YEREMIA 4:12 - ALLAH NIHYET MEM TUNGWATU NYA

¹² Noro hou di nimig ten di cut kwei bit leu tuhan Nonti nicukti dima mibindei cut hukum ei Nide limwa nya dip ri.

YEREMIA 4:12 ပူးပေါင်းရင်းမြစ်များ

MAZMUR 11:6

tuhan ba mun di buhun bibor kin hum kin aspal nggei kin hou di dut bibor di yem yok binggus bikes hukum ei yo di isibut bibor nya dip.

YEREMIA 1:16

Midikes hukum ei Ditde limwa nya dip drek dip ide sisar. Yoni iba inghim bak Dani ba, ibon midut bak nung di ikuk yok bak cem ibon kwar bou inda him bikuk yok bak cem tu.

YEREMIA 4:11

Nituti dem leu api hi mipai bak timiei Yehuda nya kin timiei minu ndig Yerusalem bipia hou umbrek di dut micut kwei leu iggum ndigsi ba, sindi kui ndam yok. Hou dima ne hou nitu he di miep pas ntam di bit nimig rin bi.

YEREMIA 4:13

Jingat i, siceu itau kwei ba, idem kep bumbuhui di tap a. Kroba pran di ide nya dem kep hou sigau di cut a. Kuda di ide nya idor sindem dor njiriek ha krubri cem. Ayo! Buhun bibor mem nyeni o! Nyeni yahagom isar ug rin o!

YEREMIA 51:1

tuhan pai “Midikes hou nibinggek di ninnei miep ug ndam minu Babel kin timiei di ibong ser nya cem.

YEHEZKIEL 5:8

Gima rino Da di tuhan Di Dinyeng Jei Bibor dipai brei bina bipia ade siceu rino Dani. Midikes hukum ei na dip bou ngkiai nya igyai him.

HOSEA 13:15

Mbro nok gino mben Israel ibong kei igwam kei noyam kin minta di nnum kei lo, midibindei ba, hou di wam bibor di cut kwei leu mpia nipriti bindei ba, ide minyei bousi nya hagom pingge bingwig. Hou dima mipijuk mun di bon ninyeng hagom bingwig leu yok.

HABAKUK 1:11

Leu api imbut kikau ug ei mpia ttou nsi hi ter bu bihigom noyam kin hou di cut. Ba, ikuk yok bak yonti ide nisindemti noyam kin gi ikuk yok bak kwar di ikuk yok bak.”