YEREMIA 4:1 - ALLAH NIHYET MEM TUNGWATU NYA

¹ tuhan pai “Ditde mben Israel jen, gino jijoi sut jingkwei hanyen lene ma jingkwei hanyen ndam Da. Ma jicom kwar di dingon mpo tut nya nipou ug e. Leu api jiba jingon gom bibit Da.

YEREMIA 4:1 ပူးပေါင်းရင်းမြစ်များ

YOEL 2:12

tuhan pai “Nogindini ma jiba jingon titut yam bingkwei hanyen ndam Da. Ma jisindui njita mem nituti poi bijingon ngguk tut jide sisar ba, jiyai nggwei kibor cem.

YEREMIA 3:22

Je di jiba jinghim bak tuhan jahagom e, ma jingkwei hanyen ndam Noni! Noni mibindei ba, jikei hanyen bijingon gom tut Noni. Leu api jipai “I, nogindini nikwei ndam tuhan lewo Noni ne nyende Allah ri.

YEHEZKIEL 43:9

Noro hon ammani bikui ne suar ikes hon ide nikuk no bak kwarti nya leu ba, iket nibou ndig di ide nya ingut leu mpia dini. Gima leu api midibong ei ikieti bijo ninno bijo kikau.”

YEREMIA 25:5

Nabi dima yok icuk je leu binhyepo jikes hon jiyaijoti di kinei bibor kin jibon munti di sisar ntun him leu binhyepo jibong kikau ei minu di tuhan yai bijeni kin jidigup bat-jidigai bat nya nok jide minu ninda rom dini.

YEREMIA 3:12

tuhan cuk da ba, suar duug pai bak mben Israel “Je di mben Israel di jingon gom tut Da bi e, ma jingkwei hanyen ndam Da. Dingondut je nindig bibor ba, midigga je kikau bi.

YEREMIA 3:1

tuhan pai “Gino nijjep kou nitnem bikes ei leu api hiter wak nok nitnem bu lene ma nijjep timiei pima kwei yai hanyen nok nitnem au. Lewo mun dima mibindei ba, map kui minu dini. Noro je di mben Israel jiyem njita tut sop hiter imang bibor tu. Leu api tini bu ne jijoi sut jingkwei hanyen ndam Da bu e?

NITRITI 35:2

Lene Yakub sok kep nide bat nya kin nide limwa nya yahagom bipai biyok “Ma jicom ngkiai ide kwar di ikuk yok bak di jipwoi-pwoi nyen leu ba, jibon midut di bindo bipia jingon kwes hanyen leu api ma jijuk sinsun di pwoi kei.

HOSEA 14:1

Midikes hukum ei mben Samaria dip drek dip gi ikiek imig jou tut Da. Timiei minu dima ikon pran noro mitug ndei nimai. Ide siceu nye minjei ningwoi-ngwoi nya hagom ug ei pimbien behei bimai leu lene iriu sop di inghop tu nya yahagom ba, inghop tigwau bitau ug.”

HOSEA 2:2

tuhan pai “He dimunggwom bat jen e, jipmem nok ditnem bu bi lene Dani dinok nijjep bu bi. Gima rino ma jipai kep noni ei nikei noho bei leu binhyepo noni mikes hon ba, cut tut pinai nya ariwace ba, nikrar jut bu au.

NIBOHON MBEN ISRAEL GI NICAN 33:8

Gino limwa mben Israel ibit Ditde nicukti nya hagom ba, ibiyai igbit niggai serti hagom di Ditde awak di Musa kes biyok tu nya lene midisindui sut yok ba, ide siceu nya mijji yok leu minu di diyai bak idigup bat-idigai bat nya dini bi.”

NIBOHON MBEN ISRAEL GI NICAN 15:8

Tirigi Asa miap Nabi Azarya di Oded nipmot nipaisi dima rino ningon llei bibor mem. Lene kiju binjei kwar nya hagom bingwig leu Yehuda kin Benyamin ninyeng tak kepti. Ba, njei mun dima yok ningwig leu minu ndig ngot di noni bindei timek nya ei nungug him Efraim cem hagom. Leu api kinding tuhan de nimbar hum dok ei mpia di jo bas hak di iba ngug tig bikrop ttai ei tuhan De Ig hanyen.

