YEREMIA 4:7 - ALLAH NIHYET MEM TUNGWATU NYA

⁷ Nihwen kep mben cig gom sindi mbut kwei mem gima bindei sar timiei Yehuda nya dem kep nok singa di hei leu niku no eisi. Noni minggek minu ndig ngot di jo ei minu Yehuda binggek sinsiou apino hagom midem kep nok ha ngunti ri.

YEREMIA 4:7 ပူးပေါင်းရင်းမြစ်များ

NIBOU NDIG NYA GI NICAN 24:1

Nebukadnezar di nok nibou ndig mem mben Babel kwei bindei timek timiei Yehuda nya mem nijam di Nibou Ndig Yoyakim ninyeng tak kepti dima. Apino Yoyakim ne Nibou Ndig Nebukadnezar de awak kikau mem nijam ari bingwam ningai ri. Niabiati bu lene kiek nimig jou tut noni.

NIBOU NDIG NYA GI NICAN 25:1

Zedekia ninyeng tak kep timiei Yehuda nya mem ari bingwam muhwindatai leu api kiek nimig jou tut Nebukadnezar. Gima rino nibou ndig mem mben Babel dima njei sut nide tentara nya yahagom ba, ikwei kon pran bit mben Yerusalem mem njap gi nisimnai ei bed gi nisimnai. Tentara dima yohok ide prak meng yati bigyon ttai minu ndig Yerusalem ba, iroi dihyei keyam kui ngug tig dima cem.

YESAYA 1:7

Ngkiai nya igya kep jide minu dima hagom bitimek lene indig jide minu ndig nya bingwig. Yoni igyem njita leu jide beisi nya bingwig bou jiyai him ba, ibindei hagom timek bingwig.

YESAYA 5:9

Dimiap tuhan Di Sindem Bibor di heng tut “Ig ndig ngat di kei-kau dini hagom mingwak ba, tungwatu nya igibong ser bi.

YESAYA 6:11

Dihig ser Noni “tuhan e, ug ei mpe di tou leu api inok gini bu bi i?” Noni buhup “Ug ei mpe di minu ndig nya hagom timek bingwig ba, bon timiei nya hi bu bi ug e. Ug ei mpe di ig hagom ngwak ba, hi bong ser bu bi. Ug ei mpe di ide dihyei ninda rom titut yam minok iggum ndigsi bu ug e.

YEREMIA 2:15

Ide siceu nya inok singa di yau binggok yok bibindei ba, ide minu noyam kin iggum ndigsi. Ide minu nya timek bingwig bidem kep nok ha he bong.

YEREMIA 22:6

Nibou ndig minu Yehuda de ig kei-kau-kei binok minu Gilead kin Nungug Libanon nya bou diyai him. Noro midibindei mpia dima bidem kep nok iggum ndigsi di tungwatu ibong ser bi.

YEREMIA 22:7

Midipinak nibindei timek mun cig nya hwou ba, yoni mibindei timek nibou ndig minu Yehuda de ig di kei-kau-kei dima. Lene yoni mittei oi mem gima ibiwim nidihim di iba buom Libanon bibon di dia-diau nya bicom hagom ug ei humti.

YEREMIA 25:38

tuhan dem kep singa di hei leu nimihyeti bihigom mem gima kes hukum ei Nide limwa nya dip. Nikon pran sindem biborti kin tuhan nigga biborti bindei ba, minu dini wer iggum ndigsi.

YEREMIA 25:9

‘Midinduk ngkiai nya yahagom kwei leu nite bei mpia nijjai kin Ditde awak Nebukadnezar di nok nibou ndig mem minu Babel cem kwei. Midiya tut yo dima mem gima ikon pran bit minu Yehuda bitut nide limwa nya kin ngkiai nya di ibong ttai yok yahagom. Midibindei sar timiei Yehuda kin ngkiai nya di ibong ttai yok yahagom lene midisindui sut ba, ijjem bijo ninno bijo kikau. Yo di ingat ditde niyai munti dima idigit tut ba, igyai ngkek ttin. Da di tuhan disimbot dat tu.

