YEREMIA 32:5 - ALLAH NIHYET MEM TUNGWATU NYA

⁵ Apino noni mikri Zedekia ug ei minu Babel. Zedekia mibong ei mpia dima bibou dikes hukum ei noni dip ug e. Mbro nok gino noni kon pran bit tentara Babel nya lo, noni mibindei timek yok kan bi. Da di tuhan disimbot dat tu.”

YEREMIA 32:5 ပူးပေါင်းရင်းမြစ်များ

YEHEZKIEL 17:15

Noro nibou ndig minu Yehuda kiek nimig jou tut nibou ndig minu Babel bisok nihyet bak mben Mesir mem gima bitug ndei kuda kin tentara Mesir nya imang bibor. Ningon kanti dima mipek kep e? Nibou ndig minu Babel misindui sut ba, nibou ndig minu Yehuda ningwes ngun e? Dem tut gima noni ngkwei leu nipreu ei mem nibou ndig minu Babelti pima bi ba, ningwes ngun leu gitug ndei hukum cem bi!

YEREMIA 39:7

Gima leu lene itak Zedekia niyai leu api iba lante biteu ninda ba, icen biyuug sut ug ei minu Babel.

YEREMIA 33:5

timiei Yehuda nya ihwen tentara Babel mikui-kausi he bitig dino minu ndig dini mpung tut nimbiam ngut di diba Ditde nigga biborti biyai nimai biyok nya. Diba dingha bak minu ndig dini drek dip ide nibon munti di kinei bibor nya.

YEREMIA 27:22

mben Babel mipos hagom bittei ug ei minu Babel bijo kikau ei minu dima bibou dingig diyai kep hanyen ug e. Mpe dima lene midittei hagom hanyen leu minu Babel kwei ei mpia dini. Da di tuhan disimbot dat tu.

YEHEZKIEL 12:13

Noro midicom Ditde jala ser leu api dibikat noni. Leu api midicom noni ug ei minu Babel. Noni mimai ei sirima leu ba, ngat nitimieisi di nang leu bu bi sren.

YEREMIA 37:10

Mbro nok gino ahwen tentara Babel yahagom bingwig lene gi hi di imai bigyo ibok-ba bibong kep inghuisi ei ide prak meng yati nya lo, yo dima migyai nisindem bikiju hanyen bindig jide minu dini bitimek bingwig.’ ”

YEREMIA 2:37

Mijiba jingon di ngkwei leu yok kin gi jiba nimmai sut jenti bikes minu Mesir ei ba, jingkwei hanyen. Da di tuhan dikou sut yo di jiba jingon com yok dima. Gima rino yoni mimpu je bi sren.”

NIPINGOK NINGONTI 21:30

Tungwatu nya ide ningon tekti kin ide nintin kimboti kin ide ningon kiti jo binghig ei tuhan Noho bei bi sren.

NIBOHON MBEN ISRAEL GI NICAN 24:20

Mpe dima lene Allah Ninnei mpung ei Zakharia di Imam Yoyada nipmot ningonti bisindem tut noni. Zakharia kiju biya ei limwa nya yoho bei leu api pai biyok “tuhan Allah pai ‘Nggon rino jigibit Ditde nicuk jeti bi dino jibitig jui mem jenti i? Jikes Dani ei su. Gima rino Dani cem midikes jeni ei.’ ”

NIBOHON MBEN ISRAEL GI NICAN 13:12

Allah Nonti nok nyende nibou di bie tut nyeni lene Nide imam nya cem ingat rin bit nyeni. Yoni itin ei mem gima imiep pun mbrei nya nok bindo mem gima ninjei ba, nikon pran bit je. Mben Israel jen o! Ma jaham jimbuk kep jidigup bat-jidigai bat nya ide tuhan Allah au o! Lewo bit bon jibindei timek nye kan bi sren o!”

MBEN ISRAEL IMBUT-MBUT NYEN 14:41

Noro Musa srep bipai “Nggon rino jibisau sut gima jiyai mun njiriek tuhan ningon kanti mem je nogindini i? Jingon kanti dima mibindei ba, ningat di kei ntun him bi.

YEREMIA 32:6

Lene tuhan pai bida,

YEREMIA 32:24

Mben Babel ingot ig ninggilai nut yam bijo anai mem ibiyon ttai minu ndig nya mem gima ibiyai minu ndig dini bigyati tu. Ba, ikinyon ei nihwenti cem tu. Pran kin ninggum kin nsuwer ajar mibindei ba, minu ndig dini cut ei indati. Angat bipia mun di asimbot dat nya hagom pek kep bijo nibreisi tu.

YEREMIA 39:5

Noro tentara Babel yuhuk bram yok ba, ikat Zedekia ei briep bou him dideu minu ndig Yerikho. Leu api ibuwak noni bak Nibou Ndig Nebukadnezar ei minu ndig Ribla di jo hanjop Hamat leu api noni tug ndei hukum nimai.

NIBWOS-BWOS NYENTI 1:14

Noni mbus ditde sisar nya hagom keyam leu api ngot kin yam binok gom lene ba gima bisrou dikimam apino gima buhun tak da di dinghuisi jet tut o! tuhan kes da ei siceu nya indati apino bit bon dibindei timek yok kan bi o!

YEHEZKIEL 12:12

Ide nibou ndig mikon nide buwang ei ninghat dip bimbut tut mem mmun di dindi-kai. Tungwatu nya mitu mihye ei dring tigti mem nibou ndig leu binhyepo hei kak mihyeti dima. Noni nggai ser niyai apino ngat puig di mbut kak bi a.

YEREMIA 39:4

Tirigi Nibou Ndig Zedekia di ya tut nide tentara nya ngat mun di bindei yok dima lene ibingon binang mem mmun dima ndam Mbang Briep Yordan. Yahagom imbris nyahan sir nibou ndig de miai mitou nghousi bimbut kak dimbou heisi di itu ei ngug tig nipuig can kieti.