YEREMIA 48:2 - ALLAH NIHYET MEM TUNGWATU NYA

² Minu Moab ninyeng jeisi cut tu. Siceu nya igyai minu ndig Hesybon bigyati tu. Itin ei ingon kanti mem gima icok tut mben Moab yahagom hak ei sirima. Siceu mibindei ba, ighyet di kui yam ei minu ndig Madmen ntus. Lewo tentara nya injei siceu ndam minu ndig dima bihwen.

YEREMIA 48:2 ပူးပေါင်းရင်းမြစ်များ

YESAYA 15:1

Gini ne tuhan nisokti tut mben Moab ri. Siceu nya ibindei sar minu ndig Ar kin Kir mem mmun gom ngat leu api mpia mbum-brati minggai kep minu Moab bram.

YESAYA 15:5

Dingon ngguk tut minu Moab! Timiei nya icat ndigban binang tut ug ei minu ndig Zoar kin Eglat-Selisia. Bihi inang bikui puig di ug ei minu ndig Luhit ba, ibipim kak imbutti. Bihi inang ug ei minu mien Horonaim ba, ibahara inghuisi di wei lewo mun di buhun cut igkep yok.

YESAYA 16:14

Tini bu ne tuhan pai “Cut igbit ari bingwam ningai bu ne minu Moab de ndigban nindig bibor di nyeng tut di bikon ninyeng nya hagom misar bihigom. Nogindini ide limwa nya imang-mang noro poi mien he ingwes ngun apino inghuisi jet.”

YESAYA 25:10

tuhan minyohou Nungug Sion noro mico kep minu Moab noyam kin gandum nintam di icom ug ei mimpiang bousi.

YEREMIA 25:15

tuhan di mben Israel ide Allah pai bida “Ayai mok ba anggur ngei di ut tut Ditde nigga biborti di noyam kin ba anggur ngei dini. Attei ba, aug sut ndam ngkiai nya yahagom bidem minu di dipinak na ndam yok nya. Lene ma acuk yok bidut ei gimokti dini.

YEREMIA 25:17

Leu api diyai gimokti dima leu tuhan nindati ba, duug sut ndam ngkiai nya yahagom bidem minu di tuhan pinak da ug nya. Leu api dibindei ba, idut eisi.

YEREMIA 31:36

Noni preu ei mem nye “Mben Israel mintun yam him nok Ditde limwa nya kikau ug bipek dihyeisi dini ningwig honti.

YEREMIA 33:24

“Angig atingou kep mun di ngkiai nya ibohom ndat di bitut mben Israel kin Yehuda tu e? Ibohom ndat bipia dicom mben cin di didimig yok ei dima tu. Gima rino ibisrip huk Ditde limwa nya nok yo di ibon inyeng bi ba, ibingat yok nok mben hi rin bu bi.

YEREMIA 46:28

Je di Ditde limwa nya e, ma jittin au. Midikwei teu je bijingwes ngun. Midibindei sar ngkiai nya di dibindei ntek gimahap je ug eisi nya yahagom hak ug. Noro midibindei sar jeni bi. Ningat ne mijingwes ngun leu hukum bi. Noro midikes hukum di igbit di dem mem dikes ei jeni dip hak ba, bit leu dikos tutti. Da di tuhan disimbot dat tu.”

YEREMIA 48:17

Je di ngkiai nya di jibong dideu minu Moab di jikan tut ninyeng jeisi di tibim bidem minu nya e, ma jipim tut noni! Jipim ba, jibwos-bwos nyen “Minu Moab ninyeng tak kep mun nyeng hi bu bi o! Nide ninyeng jeisi kin nisindemti pror tu o!”

YEREMIA 48:42

Minu Moab timek bingwig leu ba, nok minu di hi ninyeng tak kep bu bi. Lewo ikon yonti bou diyai him.

YEREMIA 48:45

Nikinei-kinau nya ipri binang ba, yuug gwam coi Hesybon leu binhyepo ingwes ngun lo, hum sindi yem minu ndig dima bitut nibou ndig Sihon de ig nibou ndig cem. Hum dima cok tut minu Moab ninghas him kin nungug him ba, nikon kep pran cig dima yok itimieisi hagom sar bingwig tu.

YEREMIA 49:3

Je di mben Hesybon e, ma jipim lewo minu ndig Ai timek tu! Sop timiei minu ndig pmem Raba jen e, ma jipim kui jei! Ma jijuk sinsun kron di bindo tut jingon di ngguk. Ma jiba jingon tai-tai bou bittei yam kui-juk nyen. Siceu mikat jide Kwar Milkom bitut nide imam nya kin yo di igya kui nibou ndig ninyeng tak kepti nya yahagom bicom yok ei ingkiaisi!

YEREMIA 49:37

Dibindei ba, mben Elam ittin siceu di ijoi sut igyai nimai biyok nya. Digga yoni bibor ba, dibindei timek yok. Dipinak tentara di ikon pran bit yok nya bihwen yok bingwig bibor hak.

MBEN ISRAEL IMBUT-MBUT NYEN 32:37

Ba, keret Ruben iwin minu ndig nya di Hesybon kin Eleale kin Kiryataim,