YEREMIA 40:14 - ALLAH NIHYET MEM TUNGWATU NYA

¹⁴ bipai bak “Akan tut gino Baalis di nok nibou ndig mem Amon cuk Ismael mem gima yai nimai bina e?” Noro Gedalya ba ningon com yok tut ipaisi dima bi.

YEREMIA 40:14 ပူးပေါင်းရင်းမြစ်များ

YEREMIA 41:10

Leu api Ismael kat nibou ndig nipmisop bat nya kin yo di yahagom di ingat rin ei Mizpa di Nebuzaradan kes yok bak Gedalya di ninyeng tak kep yok nya yahagom. Noni kat yok bisima leu api nang tut yok hallu kak puig di bie ug ei minu Amon.

YEREMIA 25:21

kin mben Edom kin Moab kin Amon yahagom,

MIKHA 7:5

Ma jingon jo kep yam hyet au. Ma jiba jingon com jisut nihyet au. Ma jingon sok kep jenti tut mun di tibim ei juhui him bitut mun di tibim ei jitnem bat nya itingou nsi.

YEREMIA 41:2

rino Ismael kin ibou simnai pima ikus ide singau simeda noyam ba, ibiyai nimai bak Gedalya di nibou ndig minu Babel ta nok nibou hanjop.

YEREMIA 40:8

Leu api Ismael di Netanya nipmot kin Yohanan di Kareah nipmot kin Seraya di Tanhumet nipmot kin Efai di kwei leu Netofa nimunggwom bat nya kin Yezanya di kwei leu Maakha igya tut ide limwa nya ba, yuug ngat Gedalya ei Mizpa.

YESAYA 26:10

Mbro nok gino nibibon yo di isibut nok gi igbit lo, ingon dorti tut igyai munti di igbit nya bi. tuhan e, Ade nikos tutti di sren-srau mbut sindem ei minu dini noro yo dima ibon mun di kinei ba, ibikou sut Ade nisindemti.

YEREMIA 40:13

Gima leu lene Yohanan ya tut nibou tentara di ikes yonti ei siceu indati bi pima yok bikwei ngat Gedalya ei Mizpa,

YEREMIA 41:1

Ug cut bed gi nimuhwindacan mem ari bingwam dima lene Ismael di Netanya nipmot di Elisama nignyon ya tut ibou simnai ba, yuug ngat Gedalya ei Mizpa. (Ismael ne no di ntun nibou ndig minu Yehuda him hi rin ba, noni cem nibou tentara Yehuda gom di ninyeng jei ri.) Hammi tirigi yahagom igyem njita bit yam,