YEREMIA 40:12 - ALLAH NIHYET MEM TUNGWATU NYA

¹² Gima rino ikiju bikwei leu ingkiaisi di intek gimahap ug eisi nya ba, ingkwei hanyen kwei ei minu Yehuda. Ikwei krau Mizpa lene Gedalya ninyeng tak kep yok. Lene yoni kin limwa nindigsi nya inda jo kep midyai nimbus ba anggur ngat kin biei ngat nya mang bibor mem yonti.

YEREMIA 40:12 ပူးပေါင်းရင်းမြစ်များ

YEREMIA 43:5

Lene Yohanan kin nibou tentara nya ibuwak ide limwa nya di ingat rin ei minu Yehuda yahagom bitut yo di ikwei leu mpia di intek gimahap ug eisi nya kwei cem ba, yuug sut yok ug ei minu Mesir.

NIPINGOK NINGONTI 27:25

Akos kep gandum nintam kin mbrui ut kwei leu beisi ba, abinyohou ade mindhe nya lo, jei bi ne nikioi nya hei hanyen kep beisi bu.

YESAYA 16:9

Noro tini bu ne dipim tut ba anggur nghousi ei Sibma noyam kin gi dipim tut minu ndig Yaezer. Diyai nggwei kibor tut minu ndig Hesybon kin Eleale lewo ide siceu nya igyem ba anggur ngat bingwig leu su.

YEREMIA 40:10

Jibong hak ei jitimieisi nya bit leu jingon kanti. Lene ma jipian ba anggur ningat ba, jinju keyam kin biei ngat nya kin mini zaitun ba, jinju keyam. Dibong ei Mizpa ba, diya hacan mem limwa nya mpe di tentara Babel nya ikwei ei minu dini.”

YEREMIA 40:13

Gima leu lene Yohanan ya tut nibou tentara di ikes yonti ei siceu indati bi pima yok bikwei ngat Gedalya ei Mizpa,

YEREMIA 41:10

Leu api Ismael kat nibou ndig nipmisop bat nya kin yo di yahagom di ingat rin ei Mizpa di Nebuzaradan kes yok bak Gedalya di ninyeng tak kep yok nya yahagom. Noni kat yok bisima leu api nang tut yok hallu kak puig di bie ug ei minu Amon.

YEREMIA 44:18

Noro hon kep tirigi po nikes ninda tut nibon midut nindig mindhe-ndhe ei humti mem gima nibikuk nye bak Nibou Ndig Sop Gwamti ba, nikiber ba anggur ngei mem gima nibikuk nye bak bu bi pima lene nyeni nuhui mbum. Nyende limwa nya imai ei pranti ba, imai inggum cem.”

YEHEZKIEL 34:6

Gima rino Ditde domba nya imbut-mbut wai apino israwir bidem nungug him kin mbigdip di jei bibor nya. Intek gimahap bidem dihyei nisurti-nipekti lewo gembala hi hek tut yok ba, nggok bram yok cem bi.