NIBOU NDIG NYA GI NICAN 23:24

Mpe dima lene Nibou Ndig Yosia jji yo di nung kui yok kin yo di iko kep inda nya yahagom bitut kwar di tungwatu nya ikuk yok bak ei ide ig bitut nimbumbati nya hagom leu minu ndig Yerusalem kin minu Yehuda cem leu binhyepo mben Israel igyai kepti nya tunggwei sut niggai serti nya di Musa pas ei sratti di Hilkia ngat ei tuhan De Ig pima bi.

NIBOU NDIG NYA GI NICAN 23:13

Noni bindei ba, map kui nimbar hum dok di Salomo bon dideu minu ndig Yerusalem bei mpia nipriti dideu Nungug Zaitun bei mpia nibiho cem. Salomo pigig ser nimbar hum dok dini ei mem mben Sidon ide kwar Asytoret kin mben Moab ide kwar Kamos kin mben Amon ide kwar Milkom noro hagom bindei ba, tungwatu nya igyai ngkek ttin.

SAMUEL GI NIGOM 7:3

Lene Samuel pingok mben Israel ingonti bipai biyok “Gino jikos tut bipia jiba jingon titut yam bikuk je bak Allah lene ma jicom kwar Asytoret kin kwar nindigsi nya di jikuk je bak hagom leu je ug e. Lene ma jikes jenti titut yam bak Allah ba, jikuk je bak Nongkom cem leu api Noni miteu je leu mben Filistin indati.”

NIJAM NIKEI NYA 10:16

Leu api icom kwar nya hagom. Leu lene ikuk yok bak Allah hanyen bu. Apino Allah ngig niyai kep yok bingat mun di buhun tak yoni lene ngondut yok.

HOSEA 7:16

Idor bit kwar di ikuk yok bak di mbun nisindemti hi bi sren dima yok bijo kikau nok. Idem kep hampiap di drot-drau ba, dem mem gima hi ba ningon com yok bi. Nibou di ide nya iba ingon di jei bimbrap. Gima rino yoni mitug ndei nimai tug hon singau simeda apino mben Mesir ipa ndip yok.”

YEHEZKIEL 18:13

lene com mitiei bak tungwatu nya leu binhyepo iba hi bitem hanyen binoni e? No dima hek tut niyaisi e? E bi! Mun di mbuk bibor di noni bibon pima hagom bindei ba, noni mitug ndei nimai drek dip. Noni mibiang nide sisar nibuhunti bitug ndei nimai.

YEHEZKIEL 11:18

Tirigi ingkwei hanyen lene suar icom kwar di ikuk yok bak di igyai kou ningat di kinei bibor nya hagom.

YEREMIA 36:3

Mpaba timiei Yehuda nya imiap tut mun di buhun bibor di dikos dat bidikes ei yok dip lene ikiek yok leu igyai munti di kinei bibor nya. Gi nok lene dikos ser ide sisar kin igyai munti di kinei bibor nya.”

YEREMIA 35:15

Dipinak Ditde awak di nabi nya yahagom ndam je tu. Isok kep je leu binhyepo jikinding jiyaijoti bikei ba, jikes hon jiyai munti di kinei leu je bijo kikau tu. Nabi nya ipingok jingonti leu binhyepo jiyok ngon kep bipia ma jikuk je bak ngkiai nya ide nung nya ba, joom jenti bijinok awak mem yok au. Gima hagom nok leu binhyepo jibong kikau ei minu di dikes bak jidigup bat-jidigai bat nya dini. Noro jigingig jitingou mem dihyet bijimiap kep bi.

YEREMIA 24:9

Midibindei ba, mun di buhun di biyai ingon di ttin bibor micut ei yok dip ba, biyai nittin bak ngkiai nya ei dihyeisi dini nisurti-nipekti. Tungwatu nya iba ighyet bicig yok lene iba yok bilor yam ba, ighyet wer mpiahi tut yok bidem mpia di dicom yok ug eisi nya cem hagom. Tungwatu nya iba mben Israel inyeng bisigion yam.

YEREMIA 15:4

Midibindei ba, tungwatu dihyeisi dini hagom igyai ngkek ttin ser yok drek dip Manasye di Hizkia nipmot niyai munti nya ei minu ndig Yerusalem tirigi ninyeng tak kep timiei Yehuda binok nibou ndig mem yok.”

