YEREMIA 47:6 - ALLAH NIHYET MEM TUNGWATU NYA

⁶ Jahara ‘tuhan de singau simeda e, ma ahwen nye bipek apig bu i? Ma angkwei hanyen ei ahamti ba, agwam kep anghuisi ei sirima hak ug!’

YEREMIA 47:6 ပူးပေါင်းရင်းမြစ်များ

YEREMIA 12:12

Siceu nya di ikwei leu nungug him ibikwam ug ei iggum ndigsi mem gima ipos ndigban. Dibindei ba, pran cut lene diba pran dima binggek minu titut yam. Apino tungwa hi dima bong kei gwam kei bu bi.

YOHANES 18:11

Noro Yesus mbrua ser Petrus “Ajus ade simeda hanyen ei nahamti hak ug! Akan bipia midiyai ninghuisi wei di Dicig yai biDa bi e?”

YEHEZKIEL 21:30

Je di mben Amon e, jijus jide singau simeda hanyen ei nahamti! Midimbus jingonti ei mpia di dipai tes je kin mpia di jisrek eisi cem.

YEHEZKIEL 14:17

Hi rima dipinak pran kwei ei minu dima tug hon tentara di ikrau minggwen di sindem kei nya bikwei mem gima diba yok bicok tut tungwatu kin mindhe-ndhe nya leu minu dima cem.

YEREMIA 25:27

Leu api tuhan pai bida “Apai bak yo dima bipia Da di tuhan Di Disindem Bibor di mben Israel ide Allah dicuk yok bidut kikau bibou ibou ngwak sibui sut ba, injim binghim dahat tut drek dip pran di dikes kwei ei yok dip di bindei ba, icut leu api bit bon ikiju hanyen kan bi ug e.

YEREMIA 15:3

Da di tuhan dikos tut bipia hukum ninyeng bitai micut igkep yok. Yoni mikrop tug hon pran leu api nsien nya mikri ingut ba, ha nya mipuk ingut lene mindhe di iten-pos nya migya kep ingut bingwig.

YEREMIA 12:4

Dihyei ninjek dip ei minu dini mingak-cai ba, gandum mimui bidem ngoi dumti nya ug bipek apig bu i? Nyende mben ide nisibutti bindei ba, ha nya kin mindhe-ndhe nindigsi nya imai ningwig tu. Yo dima ipai bipia Allah ngat mun di mipek kep mem nye bou niyai him bi.

YEREMIA 4:21

Suar dingat nikon pran bit yamti di kinei-kinau bou diyai him ug bipek apig bu i? Dimiap pun mbrei di nibimbi bindei di ditingou nam ug bipek apig bu i?

YESAYA 10:15

Noro tuhan pai “Apo ma oi bon ninyeng jei dor njiriek no di krau oi dima ei nindati e? Apo ma sigigi bon ninyeng dor njiriek no di ba sigigi dima biyai midyai e? Biprip rino krau tungwatu bi noro tungwatu rino krau biprip a.”

YESAYA 10:5

tuhan pai “Buhun bibor mem minu Asyur! Minu Asyur nok kuk di dikrop kin yam kin biei nibibui ba, dibimbas yo di itug ndei Ditde nigga yoti.

MAZMUR 17:13

tuhan e, akiju! Ahwen ditde siceu nya ba, acut yok. Aba Ade singau simeda biteu da bidingwes ngun leu yo di isibut di imbuk tut da nya.

NIBOHON MBEN ISRAEL GI NIGOM 21:27

Leu api tuhan cuk malaikati pima bijus nide simeda hanyen ei nahamti. Lene noni yai igbit tuhan nicukti dima.

SAMUEL GI NICAN 2:26

Lene Abner ya tirima bijem bak Yoab “Suar sikon pran bit yam bijo kikau e? Akan bipia pran dini biang ningon di mpo tut yam bi e? Nye dini ne ade bat nya rin ba, yahagom intun mben gom ngat him. Aom angon tut ba, apig bu api apai ser ade tentara nya leu binhyepo ikes hon leu ba, yuhuk nye kui jei bi i?”

NIJAM NIKEI NYA 7:20

Lene nimpung nindigsi can cem igyai bit leu nok Gideon niyaisi dima. Gima rino yahagom ikrau ide hyem di njeng ei inda prak bisu kui lene ikrau ide pun mbrei ei inda com leu api yahagom imbos bipai “Simeda hi mem tuhan lene hi mem Gideon!”

YEREMIA 48:10

No di brim Ningkek tut midyai tuhan de mungkun kei bi tug ndei nisigion noti. No di kus nide singau simeda di biyai nimai bak tungwatu bi cem tug ndei nisigion noti.

YEREMIA 50:35

tuhan pai “Jibindei sar minu Babel bitut nide limwa nya kin yo di inyeng jei nya kin yo di ikan bipia ingon ki nya yahagom hak ug!

ZAKHARIA 13:7

tuhan Di Ninyeng Jei Bibor pai “Singau simeda e, ma akiju ba, ahwen gembala di yai midyai mem Da! Ayai nimai bak leu api ide domba nya mintek gimahap. Dihwen Ditde limwa nya ba,