YEREMIA 4:2 - ALLAH NIHYET MEM TUNGWATU NYA

² Gino jeheng bitug hon dinyeng ba, jiba ningon srenti kin ningon gomti kin niyaijo igbitti biyai niyai munti lene ngkiai nya yahagom miyahara Da leu binhyepo dinjei mun di kei bak yoni drek dip leu api ibikon dinyenga.”

YEREMIA 4:2 ပူးပေါင်းရင်းမြစ်များ

NITRITI 22:18

Mben dihyeisi dini hagom mporo mijoi sut gima dinjei mun di kei bak yoni bit leu nok dinjei mun di kei bak ade nintun him yamti di bram yam nya drek dip gi abit Ditde nicuk nati tu pima.”

NIBOU NDIG NYA GI NIGOM 3:6

Lene Salomo buhup “tuhan e, angon ngakei Ade awak di dicig Daud ninno tu. Ningon kwes ba, ningon sren cem ba, ningon gom tut na di tuhan cem. Ando bindo tut Ade ningon ngakei noti kikau tirigi abindei ba, nipmot ya luei nohoti binok nibou ndig bu.

MAZMUR 72:17

Abindei ba, tungwatu nya ingon prion ser nibou ndig ninyeng bi sren. Lene nikei-kau-keisi kum eisi kikau mem nijam di mpia njap com nimig. Ma abindei ba, ngkiai nya yahara Allah leu binhyepo Noni minjei mun di kei bak yoni bit leu nok Noni njei mun di kei bak nibou ndig ba, yo dima yahagom ingat nadi tindei ningon llei biborti mem noni.

MAZMUR 99:4

Na di nibou ndig di asindem bibor e, angon ngakei Ade nikos tutti nya. Ata ningon sren-srausi kin nicukti nya kin nisingat tut yamti ba, abipingok kep Ade limwa nya ingonti leu binhyepo ibon mun di igbit ningkom.

YESAYA 45:23

Dipreu ei mem tungwatu nya lene bit bon diluei dingonti tut kan bi. Dipai tug hon neheng kin dinyeng cem tungwatu dihyeisi dini hagom miba ibiau bicom mpia ei dimig him ba, iba yonti ighyet bipreu ei mem Da bipia yahagom ingon gom tut Da.

YESAYA 45:25

Da di tuhan miditeu yo di intun Yakub him bingwes ngun leu api yahagom minggei sut Da.

YESAYA 65:16

Bikwop timiei minu dima gom-gom dino hara mun di kei mahara Allah di ningon gom mem gima njei mun di kei bak. Bikwop tungwagom-gom di preu ei mem hiter mipreu ei tug hon Allah di ningon gom ninyeng. Lewo mun di buhun di cut igkep yok nipou yo pima pror leu yok ba, ibbwe ser tu.”

YEREMIA 10:10

Noro Nani ne tuhan Allah di nijit-jau ba, Allah di yai niyaijo bak tungwatu nya cem nibou ndig di niyaijo kikau cem ri. Gino angon sibui lene dihyeisi dini ugwa-kwei bibor. Gino agga lene ngkiai nya igya mem kan bi. (

YEREMIA 12:15

Noro tirigi dibindei hei yok lene midingondut yok hanyen bu. Midibuwak bikwop ngkiai nya yahagom ba, midikes yok ei itimieisi hanyen.

YEREMIA 12:16

Gino iba ingon titut bicigit Ditde limwa nya ide nibindei mbut mun di ikuk yok bakti kui yok lene iba neheng bipai ‘Nipreu ei tug hon tuhan di niyaijo ninyeng’ (bit leu nok nipou yo ico dri Ditde limwa nya tut gima yeheng tug hon Baal ninyeng) lene yoni cem minggre kin Ditde limwa nya ba, ibong kei igwam kei.

YEREMIA 16:19

tuhan e, Nani rino anyohou da. Ayai nisindemti bida ba, ampu da mem nijam di mun di buhun cut igkep da cem. Ngkiai nya di ikwei leu dihyei nohon keti mikwei ngat Na bipai “Nidigup bat-nidigai bat nya ide kwar nya ibon inyeng bi bibor.

YEREMIA 3:17

Mpe dima lene tungwatu nya mindat minu ndig Yerusalem ninyeng ‘tuhan De Banggo Mbrei.’ Ngkiai nya yahagom minduk yam ei minu ndig dima mem gima ikuk yok biDa. Yoni mibit yonti ingon kanti di mbum ba, kinei dima bu bi.

YEREMIA 33:9

Minu ndig Yerusalem minok minu ndig di biyai dingon nggei-hi-nggei kin dingon kei. Ngkiai nya bidem dihyeisi dini hagom mittin tut Da bidigit tut Da bikon dinyeng drek dip mun di kei di dibon mem timiei minu ndig Yerusalem kin nibong kei nigwam keisi di diyai bak minu ndig dima.”

