YEREMIA 39:1 - ALLAH NIHYET MEM TUNGWATU NYA

¹ Zedekia di nibou ndig minu Yehuda ninyeng tak kep limwa nya ug ei bed gi nisimnai mem ari bingwam gi nimuhwindatai tu lene Nebukadnezar di nok nibou ndig mem minu Babel njei sut nide tentara nya yahagom kwei bigyon ttai minu ndig Yerusalem.

YEREMIA 39:1 ပူးပေါင်းရင်းမြစ်များ

ZAKHARIA 8:19

“Midut niyem njita bi mem nituti poi di jibon mem bed nibitai kin nimuhwi kin nimuhwindacan kin nisimnai ne midut di mpung tut ningon nggei-hi-nggeisi kin ningon keisi mem timiei minu Yehuda nya ri. Noro ma jibungwam ndam nitti kin ningon kwes kin yamti!”

NINDAT KEP TUHAN NICUKTI NYA 28:36

tuhan micom jeni kin jide nibou ndig ug ei jingkiaisi di jeni kin jidigup bat-jidigai bat nya ikan tut bi. Ei sirima lene ngkiai nya mikuk je nok awak mem nung di ikuk yok bak di iba biei kin tig bibon.

YEREMIA 32:1

Mpe dino Zedekia di nok nibou ndig mem minu Yehuda ninyeng tak kep limwa nya buug ei ari bingwam gi nisimnai lene Nebukadnezar di nok nibou ndig mem minu Babel ninyeng tak kep limwa nya buug ei ari bingwam gi nisimnaimuhwidip brimigtehiningai lene tuhan mbrap bit da.

YEREMIA 34:1

Mpe dino Nebukadnezar di nibou ndig minu Babel ya tut nide tentara kin ngkiai nya kin minu nindigsi nya di icut binoni di yahati tut yok ba, injei bihwen minu ndig Yerusalem kin minu ndig ngot di jo ttai nya lene tuhan mbrap bit da.

YEREMIA 34:22

Midiyai bindo biyok leu binhyepo tentara nya ingkwei hanyen kwei ei minu ndig dini. Leu api yoni mihwen minu ndig dini ba, igyai bigyati leu api indig bitimek. Dibindei ba, minu ndig ngot di jo ei minu Yehuda dem kep iggum ndigsi di hi bong ser bu bi. Da di tuhan disimbot dat tu.”

YEREMIA 42:18

Midisiber Ditde nigga biborti ug ei je di juug ei minu Mesir dip noyam kin gi Da di tuhan di Allah Israel disiber Ditde nigga biborti ei timiei minu ndig Yerusalem dip pima. Tungwatu di ingat jeni lene igyai ttin tut je bipai je kinei. Iba jinyeng bisigion yam cem. Leu api mijingat jitimieisi dini bou jiyai him bu bi.”

YEHEZKIEL 4:3

Ayai yeng ngkuong ningat gom ba, aba gima bingon nok ngug tig ei aho bei ba, bikkin nani kin minu ndig Yerusalem di abingon mingon dima. Leu api aba aho rok minu ndig dima dem kep nok gino nani rino ayon ttai ngug tig dima. Gima ne mun di bindo tut mben Israel ri.

YEHEZKIEL 5:2

Suar andig nittou nsi gom ei minu ndig dima ninggimau yon tirigi niyon ttai minu ndig dima kes hon leu tu. Aba ade singau simeda bikkin abou nta dima lene abimbut ba, abigahai minu ndig dima. Leu api akrau nittou nsi gi ningwigsi ba, agimahap ug ei hou him. Leu api midiba Ditde singau simeda buhuk bram gima.

YEHEZKIEL 33:21

Ug ei hon njap nimuhwi ei bed nisimnai mem ari bingwam nisimnaibrimigcan mem nijam di nibong ei ningkiaisi ne no di ningwes ngun leu minu ndig Yerusalem kwei pai bida bipia minu ndig dima cut tu.

YEHEZKIEL 40:1

Nijam di nibong ei ningkiaisi dima ne njap gi nisimnai mem bed gi nigom ei ari bingwam gi nyatungwagom ba, muhwi ri. Nijam dima ne ari bingwam gi nisimnaibrimigtai niabiati minu ndig Yerusalem cut leu su ri. Njap dima ne dingkek kan bipia tuhan de nisindemti sindem tut da bibuwak da ba, nuug.

NIBOHON MBEN ISRAEL GI NICAN 36:17

Gima rino tuhan pingok ei nibou ndig mben Babel ningonti leu binhyepo njei bihwen yok. Nibou ndig dima yai nimai bak limwa Yehuda nya di ipilei yo nya bitut yo di ingat rin ei tuhan De Ig nya cem ba, gingondut tungwagom ngat cem bi. Noro yai nimai bak andigpoi nya kin pilei nya bitut pinai-sop nya kin yo di inggwen nya kin yo di inghuisi kwes nya yahagom hak ug. Allah kes yo dima yahagom ei nibou ndig mem mben Babel ninda nsi.

YEREMIA 6:6

tuhan Di Sindem Bibor cuk yo di inyeng jei pima yok leu binhyepo iwim biei nya ba, iroi dihyei keyam bikui sur ngug tig nidip ttai minu ndig Yerusalem. Noni pai “Midikes hukum ei minu ndig dini dip lewo timiei nya ibon kep nico kep tungwatu nyati bijo ninno ei ninsi tu.

YEREMIA 52:1

Tirigi po Zedekia sindi nok nibou ndig mem minu Yehuda pima lene nide njap ug ei ari bingwam ningot can ba, gom leu api ninyeng tak kep limwa nya mem ari bingwam simnaibrimiggom bu. Nipmem ninyeng Hamutal di Yeremia leu Libna nipmisop.