk ade tentara nya yahagom kwei lene anjei sut yok ug ei minu ndig Ai. Ma jingon mbut-mbut nyen ba, jidigit tut yok au! Midibindei ba, jibindei timek nibou ndig minu ndig Ai kin nide limwa nya ug ri. Leu api ma ayai nide minu ndig kin nide minu mien nya ba, ayati.

SAMUEL GI NICAN 11:1

Nibou ndig nya ikinyon ei nikon pranti bit ide siceu nya ngan-ngan ei bed di biang hou ningwigsi. Ari bingwam dima lene Daud cuk Yoab kin yo di igya kui noni kin nide tentara nya yahagom biyuug kon pran bit mben Amon. Tirigi tentara Amon icut bak yoni tu lene Yoab nya yuug ei minu ndig Raba bigyon ttai minu dima. Noro Daud gwam ei minu ndig Yerusalem.