YEREMIA 5:2

Mbro nok gino jipai bipia jikuk je bak tuhan noro jiyai igbit jipaisi dima bi.

YEREMIA 7:5

Ma jinggek tut jiyaijoti di kinei bibor bijittin ser jiyai munti di mbuk bibor nya. Ma jiba jingon gom biyai mun tut yam.

YEREMIA 9:24

Tungwa tou rino llei sut mun nyeng hi lene suar llei sut gi noni kan tut Dani biningon dorti tut dingon kanti nya. Lewo dingon ngakeisi jo ninno bijo kikau ba, dita nikos tutti nya di mungkun kei kin ningon di sren tut yamti ei dihyeisi bingkiem-kiau. Dijoi sut mun dini yok hagom. Da di tuhan disimbot dat tu.”

HOSEA 2:19

Na di Israel e, midiwak na ba, anok ditnem di ningat-ngat bijo ninno bijo kikau. Midingondut na bidingon ngakei na cem. Midiba ningon srenti kin ningon gomti bibon na.

YOEL 2:12

tuhan pai “Nogindini ma jiba jingon titut yam bingkwei hanyen ndam Da. Ma jisindui njita mem nituti poi bijingon ngguk tut jide sisar ba, jiyai nggwei kibor cem.

ZAKHARIA 8:8

bidibuwak yok hanyen kwei leu nite bei mpia nipriti kin nite bei mpia nicutti kwei leu api ibong ei minu ndig Yerusalem hanyen bu. Dibindei ba, inok Ditde limwa nya lene dinok ide Allah. Midiba ningon gom kin ningon sren binyeng tak kep yok.”

MALEAKHI 1:11

Mben dihyeisi dini nisurti-nipekti hagom inggei sut Da. Yoni indig biei nggrai di ui-gwang kei bibikon dinyeng lene iba mun di ibikuk yok biDa bibon midut igbit bidem minu lewo yahagom ikon dinyenga!

KORINTUS GI NIGOM 1:31

Gima rino bit leu nok gi ipas ei Allah nihyetti “Tungwa tou rino nggeinggwang lene ma nggeinggwang tut Tuhan de midyai nya.”

KORINTUS GI NICAN 10:17

Bit leu nok gi ipas ei Allah nihyetti “Tungwa tou rino ningon jei lene ma ningon jei sut midyai nya di Tuhan yai.”

GALATIA 3:8

Allah nihyet tri tut mun di mipek kep ei niabiati bu bipia Allah miyai ngkiai nya ingon kwes kin Noni tug hon ide niba ningon com Noti. Gima rino Allah nihyet mbot kep tut Nihyet Di Kei bak Abraham “Tungwatu dihyeisi dini hagom migyai gi kei tug hon nani.”

NINDAT KEP TUHAN NICUKTI NYA 10:20

Ma jiba jibou coi mem tuhan di nok jide Allah bijikuk je bak Noni Nongkom. Ma jingon gom tut Noni ba, jipreu ei kin neheng tug hon Nongkom ninyeng cem.

NINDAT KEP TUHAN NICUKTI NYA 4:30

Tirigino mun dima yok hagom pek kep mem je apino mun di buhun bibor cut igkep je lene mijingkwei hanyen ndam tuhan di nok jide Allah lene mijibit nihyet.

NINDAT KEP TUHAN NICUKTI NYA 6:13

Ma jikon tuhan di nok jide Allah ninyeng lene ma jikuk je biNoni cem jiba neheng bipreu mun ei tug hon Noni Nongkom ninyenga.

FILIPI 3:3

Lewo nyeni icoi ei midut sunat di nijitti tu noro yoni ne bi. Lewo ikuk nye bak Allah tug hon Allah Ninnei di mpu nyeni ba, ingon llei sut ide ninok gom kin Kristus Yesusti ba, iba ingon com nibon midut ningkek dip nya bi.

SRAT RUT 3:13

Ma agwam nyahan ei mpia dini binjap kep leu api midimbus no dima ningonti mem njap bigyoti leu binhyepo ningon kanti tut gima noni brim ningkek mem gima nyohou na mijo nibreisi mem da. Gino noni joi sut na lene dem. Gi bi lene diba neheng bipai tug hon Allah di niyaijo ninyeng bipia midibrim dingkek mem gima dinyohou na. Noro ma abong nyahan binjap ug e.”

SAMUEL GI NIGOM 20:3

Noro Daud buhup “Acig kan bipia singon ce yam bi. Gima rino noni kos tut bipia ndo ningon kanti tut da bina bi leu gima mibindei ba, angon buhun bibor. Deheng bitug hon tuhan di niyaijo ninyeng bipia dikan tut bipia diyaijo ningwig honti dideu kwei su!”