YEREMIA 32:41 - ALLAH NIHYET MEM TUNGWATU NYA

⁴¹ Dijoi sut nibon mun di kei bak yoni bidibindei ba, ibong ei minu dini bijo ninno bijo kikau.

YEREMIA 32:41 ပူးပေါင်းရင်းမြစ်များ

YEREMIA 24:6

Midiya ser yok ba, dibuwak yok hanyen kwei ei itimieisi dini yo. Midiwin kep ingonti lene dinggek yok bi. Midita yok lene dohom yok bi.

ZEFANYA 3:17

Jide tuhan Allah di sindem bibor nyohou je. Joom kep mun nyeng hagom tug hon Nide nisindemti. Ningon nggei-hi-nggei ba, nillei ngwig sut je. Noni ba Nide ningon ngakei jeti biyai niyaijo nijep bije.

AMOS 9:15

Midikes Ditde limwa nya hanyen ei itimieisi di diyai biyok nipou su lene bit bon hi hom yok hanyen kan bi. Da di tuhan di jide Allah disimbot dat tu.”

YESAYA 62:5

No di pai tes na mijem na nok nitnem dem kep pinai pilei gom di wak sop gwam nitta pilei di ya kin pinai bigyo. Allah joi sut na dem kep pinai pilei gom di ngat ningwes ei nitnemti.

YESAYA 65:19

Dingon millei sut minu ndig Yerusalem kin timiei nya. Tungwatu nya igyai nggwei mikibor ba, yahara hiter bimpu yok bu bi.

YEREMIA 31:28

Bit leu nok gi po dinyohou yok leu api disrep tut nibou ndig nya cem dinggek tut ide ninyeng tak kep limwati nya bingwig cem dibindei sar yok cem ei niabiati bu tu pima lene midinyohou ta yok binddong kei bidiwin yok hanyen.

YEREMIA 18:9

Ne gino dikos tut bipia diwin mben gom kin ide ninyeng tak kepti ba, disindem tut yok,

NINDAT KEP TUHAN NICUKTI NYA 30:9

tuhan di nok jide Allah mibindei ba, jide midyai nya hagom kei bibor kei ba, mijidigek kep mpia bijihyen kep jide mindhe-ndhe nya mang bibor kin jide beisi mingat ningat nindig bibor cem. Noni mibindei ba, jibong kei jigwam kei lewo Noni joi sut je bit leu nok gi po Noni joi sut jidigup bat-jidigai bat nya pima.

NINDAT KEP TUHAN NICUKTI NYA 28:63

tuhan mijoi sut bindei sar jeni bicok tut jeni ningwig noyam kin gi nipou po Noni joi sut yai nibong kei ningwam kei bak jeni bikum ei jimangtiti pima. Noni mitiba jeni hanyen leu minu di jei bi mijiyai bijiyati bijikieng kep dima.

MAZMUR 80:8

Allah Di Sindem Bibor e, ma awin kep nyende nisindemti. Angondut nye ba, ateu nye leu nyende siceu nya!

YESAYA 62:4

Tungwatu nya mijem anyeng Minu Ndig Di Ikes Bijo Ei Bu Bi kin Minu Prenti bu bi. Noro mijem anyeng Minu Ndig Di Allah Ngondut kin Minu Niwak Cam. Gima hagom nok lewo tuhan joi sut na ba, Noni dem kep nijjep mem ade minu.

MIKHA 7:18

tuhan e, Allah hi ter noyam kin Nani bi. Akos ser Ade limwa di ingwes ngun leu ingkiaisi nya ide sisar. Angon sibui sut yok kikau kan bi. Noro ajoi sut ando Ade ningon ngakeisi di ug hon nohonti bi bak nyeni.

YESAYA 60:21

Ade limwa nya mibrim ingkek mem mun di igbit. Yoni miba yo kep minu dima bijo ninno bijo kikau. Inoyam kin biei kioi gom di dipai tes bidita leu binhyepo bindo tut Ditde nikei-kau-keisi ei nibreisi.

YEHEZKIEL 36:36

Mijo nibreisi mem ngkiai nya di gahai di ingwes ngun nya bipia Da di tuhan dipindi minu di timek bingwig nya bidiyai miai ei iggum ndigsi nya hanyen tu. Da di tuhan disimbot dat tu bidiyai hagom bit leu nok gi dipreu ei mem yokti.”

HOSEA 14:5

tuhan pai “Midinduk Ditde limwa di israwir tu nya hanyen kwei ndam Da leu api midiba dingon titut yam bingondut yok. Dingon misibui sut yok bu bi.