YEREMIA 40:11 - ALLAH NIHYET MEM TUNGWATU NYA

¹¹ Lene mben Israel di ingat rin ei minu Moab kin Amon kin Edom kin gi ingat rin ei minu hiter nya yahagom imiap tut bipia nibou ndig minu Babel ta Gedalya tu. Noni kui bigwam nok nibou hanjop ba, ninyeng tak kep limwa nya imang bu bi su.

YEREMIA 40:11 ပူးပေါင်းရင်းမြစ်များ

YESAYA 16:4

Ma jisindui sut ba, nibong nok ngkiai ei jide minu. Ma jingkiem ser nye leu yo di ijoi sut ibindei sar nye.” (Nico kep yamti kin nibindei sar hiterti mikes hon rin ba, yo di ibindei di mben Israel itimek bico kep yok cem mingwig krebou.

YEHEZKIEL 35:15

bit leu nok jide ningon kei kep Ditde limwa di Israelti ei mpe di mpia mbum-bra bram yok. Nungug Seir nya he bi noro minu Edom titut yam mimbum-bra ri. Apino yahagom mikan tut bipia Dani ne tuhan ri.’ ”

YEHEZKIEL 35:5

Jiba nitok bak Israel habiei kwei su bijisindui sut ba, siceu nya ibui yok nok mikwau ei mpe dino mun di buhun gi ningwigsi cut igkep yok drek dip ide sisar.

YEHEZKIEL 25:12

tuhan Di Ninyeng Jei Bibor pai “Mben Edom ibon mun tunggwei nindig bibor bimbuk tut Yehuda drek dip ingon di sibuisi di jo nipou su.

YEHEZKIEL 25:8

tuhan Di Ninyeng Jei Bibor pai “Mben Moab ipai bipia mben Yehuda dima yok inoyam kin ngkiai nindigsi nya.

YEHEZKIEL 25:6

tuhan Di Ninyeng Jei Bibor pai “Ma jibien-bien nyen ba, jittem-ttem nyen jinda lene jibiyai nillei. Ba, jingon kei kep minu Israel.

YEHEZKIEL 25:2

“Na di tungwatu di ayaijo kikau bi e, ma asigion minu Amon.

YEHEZKIEL 5:12

Ade timiei nya nittou nsi gom mimai tug hon nsuwer ajar kin ninggum di buhun di hwen minu ndig dima. Lene siceu nya miba singau simeda bitot timiei ade nya nittou nsi gom bu ei minu ndig nisai. Lene midibindei nittou nsi gom bintek gimahap nima ug-nima ug bidiba singau simeda buhuk yok nyen-nyen.

YEHEZKIEL 5:3

Ma aba anda om abou nta poi mien bijo lene ma anggai gi hi dima ei ade sinsun ninghasti.

YEREMIA 24:9

Midibindei ba, mun di buhun di biyai ingon di ttin bibor micut ei yok dip ba, biyai nittin bak ngkiai nya ei dihyeisi dini nisurti-nipekti. Tungwatu nya iba ighyet bicig yok lene iba yok bilor yam ba, ighyet wer mpiahi tut yok bidem mpia di dicom yok ug eisi nya cem hagom. Tungwatu nya iba mben Israel inyeng bisigion yam.

SAMUEL GI NIGOM 12:12

Noro mpe di po jo nibreisi mem je bipia Nahas di nok nibou ndig mem mben Amon hwen je pima lene jikou sut tuhan di nok nibou ndig mem je leu api jipai bida bipia jijoi sut mem gima nibou ndig gom ninyeng tak kep je.

SAMUEL GI NIGOM 11:1

Bed gom bu lene Nahas di nibou ndig mben Amon njei siceu tut nide tentara ug ei minu ndig Yabesh ei hanjop Gilead. Lene igyon ttai minu dima. Leu api pinai di ibong ei Yabesh ipai bak Nahas “Gino akwam minggwen bit nye ser lene minice tut anyeng tak kep nye.”

MBEN ISRAEL IMBUT-MBUT NYEN 25:1

Tirigi mben Israel ingat rin ei Mbang Briep Sitim lene pinai nya ikinyon ei niyem njita tut sop mben Moab nya di ibong ei sirima.

MBEN ISRAEL IMBUT-MBUT NYEN 22:1

Lene mben Israel imbut kikau ba, yohok ide prak meng nya ei mbang briep Moab ei Minyei Yordan nite bei mpia nipriti dideu Yerikho.

NITRITI 36:8

Gima rino Esau di ninyeng hi Edom ug biwin minu jep dideu cet him ei Seir.

MBEN ISRAEL IMBUT-MBUT NYEN 25:2

Sop dima yok icigit yok ndam ide pesta di ibon kep mun di ikuk yok bak nya. Mpe dima ne mben Israel cem igyem mikwau di ibui bak kwar di mben Moab nya ikuk yok bak.

YESAYA 11:14

Yahacem minjei siceu ndam mben Filistin di ibong nite bei mpia nicutti ba, ihwen bipos mben di ibong bei mpia nipriti nya ide ndigban cem. Yoni mibindei timek mben Edom kin mben Moab ba, mben Amon ibou micut biyoni.

YEREMIA 41:10

Leu api Ismael kat nibou ndig nipmisop bat nya kin yo di yahagom di ingat rin ei Mizpa di Nebuzaradan kes yok bak Gedalya di ninyeng tak kep yok nya yahagom. Noni kat yok bisima leu api nang tut yok hallu kak puig di bie ug ei minu Amon.

YEREMIA 43:5

Lene Yohanan kin nibou tentara nya ibuwak ide limwa nya di ingat rin ei minu Yehuda yahagom bitut yo di ikwei leu mpia di intek gimahap ug eisi nya kwei cem ba, yuug sut yok ug ei minu Mesir.

YEHEZKIEL 34:6

Gima rino Ditde domba nya imbut-mbut wai apino israwir bidem nungug him kin mbigdip di jei bibor nya. Intek gimahap bidem dihyei nisurti-nipekti lewo gembala hi hek tut yok ba, nggok bram yok cem bi.

YEREMIA 43:6

Ibuwak nye di Nebuzaradan kes nye bak Gedalya di ninyeng tak kep nye nok pinai nya kin sop nya kin munggwom nya kin nibou ndig nipmisop bat nya kin dani kin Barukh nahagom ba, nuug ei minu Mesir.