YEREMIA 42:2 - ALLAH NIHYET MEM TUNGWATU NYA

² ngat da bipai “Andigpoi e, angat bou ayai him bipia nipou ne nye dini nimang noro tini bu ne nijo poi mien he. Nahara bak na di andigpoi leu binhyepo angat nadi bak tuhan Allah di akuk na bak. Angat nadi tindei nye di niken di nimang bibor bu bi dini,

YEREMIA 42:2 ပူးပေါင်းရင်းမြစ်များ

NIBOU NDIG NYA GI NIGOM 13:6

Lene Nibou Ndig Yerobeam hara nabi dima “Angat nadi tindei da bak ade tuhan Allah leu binhyepo Noni ngondut da bikinding dinda bikei hanyen!” Lene nabi dima ngat nadi tindei nibou ndig dima bak tuhan leu api ninda kei hanyen.

MAZMUR 119:170

Asindui sut ba, ditde nahara Nati hwou bipek Na ug. Ateu da bidingwes ngun bit leu Ade nipreu eisi.

NEHEI LEUSI 8:28

Lene Firaun ce bipai “Nna ba, midice tut ba, juug ei iggum ndigsi leu binhyepo jibon midut dima bak tuhan di nok jide Allah. Noro ma jimbut ug ei minu ting au. Lene jingat nadi tindei da.”

NEHEI LEUSI 9:28

Ma angat nadi bak Noni mem nye! Nyeni nitug ndei hukum nidut di cut igkep nye tug hon kru di cut kin biget di mbras nok tig njep dem tu. Cobi! Midikes je bijimbut bijingwes ngun hak ug. Mijibong kep minu dini bu bi.”

YESAYA 1:15

Mpe dino jingat nadi bijisu jinda lene midikiek Doho ter leu je. Mbro nok gino juhuk nadi bijo ninno bijo kikau lo, midingig ditingou mem jihyet bi. Lewo jiba jinda hwen mun mang tu.

YESAYA 1:9

Gino tuhan Di Sindem Bibor sindui sut nye ba, ibou poi ingwes ngun bi ne nyeni yahagom isar bingwig dem kep nok Sodom kin Gomora.

YESAYA 37:4

Nibou ndig Asyur cuk nide nibou pran gom kwei mem gima nihyet wer mpiahi tut Allah Di Niyaijo. Mpaba tuhan Allah miap nihyet di wer mpiahi di tibim ei nibou dima nuhui him bikes hukum ei dip! Gima rino ma angat nadi bak Allah mem nye di itug ndei nimai bigyo.”

YESAYA 42:20

Je di mben Israel e, jingat mun nyeng mang bibor bou jiyai him noro mun dima yok tot jingonti bi. Jitingou tu noro jimiap mun nyeng hi bi.”

YEREMIA 15:11

tuhan e, gino diyai ditde midyai nok gi kei bidimbrap gau ditde siceu nya ei Aho bei tirigi mun di buhun cut igkep yok bi lene nna ba ide nimbriomti dima cut igkep da hak ug. (

YEREMIA 2:27

Jahagom mijimmai sut jenti lewo jihig biei ttou gom nok jicig ba, jihig tig nitindak gom nok jipmem. Jikwei kuk je biDa bi noro jikes Da ei. Tirigi mun di buhun cut igkep je lene jahara Da leu binhyepo diteu je bijingwes ngun.

YEREMIA 21:2

“Ma ahara tuhan mem gima ndo ningon kanti binye. Lewo Nebukadnezar di nibou ndig minu Babel ya tut nide tentara nya ba, igyon ttai ide minu ndig tu. Leu hi rima tuhan mibon mindur mem nye bibindei ba, Nebukadnezar brim nide tentara nya bingkwei leu nye a.”

YEREMIA 36:7

Mpaba ahyet dima mibindei ba, yoni mingat nadi bak tuhan bittin ser igyai munti di kinei bibor nya. Lewo tuhan ba nigga biborti bicug yok tu.”

YEREMIA 37:20

Na di Andigpoi di anyeng jei e, nogindini ma angig atingou mem dihyet. Ma acom da hanyen ug ei ig bui nsi ei Yonatan de ig dima bu au. Leu gima mibindei bidimai hak ug ri.”

YEREMIA 37:3

Zedekia pinak Yukhal di Selemya nipmot kin Imam Zefanya di Maaseya nipmot kwei ba, ibidip huk da leu binhyepo dingat nadi bak tuhan Allah tindei timiei Yehuda nya.

YEREMIA 38:14

Njap poi ser lene Nibou Ndig Zedekia hig da biduug ngat noni ei dimbou pmem niningai ei tuhan De Ig bihig ser da “Midihig ser na tut mun nyeng gom lene ma abuhup bida nok igbit. Ma angon tak kep mun nyeng hi au.”

