YEREMIA 4:10 - ALLAH NIHYET MEM TUNGWATU NYA

¹⁰ Leu api dipai “Na di tuhan Di Anyeng Jei e, aris bak timiei Yehuda nya kin timiei minu ndig Yerusalem nya tu! Apai bipia minibong kei-minigwam kei. Noro bi. Lewo nogindini siceu mikrau singau simeda tut nye binimai ri.”

YEREMIA 4:10 ပူးပေါင်းရင်းမြစ်များ

NEHEI LEUSI 5:22

Lene Musa kuk no ei tuhan Noho bei mbigom kin bu bilua bipai “Tuhan e, nggon rino abibon Ade limwa nya kinei nok gini i? Nggon rino apinak da kwei ei sirini i?

NEHEI LEUSI 9:14

Lewo mindur di dibon nogindini mibindei ba, hukum micut igkep yo di igya kui noni kin nide limwa nya he bi. Noro micut igkep noni cem leu binhyepo jo nibreisi mem noni bipia tungwa hi noyam kin Da ei dihyeisi dini bi.

YESAYA 30:10

Isrep tut nabi nya bipai “Jikimut juhuigya! Ma jitri tut mun di igbit binyeni au. Noro ma jipingok nye bit leu nyenti ningon kanti. Ma jisindui sut nye ba, nibit ningat-hi-ngat di nikan huk nya he.

YESAYA 37:35

Mporo diya srak ko hagau minu ndig Yerusalem bidinyohou tug hon dinyeng di jei drek dip Ditde gi preu di dipreu ei mem Ditde awak di nibou ndig Daud tu.”

YESAYA 63:17

tuhan e, nggon rino asindui sut nye ba, nisrawir i? Nggon rino abindei ba, nyeni ningkek ndok apino nittin tut Na bu bi i? Ma akwei ba, angat rin bit nye hanyen bu lewo angon a tut Ade awak nya di inok Ade limwa nya drek dip gima aba Nakep nye nipou su.

YEREMIA 1:6

Lene dibuhup “Na di tuhan Di Anyeng Jei Bibor e, diji nggan bi lewo dimahan bigyo.”

YEREMIA 23:17

Itri tut bak yo di ikou sut dihyet bipai ‘Dwai! Mijibong kei jigwam kei.’ Lene itri tut bak bikwop no di ningkek ndok bipai ‘Dwai! Mun di buhun bibor micut igkep na bi sren.’ ”

YEREMIA 32:17

“tuhan Di Ninyeng Jei e, Nani rino aba Ade nisindemti di nindig bibor bipai tes mpia-bbed him kin dihyeisi dini. Mun nyeng hi di nggruk mem Nani bi.

YEREMIA 4:18

Je di timiei Yehuda e, jenti rino jibindei di mun di buhun dima cut igkep je ug a. Jide niyaijoti di kinei kin jide nibon munti di kinei rino bindei di ninghuisi wei dima biam jingonti a.

YEREMIA 5:12

tuhan de limwa nya ipai mun di igbit bi tut Noni. Ipai “Nok ug e. Noni mibon mun nyeng hi bi. Nyeni mitug ndei mun di buhun bicut ei pranti kin nimai ninggumti cem bi.

YEREMIA 6:14

Yoni ingat Ditde limwa nya ibokti dima nok mun di buhun bi bipai biyok ‘Dwai. Hagom kei ba, jo nyahan.’ Noro ningat ne nok gima bi bibor.

YEREMIA 8:11

Yoni ingat Ditde limwa nya ibokti dima nok ibokti di mien he ba, ipai biyok ‘Dwai. Hagom kei ba, jo nyahan.’ Noro ningat ne nok gima bi sren.

NIBWOS-BWOS NYENTI 2:21

Ndigpoi nya kin munggwom pilei nya imai sinsiou ba, pinai pilei nya kin sop gwam nitta pilei nya imai tug hon singau simeda o! Njap dima ne ayai nimai biyok drek dip Ade nigga biborti rin o!

YEHEZKIEL 11:13

Tirigi ditri tut nihyet dima lene Pelaca cut bimai kros hak. Leu api diba dibiau bicom mpia bidahara “Aye! tuhan Di Ninyeng Jei Bibor e! Ma ayai nimai bak mben Israel niken dini yahagom ug e?”

ROMA 1:24

Gima rino Allah sindui sut yok di ingut kanti nya srou yok. Ingon pri kep mun di bibon immai joti nya di bindei ba, icut tut yam.

ROMA 1:26

Gima rino Noni sindui sut yok ei ba, ingon pri kep mun di bibon immai joti nya. Sop nya igyem njita tut pinai nya bit leu nok tungwatu nya igyai kepti bi noro sop yonti icut tut yam.

ROMA 1:28

Allah sindui sut yok ba, ingon kanti di mpiei bibor bindei ba, igyai kepti nya tunggwei sut Allah ningon kanti mem yok lewo ikou sut gima ipwoi nimbot kepti di nijit-jau tut Noni ei ingonti.