YEREMIA 38:4 - ALLAH NIHYET MEM TUNGWATU NYA

⁴ Lene nibou dima yok yuug ngat nibou ndig bipai binoni “Suar no dima tug ndei nimai. Nihyet dima bindei ba, tentara Yehuda ingon nddong bu bi ba, ingon cut leu su. Nok gima cem tut ade limwa nindigsi nya di ibong ser minu dini. Noni mpu yok bi noro bindei ba, ingon buhun tut mun di micut igkep yok.”

YEREMIA 38:4 ပူးပေါင်းရင်းမြစ်များ

NIBOU NDIG NYA GI NIGOM 21:20

Tirigi Ahab ngat Elia di tau kep noni lene noni pai bak “Ditde siceu hatap da tu e?” Lene Elia buhup “Igbit ri! Lewo na di Andigpoi ampig bou kep ade niyai munti di mbuk bibor ei Allah niyai him wer ninno tu.

NIBOHON MBEN ISRAEL GI NICAN 24:21

Noro limwa nya igyok ingon gom ba, itte tut Zakharia nihyet drek dip Allah ningon kanti dima. Nibou ndig Yoas cem tte tut noni noyam kin nide limwa nya. Noni yok ngon kep Yoyada di Zakharia nicig di ningon gom tut tuhan kikau bimai kep cem bi. Gima rino cuk tungwatu nya ba, iba tig bihwen Zakharia ei mpia di jo bas hak di iba ngug tig bikrop ttai ei tuhan De Ig nuhui bimai hak. Dideu Zakharia ninnei nikimbasti lene hara “Handei kon ba, tuhan ngat ayaisi dini bibindei ba, abiang ayai munti dini nibuhunti!”

EZRA 4:12

Nimbot kep biNa Di Anyeng Jei leu binhyepo akan tut bipia nogindini limwa Yahudi nya di imbut leu hanjop nsi nya ei anyeng tak kepti dima ikwei bibong timiei ei minu ndig Yerusalem hanyen bu tu. Inda jo kep niwin minu ndig di mpung tut yo di isibut di yaham imbuk kep Na Di Andigpoi hanyen cem. Ikinyon eisi ba, ikinding ngug tig hanyen tu. Ba, jei bi ne ikes inda tut midyai dima ri.

NEHEMIA 6:9

Lewo dikan tut bipia iba srat dima bicug nye leu binhyepo nidigit tut ba, nikes ninda tut midyai di niyai kep dini. Nok rino dingat nadi “Allah e, ma abindei ba, dingon ngkiem!”

NEHEI LEUSI 5:4

Lene Firaun hig ser Musa kin Harun “Nggon rino jibindei dino jide limwa nya inghen leu ide midyai nya i? Suar jicuk yok bipia ikinyon ei ide midyai pimati hanyen hak ug!

YEREMIA 11:21

Timiei minu ndig Anatot nya ijoi sut gi igyai nimai bida bipai “Gino atri tut tuhan nisok kep nyeti nya binye bijo kikau lene miniyai nimai bina.”

YEREMIA 18:23

Noro tuhan e, akan bidem tut ide nuhum yam nsi mem gima igyai nimai bida. Ma akos ser igyai munti di kinei kin ide sisar au. Ma abui yok ba, anjei yok bibou icut ug e. Ma aba angon sibut biborti biyai yok.”

YEREMIA 26:11

Lene imam nya kin nabi nya ipai bak nibou nya kin ide limwa nya “Suar ma igyai nimai bak no dini lewo nihyet wer mpiahi tut ide minu ndig dini. Jeni cem jimiap mun di tibim ei nuhui him tu.”

YEREMIA 29:7

Ma jiyai kep midyai di bindei ba, jeni kin timiei minu ndig ngot di dicom je ug eisi nya cem ibong kei igwam kei. Ma jingat nadi tindei minu ndig ngot dima leu binhyepo dinjei mun di kei bak yoni. Leu gino yo dima ibong kei igwam kei lene jeni cem mijibong kei jigwam kei bit yok ba, mun di jisuar nya midem mem je.

YEREMIA 38:16

Lene Nibou Ndig Zedekia preu ei mem da nyahan bipai “Deheng bitug hon Allah Di Niyaijo di bindei ba, nyeni igyaijo ninyeng bipia midiyai nimai bina bi. Midikes na ei yo di igyok ingon gom mem gima igyai nimai bina indati cem bi.”

YEREMIA 38:25

Gino yo di igya kui da imiap tut bipia sisimbot kep biyam tut mun nyeng hi lene yoni mikwei hig ser na tut. Yoni mipreu ei mem na bipia gino apai sut hagom biyok lene igyai nimai bina bi.

YEREMIA 43:3

Noro Barukh di Neria nipmot rino hwen angon dino acuon ser nye leu binhyepo jibindei ba, mben Babel inyeng tak kep nye ba, ibibon nye bit leu ingon kanti ba, migyai nimai bak nyeni e, he ikat nye bikri nye ug ei minu Babel e, lene nok.”

YEHEZKIEL 22:27

Nibou mben Israel di inyeng tak kep limwa nya idem kep nsien bigbehei di briug-briug nyen mun di yem a. Ihwen mun mem ibinggok tut mun di kei mem yonti.

AMOS 7:10

Amazia di nok imam ei minu ndig Betel sok nihyet bak Nibou Ndig Yerobeam di ninyeng tak kep mben Israel bipai “Amos kin ade limwa nya yuhum yam nsi mem na di Andigpoi. Noni ba nihyet di tri tut bikes ningon bak ade limwa nya leu api bindei ba, minu dini timek bingwig.

LUKAS 23:2

Ikkin kep Yesus ninghapti ei sirima bipai “Nittau kep No dini tirigi Noni kes ningon bak ade limwa nya. Noni pai ser tungwatu nya bipia ma igo belasten bak Kaisar au noro jem Nonti ninyeng bipia Nibou Ndig di teu tungwatu nya biyai niyaijo nijep biyok.”

KISAH 16:20

Ikes yok bigya ei nibou Roma nya yoho bei bipai biyok “Tungwa cin dini ne mben Yahudi di ibindei ba, timiei minu ndig dini ingon buhun bibor ri.

KISAH 17:6

Noro ingat Paulus kin Silas bi. Gima rino ikri Yason kin yo di ingon jo kep nya ibou poi ug ei nibou nya yoho bei lene ibipai bipia “Yo dima ibindei ba, tungwatu dihyeisi dini yahagom ighyet ngwig kep yam. Nogindini ikwei krau ide minu dini cem,

KISAH 24:5

Jo nibreisi mem nye bipia no dini ne no di mbuk di nggek tut nibong kei nigwam keisi ri. Noni rino bindei di mben Yahudi ighyet srou kui yam bidem dihyeisi dini hagom. Ba, noni ne nibou gom mem nimpung Nazaret ri.

KISAH 28:22

Noro nijoi sut bipia asimbot kep tut angon jo kepti nya binye lewo nahagom nikan tut bipia tungwatu isrep tut nimpung dino anggre kin dima.”