YEREMIA 40:15

Leu api Yohanan pai nyahan bak Gedalya “Ma asindui sut ba, duug yai nimai bak Ismael hak leu ba, hi dima kan tut no di yai nimai bak bi. Nggon rima isindui sut ba, noni yai nimai bina i? Leu gima mibindei ba, timiei Yehuda di idem yam ei bit na intek gimahap hanyen bu. Ba, mun dima mibindei sar limwa niken di ingat rin ei Yehuda yahagom.”

YEREMIA 42:20

bipia jibon mun tunggwei nindig tu. Jahara da leu binhyepo dingat nadi bak ide tuhan Allah mem jeni. Lene jipreu ei mem gima jibit mun nyeng hagom di tuhan pai bije.

NIBWOS-BWOS NYENTI 1:1

Minu ndig Yerusalem di nipou yo timiei nya illei bibor lo, tini bu ne nok mpia ntus ba, mpia mbum-bra bibor cem. Nipou yo ne ninyeng jei ei ngkiai nya igyai him noro nogindini wer kibom. Minu ndig di nipou yo ikon ninyeng dima tini bu ne wer awak tu.

YEHEZKIEL 12:16

Midisindui sut ibou poi he bingwes ngun leu pran kin ninggum kin nsuwer ajar cem leu binhyepo ingon huk niti tut ide nibon munti di kinei bibor nya ei ngkiai nya ikieti. Yoni mipai jit bipia Dani ne tuhan ri.”

HOSEA 8:10

Mbro nok gima lo, midinduk yok keyam bidikes hukum ei yoni dip yo. Jei bi ne yahara inghuisi di wei drek dip nibou ndig minu Asyur di co kep yok.

IMAM NYA IDE MIDYAI 26:22

Midipinak mindhe-ndhe di niten-pos nya kwei ei jikieti. Mindhe-ndhe dima yok mittem jimunggwom bat nya ba, yaham jide mindhe-ndhe di jihyen kep nya bimai bingwig ba, ibindei ngwig jeni cem. Apino jimangti poi mien he. Gima hagom mibindei ba, jide puig nya tereu nok mpia di ha he bong.

AMOS 7:2

Dingat lo, hai ceng nya igyem mun di ngun bikwop ninyeng hagom ei minu dima leu api dipai biNoni “tuhan Di Ninyeng Jei Bibor e, ma akos ser Ade limwa nya ide sisar! Lewo imien ba, inghuisi wei bibor cem. Notou ingwes ngun i?”

MATIUS 24:22

Gino Allah mikos nijam dima nijeisi leu bi lene bit bon tungwatu nya bihi ingwes ngun kan bi. Noro Noni mikos nijam dima nijeisi leu mem Nide limwa nya.

KISAH 8:24

Lene Simon hara Petrus kin Yohanes bipai “Ma jingat nadi bak Tuhan leu binhyepo mun di jipai kep dati dima hi cut igkep da bi.”

NINDAT KEP TUHAN NICUKTI NYA 28:62

Mbro nok gino jimangti midem kep ham mpia-bbed him lo, jibou poi he rima ingwes ngun. Lewo jigibit jide tuhan Allah bi.

NINDAT KEP TUHAN NICUKTI NYA 28:63

tuhan mijoi sut bindei sar jeni bicok tut jeni ningwig noyam kin gi nipou po Noni joi sut yai nibong kei ningwam kei bak jeni bikum ei jimangtiti pima. Noni mitiba jeni hanyen leu minu di jei bi mijiyai bijiyati bijikieng kep dima.

NINDAT KEP TUHAN NICUKTI NYA 4:27

Noni mibindei ntek je srig ngkiai nya ikieti leu api jibou poi he mijingwes ngun.

YAKOBUS 5:16

Gima rino ma jipai jit jide sisar brei biyam leu api jingat nadi tindei yam leu binhyepo Allah bindei ba, jikei hanyen. Nadi di tibim ei no di ningon sren nuhui him sindem bibor.

SAMUEL GI NIGOM 12:19

Leu api ipai bak Samuel “Andigpoi e, angat nadi bak tuhan di nok ade Allah mem nye ser nhyema nitug ndei nimai bi. Jo nibreisi mem nye tu bipia nibon sisar tirigi po nahara mem nibou ndig di ninyeng tak kep nye pima ba, nibikum ei nyende sisar nindigsi nya hagomti.”

SAMUEL GI NIGOM 12:23

Noro tut dani ne dikou sut gi dibon sisar tut Allah tug hon gi dikes hon ba, dingat nadi tindei je bu bi. Noro midingginau je tut jiyai munti di kei bibor kin mun di suar jiba jingon gom biyai cem.

SAMUEL GI NIGOM 7:8

Lene ibidip huk Samuel bipai bak “Ma ahuk nadi bak Allah kikau leu binhyepo Noni miteu nye ba, ingwes ngun leu mben Filistin indati.”