YEREMIA 26:9

Nggon rino aba tuhan ninyeng bitri tut bipia mun di cut igkep Silo micut igkep tuhan De Ig dini ba, minu ndig dini mitimek bingwig apino hi mibong ser bu bi cem i?” Lene tungwatu ningot ndig ingwig kep da.

YEREMIA 27:8

Gino ngkiai nya hi kin nibou ndig hi miyoom yok bak Nebukadnezar bi lene midiba pran kin ninggum kin nsuwer ajar bikes hukum ei yok dip kikau bibou mben dima yoom yok bak ug e.

YEREMIA 33:10

tuhan pai “Tungwatu nya ipai biyam bipia minu ndig dini dem kep iggum ndigsi ba, tungwatu nya kin mindhe-ndhe nya igibong ser bi. Ipaisi dima ne igbit ri. Lewo minu ndig ngot di jo ei Yehuda kin puig ngot di mbut ei minu ndig Yerusalem hagom ngwak ba, tungwatu nya kin mindhe-ndhe nya hi gi bong eisi bu bi.

YEREMIA 34:22

Midiyai bindo biyok leu binhyepo tentara nya ingkwei hanyen kwei ei minu ndig dini. Leu api yoni mihwen minu ndig dini ba, igyai bigyati leu api indig bitimek. Dibindei ba, minu ndig ngot di jo ei minu Yehuda dem kep iggum ndigsi di hi bong ser bu bi. Da di tuhan disimbot dat tu.”

YEREMIA 4:29

Nimpung tentara di iba kuda di ibri bikon pran kan kin gi iprindei siceu kan nya ibindei ba, nugwei bong mpiati apino tungwatu nya yahagom inang-nang wai ba, innei sor. Bihi inang ug ei bigbehei lene bihi inang bikui ug ei nungug tig biku yok ei hak mihyeti nya. Minu ndig nya hagom mbum-bra bram yok. Hi di ngkwei bibong ei sirima hanyen bu bi.

YEREMIA 44:2

Gini ne tuhan Di Sindem Bibor di Allah Israel nihyet di sok mem yok rin, “Jingat mun di buhun di dikes kwei ei minu ndig Yerusalem kin minu ndig ngot gi nindigsi nya ei Yehuda dip bou jiyai him tu. Minu ndig ngot dima timek ningwig tu ba, hi bong ser bi kikau kwei bipek ammani kep.

YEREMIA 46:18

Dani ne Allah di niyaijo. Dani ne nibou ndig ba, tuhan Di Sindem Bibor ri. No di mikwei hwen na nide nisindemti dem kep Nungug Tabor di jo anai ei nungug nya ikieti ba, dem kep Nungug Karmel di jo anai leu muk ngwa dip.

YEREMIA 49:19

Midikwei ba, dibindei mben Edom binang kros leu itimieisi dima noyam kin singa di hei kwei leu baham tindurti ei Minyei Yordan nyai ba, kwei ndam minta nidumti di domba nya igyem kep minta eisi. Leu api mididimig nibou gom mem gima bie tut mben dima. Tou rima ibinai kin Dani i? Tou rima mimbri kui ningkek bibon munhyet bit Dani i? Nibou hi di sindem mem gima hwen bit Dani nonaha e?

YEREMIA 5:6

Gima rino singa di lus-lus nyen kwei leu bigbehei nya mikwei ttem yok biyai nimai biyok. Lene nsien bigbehei di lus-lus nyen kwei leu iggum ndigsi nya mikrau nikwai tut yok birik-rik nyen ingkek. Macan di nillikti mimbut-mbut wai binggok mun di yem dideu minu ndig nya. Ba, mindhe macan dima mittem bikwop no di hei leu minu ndig. Mun dima yok hagom cut igkep yok lewo ibon sisar mang bibor ba, iba inghim bak Allah nyen-nyen cem tu.