YEREMIA 4:4

Je di timiei minu Yehuda kin minu ndig Yerusalem e, ma jikrau kep jide mun di jipreu ei mem jide tuhan di Dani ba, jidimig jenti pijum ei mem Da. Gi bi ne Ditde nigga biborti micig-cai nok hum di bit bon tungwa hi mu kep kan bi. Gima yok hagom micut igkep jenti njem drek dip jide nibon munti di kinei bibor.”

YEREMIA 3:14

tuhan pai “Je di limwa di jingon gom bi e, ma jingkwei hanyen ndam Da. Jeni ne Ditde nya ri. Midimbus tungwatu nya leu bikwop jide minu ndig nya hagom. Ba, dimbus ibou can-can leu bikwop jide keret nya hagom cem. Lene midibuwak je hanyen ug ei Nungug Sion.

YESAYA 31:6

tuhan pai “Je di mben Israel e, jaham jimbuk kep Da bijibon sisar tut Da tu. Noro ma jingkwei hanyen ndam Da nogindini hak ug!

YOSUA 24:14

Lene Yosua binut nihyet bu bipai biyok “Gima rino ma jikon tuhan ninyeng nogindini. Ma jibindei ba, jingon sren ba, jingon gom cem. Ma jicom nung di jikuk je bak nya po jidigup bat-jidigai bat nya ikuk yok bak ei minu Mesopotamia kin Mesir pima hagom. Leu binhyepo jikuk je bak tuhan Nongkom.

NINDAT KEP TUHAN NICUKTI NYA 27:15

Suar keret Lewi nya itri tut ‘Ma tuhan sigion yo di iba tig kin biei kin ngkimom nitu bibon kwar ba, ikuk yok bak niku lewo tuhan ningon mpo tut nikuk yo bak kwarti nya!’ Lene ma limwa nya yahagom ibuhup ‘Igbit ri!’

NINDAT KEP TUHAN NICUKTI NYA 4:30

Tirigino mun dima yok hagom pek kep mem je apino mun di buhun bibor cut igkep je lene mijingkwei hanyen ndam tuhan di nok jide Allah lene mijibit nihyet.

YEREMIA 7:3

Da di tuhan di mben Israel ide Allah Di Sindem Bibor dipai ‘Ma jittin ser jide sisar kin jiyai munti di kinei bibor nya leu api disindui sut ba, jibong ser jitimieisi dini gingga.

YEREMIA 7:5

Ma jinggek tut jiyaijoti di kinei bibor bijittin ser jiyai munti di mbuk bibor nya. Ma jiba jingon gom biyai mun tut yam.

YEREMIA 7:7

Gino jinggek tut jiyaijoti di kinei bibor leu lene midisindui sut ba, jibong ei jide minu di diyai bak jidigup bat-jidigai bat nya dini bijo ninno bijo kikau.

YEREMIA 15:19

Lene tuhan buhup “Gino angkwei hanyen ndam Da lene midijoi sut na leu api anok Ditde awak hanyen bu. Gino ambrap-mbrap wai bu bi noro atri tut nihyet di bon ninyeng leu api midisindui sut ba, anok nabi mem Da hanyen bu. Apino ade limwa nya minduk yam kwei bingwig kep na. Suar ma aug nggok-nggok nyen yok bu au.

YEREMIA 18:11

tuhan pai bida “Nogindini ma atri tut bak timiei Yehuda kin timiei minu ndig Yerusalem nya bipia dikos dat bipia ditte tut yok leu api midikes hukum ei yo dip. Ma asok kep yok leu binhyepo ikiek yo leu igyai munti di kinei bibor nya leu api ikinding igyaijoti kin igyai munti nya bikwes.

ZAKHARIA 1:4

Ma jiyai kep jidigup bat-jidigai bat di nipou nya igyai kepti nya au. Nipou yo ne nabi nya itri tut dihyet bak yoni leu binhyepo imbuk bibor bibon sisar bu au. Noro igimiap kep dihyet ba, ice tut bibit bi.

NIBOHON MBEN ISRAEL GI NICAN 34:33

Nibou Ndig Yosia ya kep kwar nya di biyai ningon him wei sutti di jo bidem minu Israel hagom bindung-ndiem. Leu api cuk nide limwa nya yahagom bikuk yok bak idigup bat-idigai bat nya ide tuhan Allah. Apino limwa nya yahagom ingon gom tut tuhan kikau mem nijam di Yosia niyaijo yo.