YEREMIA 4:30 - ALLAH NIHYET MEM TUNGWATU NYA

³⁰ Je di timiei minu ndig Yerusalem e, tuhan kes je ei su ba, dem mem gima jibon mun nyeng hi bu bi! Nggon rino jijuk sinsun ngwoi bijiba mas kin perak bimau je ba, jiba celak ngwoi bidip jiyai nggrop i? Jimau jenti dima mikui-kausi he. Lewo yo di jiyem njita tut yok ikou sut je ba, ijoi sut gima igyai nimai bije.

YEREMIA 4:30 ပူးပေါင်းရင်းမြစ်များ

NIBOU NDIG NYA GI NICAN 9:30

Lene Yehu ug krau Yizreel. Tirigi Izebel miap tut mun di cut igkep Ahazia nya pima tu lene pri nibou ba, ba buk bidip niyai nggrop cem leu api su nibou ei kendera mihyeti ei ig nibou ndig bimian ser nimo jug.

NIPINGOK NINGONTI 6:25

Ma asindui sut ide nuubbuti ba, biyai angon di pri kep yok au. Ma asindui sut ide nikek niyaisi ba, brim angon au.

NIPINGOK NINGONTI 7:10

Sop dima juk sinsun sop sundal ba, hei kwei buum noni biyok ningon gom mem gima pai mun bihwen ningonti.

YESAYA 10:3

Mijibon mindei mem njap di Allah kes hukum ei je dip i? Mpe di Noni kes mun di buhun leu minu ting kwei ei je dip ne jindei mihwen i? Mijahara tou rimem gima mpu je i? Mijiku jide mun di jinyeng tut nya ei hantou i?

YESAYA 20:6

Mpe dima lene yo di ibong mukti mipai ‘Jingat mun di cut igkep mben di nyeni iba ingon com di isindem mem gima inyohou nye leu nibou ndig Asyur dima i! Ayo! Bit bon nyeni ingwes ngun kan bi.’ ”

YESAYA 33:14

Mben Sion di ibon sisar nya inghuisi mpig sut ba, ittin bibor. Ipai “Allah nikos tutti nya noyam kin hum di cig-cai bijo ninno bijo kikau. Bit bon ingwes ngun leu hum di cig-cai nok gima kan bi.”

YEREMIA 13:21

Gino yo di jihig jisut bit yok pima ibindei timek je ba, inyeng tak kep je lene mijipai mindei sut yoni i? Ningat ne mijiyai niwei noyam kin sop di sindi ninghim dut tut nimunggwom nisrekti.

YEREMIA 22:23

Jibong kei jigwam kei ei tiang di iba buom Libanon bibon ninggreti lo, hammi tirigino ninghuisi wei cut igkep je kros rino mijahara noyam kin sop di ninghim dut tut nisrek tut nimunggwomti.”

YEREMIA 30:14

Jide ningon kieti nya yahagom ibbwe ser je ba, ingon hou ser je tu. Didem kep siceu di cut igkep je bihwen je. Diba Ditde nigga biborti bikes hukum ei jeni dip lewo jide sisar mang bibor ba, jitunggweisi nindig bibor.

YEREMIA 5:31

tug hon nabi nya di iris mun igkei kin imam nya di ibon midut bit leu yonti ingon kanti apino Ditde limwa di jeni jijoi sut igyai munti dima. Noro tirigi njap ningwig honti tau kwei ne mijibon mindei i?”

NIBWOS-BWOS NYENTI 1:19

Dijem tentara di itti kin da pima yok lo, yaham imbuk kep da o! Imam nya kin nibou mien nya yahagom inggok njita mem gima igyem bibahati tut igyaisi noro imai kak simpak bidem minu ndig dini tu o!

NIBWOS-BWOS NYENTI 1:2

Ningon ngguk bipim mmun jei lene niyai nggwei kibor bisilipti ningyoi. Nisut bat di ningon kieti nya inang leu su ba, hi di joi sut gwam ser ningon bi. Nisut bat nya yaham imbuk kep noni ba, iba nitok bak cem.

NIBWOS-BWOS NYENTI 4:17

Nicem kep ser puig kikau biniyai mpo. Nibet ningon mem yo di mikwei mpu nye noro hi gi kwei mpu nye bi ug o! Niba ningon com mben hi di mimpu nye lo, mben dima yok hi bon mun nyeng di bahati tut nye bi sren o!

YEHEZKIEL 28:13

Ba, abong ei Allah de miai Eden. Aba tig permata ninyeng hagom bimau sinsun ade ba, tig permata dima rino tig delima kin tig intan kin tig topas kin tig pirus kin tig yakut kin tig ratna kin tig cempaka kin tig nilam kin tig zamrud kin tig alkali ningwoi cem. Aba mas cem mang-mang bimau nanti. Ndigban dima yok jo nijoti mem na mpe di dipai tes nani.

YEHEZKIEL 28:9

Tto bou dima dem ne mpaba apai sut nanti bipia nani ne Allah rin e? Noro yo di ikwei yai nimai bina mingat bou igyai him bipia nani lene tungwatu nitu he ri.

OBAJA 1:7

Yo di jijem jisut bit yok iris mun bije ba, ijji je leu jide minu tu. Jisut bat nya ihwen je bijicut biyok ba, yo di igyem njita bit je cem isrou je. Ihig yam nyen ser je bipai ‘Ide ningon kiti nya no jo hantousi i?’

IBRANI 2:3

Notou mem nye i? Gino ingon nyei ndam niteu leu sisarti kin niyaijo nijep di mindur dor njiriek nicukti dima bi ne notou ingwes ngun leu hukum i? Tuhan Nonti tri tut niteu leu sisarti kin niyaijo nijep nipou ngig-ngat leu api yo di imiap ipai brei binye bipia nihyet dima ne nijit-jau ri.

NINGAT-HI-NGAT NYA 17:13

Nibou ndig ibou simnai ingon kanti nya hagom noyam ba, ikes ide nisindemti kin inyeng tak kepti bak mindhe di niten-pos.

NINGAT-HI-NGAT NYA 17:2

Nibou ndig dihyeisi dini nya icut tut noni ba, tungwatu dihyeisi dini idut nide ba anggur ngei di ndo tut nide sisar nicut tut yamti ba, ningei pu yok.”

NINGAT-HI-NGAT NYA 17:4

Sop dima juk sinsun di nok nghei nta kin ningwoi cem ba, ndei mas kin tig permata kin sriou tiei njep mang bibor. Noni krau mok mas di ut tut mun di mpiei cem rom-rau cem di ntun nide sisar nicut tut yamti him ei nindati.