YEREMIA 4:5 - ALLAH NIHYET MEM TUNGWATU NYA

⁵ Ma jimiep pun mbrei bidem minu dini! Ma jiba nihyet di tibim kin nihyet di nindig bijem ug! Ma jicuk timiei minu Yehuda kin minu ndig Yerusalem inang bicoi ug ei minu ndig di bon tentara nibousi di igya coi nya.

YEREMIA 4:5 ပူးပေါင်းရင်းမြစ်များ

YESAYA 28:19

Mun di buhun micut igkep je bijo kikau ba, suar jinghim koi sut bikwop njap tekti kin njapti kin mpia ngket kin mmun. Tirigi jingon huk niti tut Allah nisokti lene mporo nittin hwen je ba, jidigit-digoi sut.

YEREMIA 11:2

“Ma angig atingou mem gi preu di dipreu ei mem Ditde limwa nya nidimigsi di suar yahati tut nya. Apai bak timiei Yehuda kin timiei minu ndig Yerusalem nya bipia

YEREMIA 35:11

Noro tirigi Nibou Ndig Nebukadnezar coi minu dini bihwen lene nikos tut ningon kanti mem ninang leu tentara Babel kin Siria. Nipri binibong ei minu ndig Yerusalem bitig dino nogindini nibong ei sirini.”

YEREMIA 5:20

tuhan cuk dani leu binhyepo ditri tut Nide nisok kepti bak yo di intun Yakub him di ibong ei minu Yehuda bipai,

YEREMIA 6:1

Je di jintun Benyamin him e, ma jinang bijingwes ngun! Jinang leu minu ndig Yerusalem bijo! Jimiep pun mbrei ei minu ndig Tekoa. Jibuhui hum nibitto ei minu mien Bet-Kerem! Lewo jei bi ne mun di yok nisinsiou kin ninggruk biborti ei nyeti micut igkep nye kwei leu nite bei mpia nijjai ri.

YEREMIA 8:14

Allah de limwa nya ihig yam “Nggon rino igwam hak ba, immou kep yam he i? Jikwei ba, yahagom ipri ug ei minu ndig di bon tentara nibousi di igya coi nya leu api nnaba yahagom imai ei sirima. Ide tuhan Allah kos tut bipia suar isar. Noni yai krisieu ngei binye mem gima idut lewo ibon sisar tut Noni tu.

YEREMIA 9:12

Lene dihig ser tuhan “Nggon rino minu dini timek bingwig binok mpia ngoisi di ngak-cai apino tungwatu nya ikriau binjiriek i? Tou riningon ki biningon dorti tut mun dini yok i? Apai nisinati tut gini bak tungwa tou leu binhyepo noni tri tut bak nindigsi nya i?”

YEHEZKIEL 7:14

Pun mbrei nibimbiti mibong lene yahagom itin ei. Noro hi dima ug bikon pran bi. Lewo Allah de nigga biborti cut igkep yahagom ser tu.

HOSEA 8:1

tuhan pai “Ma jibindei bimbi pun mbrei tut mun di buhun a! Siceu injei bicoi Ditde minu mem gima ihwen ba, ihwenti dima noyam kin hacam di cut di sus mun di yem a! Ditde limwa nya itunggwei Ditde nipreu ei bit yokti bisrep tut Ditde ningginausi nya cem tu.

YOEL 2:1

Ma jimiep pun mbrei bijibui brem-brem di bindo tut mun di buhun ei nungug Sion di Allah de mpia di dia-diau kei. Je di timiei minu Yehuda e, ma jinghuisi mpig sut tuhan De Njap lewo dideu kwei su.

AMOS 3:6

Gino pun mbrei di sok kep timiei minu hi tut pran nitausi tibim ne gima bindei ba, tungwatu nya idigit tut bi e? Gino tuhan kes mun di buhun ei minu ndig gom dip bi lene mun di buhun dima micut igkep yok e?

AMOS 3:8

Gino singa yau-yau nyen ne tou rima ningwes mba bi i? Gino tuhan Di Ninyeng Jei Bibor mbrap ne tou rima ba nibou coi bitri tut nihyet dima hanyen bi i?

MBEN ISRAEL IMBUT-MBUT NYEN 10:2

“Ma aba perak nitug bibon pun mbrei ningat can mem gima jibinduk limwa nya ba, idem yam ei ba, jibicuk yok ba, ikiju bimbut cem.

MBEN ISRAEL IMBUT-MBUT NYEN 10:3

Tirigi pun mbrei hacem nibimbi bong lene bindo bipia suar limwa nya yahagom idem yam ei ba, igya ttai nani kui dimbou ei Ditde Prak Meng nuhui a.

YOSUA 10:20

Lene Yosua ya tut tentara Israel ba, igyai nimai bak mben Amori dima. Noro ide tentara nya poi inang bicoi ug ei ide minu ndig ba, ingwes ngun apino bit bon Yosua nya igyai nimai bak siceu nya yahagom kan bi.