YEREMIA 47:2 - ALLAH NIHYET MEM TUNGWATU NYA

² tuhan pai “Angat i! Minyei biam kwei leu nite bei mpia nijjai ba, kui mpia bidem kep minyei ndig di su bihwen minu dini bitut mun di joti nya kin minu ndig nya bitut timiei di ibong niti nya cem. Tungwatu nya yahara nimpu yokti ba, limwa nya yahagom mipim nggruet.

YEREMIA 47:2 ပူးပေါင်းရင်းမြစ်များ

MAZMUR 24:1

Doia Daud. tuhan nyeng tut dihyeisi dini kin mun di joti nya bitut dihyei ninjek dip kin yo di ibong kep nya ba, inok Nide limwa nya.

MAZMUR 50:12

Gino dinggum lene midahara jeni tut njita bi sren. Lewo dihyeisi dini hagom bitut mun di jo niti nya ne Ditde ri.

MAZMUR 96:11

Dihyeisi dini kin mpia-bbed him e, ma jingon llei bibor! Muk ndigsi kin mun di joti nya hagom e, ma jide kru nibimbiti bong!

MAZMUR 98:7

Muk ndigsi kin mun di joti nya e, ma jide kru nibimbiti bong. Dihyeisi dini kin mun di joti nya e, ma jipai doia.

YESAYA 14:31

Minu ndig Filistin nya e, ma jipim kui jei bijahara mem tungwatu nya ikwei mpu je! Ma jahagom jihyet kui yam tut ba, jidigit ei yamti! Bumbuhui ttou gom di nok dihyei ntui kui dat mpia-bbed him leu nite bei mpia nijjai ba, bindo tut nimpung siceu di injei kwei ri. Ba, nibindei ttin cig hi srig ikieti bi.

YESAYA 15:8

Naharati jo bidem minu Moab de minu niya kwas yamti tirima-tirima. Gi ipim kui jei dima tibim ba, imiap ei minu ndig Eglaim kin Beer-Elim.

YESAYA 22:1

Gini ne nisok nihyetti tut Mbang Briep Ningat-hi-ngat ri. Timiei minu ndig Yerusalem e, nggon rino jahagom jikui ug ei ig ninjek dip i?

YESAYA 28:17

Ningon sren-srausi rinok nai di ibinai ig dima nikiou ba, ningon gomti rinok mun di ibinai cou nipijumti.’ ” Biget di mbras nok tig njep mibindei sar jide ningon mangti di jiba jingon com nya. Minyei di su mihwen je ei mpia di jinang coi bijiku je eisi nya.

YESAYA 59:19

Nide nisindemti kin ninyeng jei biborti mibindei ba, yo di ibong nite bei mpia nipriti kikau ug ei nite bei mpia nicutti yahagom mittin tut Noni. Noni misu kep yok nok minyei di ningwa sindem bibor di kui mpia tug hon hou di nimig ten bibor.

YEREMIA 1:14

tuhan pai bida “Nirai dima bindo tut mun di buhun di mikwei leu nite bei mpia nijjai dima bindei sar timiei minu dini yahagom ri.

YEREMIA 46:12

Jide mun di bibon nimmaisi jo brei ba, ngkiai nya ikan tut. Jihyet di jibaharati tibim ba, yahagom imiap tu. Tentara nya yonti indrat yam ba, yahagom ikinoi ug ei dihyeisi tu.

YEREMIA 46:13

Tirigi Nibou Ndig Nebukadnezar kwei bicoi minu Mesir bihwen lene tuhan mbrap bit da bipai,

YEREMIA 46:20

Minu Mesir dem kep sapi pmot di pap-nap kei noro kros gom di kwei leu nite bei mpia nijjai waisi.

YEREMIA 46:24

Mun dima mibindei minu Mesir nimmaisi lewo ngkiai nya di ikwei leu nite bei mpia nijjai ihwen yok apino icut. Da di tuhan disimbot dat tu.”

YEREMIA 48:39

Minu Moab timek bindung-ndiem tu! Timiei Moab immai bibor! Ipim lewo tungwatu nya ighyet kinei sut ba, ngkiai nya di ibong ttai nya ipa tut no. Da di tuhan disimbot dat tu.”

YEREMIA 6:22

tuhan pai “Mben di isindem bibor gom minjei kwei leu itimieisi ei nite bei mpia nijjai ei minu ting bibor bikon pran.

YEREMIA 8:16

Siceu nya ingat rin ei minu ndig Dan tu. Kuda di ide nya idungwek ba, tibim ei itingou nsi bimiap tu. Timiei minu dini yahagom ittin bibor. Siceu nya ikwei mem gima ibindei sar ide minu nisurti-nipekti bitut mun di joti nya hagom kin ide minu ndig nya bitut timiei di ibong ser nya cem.”

DANIEL 11:22

Noni bindei timek tentara nya di ikon pran bit noni bicok tut Allah de Imam Nibou Ndig cem ba, sar.

NAHUM 1:8

Nibindei timek Nide siceu nya dem kep minyei di su nindig bibor di hwen tungwatu bicom yo di ibrim ingkek kep Noni di ihwen bit Noni yahagom ug ei minu nimai nya ide bisar hak.

KORINTUS GI NIGOM 10:26

Bit leu nok gi ipas ei Allah nihyetti “Tuhan nyeng tut dihyeisi dini bitut mun di joti nya hagom.”

KORINTUS GI NIGOM 10:28

Lene gino hiter mbot kep tut bina bipai “Tungwatu nya ipigig ser njita dini mem ide kwar nya.” Gino pai bina nok lene ma ayem njita dima au drek dip no di pai sut gima binani ba, drek dip ningon bei di huk niti cem.

YAKOBUS 5:1

Disut bat je di jinyeng bibor e, ma jingig jitingou mem ditde nipingok jeti ug e. Ma jiyai nggwei kibor ba, jipim nggruet cem tut mun di buhun bibor di micut igkep je hak ei nidipti bu!

NINGAT-HI-NGAT NYA 17:1

Lene malaikati nya di ikwei sut ide bokor nya igom kwei pai bida “Akwei ba, dindo sundal di ninyeng jei di mitug ndei hukum bina. Noni ne minu ndig bibor di iwin dideu minyei mang biborti ri.

NINGAT-HI-NGAT NYA 17:15

Leu api malaikati dima pai bida “Minyei ngwa dip di angat di sundal gwam ningwa dip dima ne minu nya kin keret nya kin mben nya kin nihyet nya ri.