YEREMIA 50:17

tuhan pai “Mben Israel idem kep nimpung domba di singa huk yok di bindei di intek gimahap a. Nibou ndig minu Asyur coi bihwen yok nimbie him ngat. Leu api Nebukadnezar di nok nibou ndig mem minu Babel kinam injum nya mien-mien.

YEREMIA 50:44

Da di tuhan midikwei bindei mben Babel binang leu ide minu ndig di ibong eisi nya kros hak ba, dinoyam kin singa di hei leu baham tigotti di jo dideu Minyei Yordan ba, kwei ndam minta nidumti di domba nya igyem kep minta eisi. Leu api mididimig nibou ndig gom ei mem gima ninyeng tak kep mben dima. Tou rima ibinai kin Dani i? Tou rima brim ningkek mem gima ba mbrap bit Dani i? Apo nibou hi di hwen bit Da ningat rinaha e?

YEREMIA 8:16

Siceu nya ingat rin ei minu ndig Dan tu. Kuda di ide nya idungwek ba, tibim ei itingou nsi bimiap tu. Timiei minu dini yahagom ittin bibor. Siceu nya ikwei mem gima ibindei sar ide minu nisurti-nipekti bitut mun di joti nya hagom kin ide minu ndig nya bitut timiei di ibong ser nya cem.”

YEREMIA 9:11

tuhan pai “Midibindei ba, minu ndig Yerusalem cut bitimek ningwig leu api nsien mbrei nya milus-lus nyen kwei bibong ser ig kumti ba, minu mien nya di jo ei minu Yehuda nya minok ha ngunti lewo timiei nya isar bingwig leu su.”

YEHEZKIEL 12:20

Siceu nya mibindei timek minu ndig di mpung tut timiei nya hagom ba, miai di ide nya miwer iggum ndigsi. Leu api yoni mikan tut bipia Dani ne tuhan ri.”

YEHEZKIEL 21:31

Midikes Ditde niggati di cig-cai ei je dip lene midikes je ei nibindei sar mun cig nya indati.

YEHEZKIEL 32:2

Na di tungwatu di ayaijo kikau bi e, ma asok kep nibou ndig minu Mesir sindem. Atri tut Ditde nisokti dini bak “Mbro nok gino awer na singa nehen pap ei mben nindigsi nya ikieti lo, adem kepti rino unggor di bong kep minyeisi. Aba amig biroi minyei ba, abindei mumpiang bingwig ei minyei hagomti cem.

DANIEL 5:19

Ninyeng di jei bibor dima bindei ba, timiei minu nya kin mben nya kin gi imbrap ighyet ter leu yam yahagom ittin noni ba, inghuisi mpig sut. Gino acig kos tut bipia miyai nimai bak tungwagom lene noni yai mun bipek kep ningon kanti dima hak ug. Gino noni kos tut bipia miteu tungwagom leu hukum nimai lene noni yai mun bipek kep ningon kanti dima cem hak ug. Noni kon bihi inyeng cem nim kep bihi cem hagom bit leu ningon kanti.

DANIEL 7:4

Mindhe gi nigom noyam kin singa noro bon ninyehei dem kep nok hacam krubri ninyehei a. Tirigi diyai bong kep mindhe dima rino hi puk ninyehei bitiba lene tas noni biya pijum noyam kin tungwatu leu api yai nintin tungwatu bak.

IMAM NYA IDE MIDYAI 26:31

binggek jide minu ndig nya bitimek bingwig ba, midinggek jide mpia di jikuk je kikep bak mun di mipror yon eisi nya ba, midirok jide mindhe-ndhe di jibui bijindig kep hum mem nibon midutti nya cem.

IMAM NYA IDE MIDYAI 26:33

Midibindei kiju pran ei jide minu ba, dibindei bijintek gimahap ug ei jingkiaisi. Bohou micom jide dihyei nisurti-nipekti lene jide minu ndig di timek bingwig nya mijo hak nijoti nya.