YEREMIA 31:3 - ALLAH NIHYET MEM TUNGWATU NYA

³ dindo Danti biyok leu minu ting. Je di mben Israel e, dingon ngakei je habiei ei nimbie him kikau kwei bipek ammani kep. Gima rino midingon ngakei je kikau.

YEREMIA 31:3 ပူးပေါင်းရင်းမြစ်များ

MAZMUR 103:17

Noro tuhan ningon ngakeisi kin nisingat tutti jo ninno bijo kikau mem yo di ikuk yok bak Noni buug ninno mem ide nintun him yamti di bram yam nya,

HOSEA 11:4

Diba dingon di nggriu kin dingon di ngondut yok bibrim yok hanyen dideu Da lene dibindei ba, inggwenti nya buhun haigtu bi ba, diba dibou coi bitri njita tut yok cem.

NINDAT KEP TUHAN NICUKTI NYA 33:3

Noni ningon ngakei Nide limwa nya biya srak ko hagau yo di ninyeng tak kep yok. Gima rino ikuk nye ei nimig him ba, ibit nicuk nyeti nya.

YOHANES GI NIGOM 4:19

Ingon ngakei yam lewo Allah ningon ngakei nye bibie.

2 TIMOTIUS GI NICAN 1:9

Noni teu nye leu sisar biyai niyaijo nijep binye leu api hig nye leu binhyepo inok Nide limwa nya. Mun dini tug hon igyai munti nya bi noro tug hon Allah ningon kanti kin nisingat tut nyeti cem. Noni singat tut nye tug hon Kristus Yesus nipou tirigi Noni pai tes dihyeisi dini bigyo.

ROMA 8:30

Lene Allah hig yo di Noni dimig ei su nya biyai ingon di kwes kin Noni leu api bindei ba, yo di ingon kwes kin Noni ipriet kin Nide nikei-kau-keisi.

YESAYA 45:17

Noro tuhan miteu je di mben Israel ba, jingwes ngun bijo ninno bijo kikau. Mijimmai sut jenti ba, hi dima nim kep je bi sren bijo ninno bijo kikau.’ ”

MALEAKHI 1:2

tuhan pai bak Nide limwa nya “Dingon ngakei je kikau.” Noro ibuhup bihig ser Noni “Notou ando angon ngakei nyeti binye i?” tuhan buhup “Esau ne Yakub nikindig ri. Dingon ngakei Yakub kin yo di intun noni him.

NINDAT KEP TUHAN NICUKTI NYA 10:15

Noro ningon ngakei jidigup bat-jidigai bat nya nindig bibor ba, dimig je leu mben nindigsi nya hagom ba, jinok Nide limwa nya kikau kwei bipek ammani kep.

PETRUS GI NIGOM 1:3

Jikwei ba, ipai sigyo bak Allah dino ide Tuhan Yesus Kristus Nicigya! Ningon ngakei nye nindig bibor biyai niyaijo nijep binye tug hon Yesus Kristus nikiju hanyen leu nimai eisi. Noni bindei ba, igyok ingon memti nddong kei.

DIUN MIMUN 1:4

Ditde nibou ndig e, sibrim simig haninyai. Abuwak da ug ei ade ninsi di abong a. Abindei ba, nahagom ningon nggei-hi-nggei ba, nikon ade ningon ngakeisi ei nai dor njiriek ba anggur ngei. Dem mem gima sop gwam nitta pilei nya ingon ngakei na o!

HOSEA 11:1

tuhan pai a “Dingondut Israel habiei nimien yo ba, dihig dimunggwom dima kwei leu minu Mesir.

NINDAT KEP TUHAN NICUKTI NYA 33:26

“Je di mben Israel e, kwar di jikuk je bak hi noyam kin jide Allah bi. Lewo Allah ya bidem mpia-bbed him ba, ttau bumbuhuiti kwei leu binhyepo kwei bimpu je.

NINDAT KEP TUHAN NICUKTI NYA 4:37

Noni dimig je ei su lewo ningon ngakei jidigup bat-jidigai bat nya leu api buwak je bijingwes ngun leu minu Mesir tug hon Nide nisindemti di nindig bibor.

YAKOBUS 1:18

Noni yai niyaijo nijep binye bit leu Nonti ningon kanti tug hon nihyet di nijit. Niyai munti dima bindei ba, nye di tungwatu igya bibie mem Nide nipai testi nya hagom.

ROMA 9:13

Bit leu Allah Nihyet pai bipia Allah pai “Dijoi sut Yakub noro dikou sut Esau.”

MAZMUR 25:6

tuhan e, ayok ngon kep Ade nisingat tut nyeti kin angon ngakei nyeti di ando binye ei nimbie him ngat kwei bipek ammani tu.

NIBOU NDIG NYA GI NIGOM 10:9

Jikwei ba, inggei sut tuhan di nok na di Andigpoi ade Allah! Noni ta na di Andigpoi ba, anok nibou ndig mem mben Israel lene gima ndo brei bipia Noni joi sut na di Andigpoi nindig bibor. Noni ngondut mben Israel kikau buug hon nohonti bi. Gima rino Noni ta na di Andigpoi ba, anok nibou ndig mem yok leu binhyepo yahagom ibit nihyet ba, ingon sren.”

YESAYA 43:4

Dingat dingwes ei jeti. Jibon jinyeng ei diyai him ba, dingon ngakei je cem. Gima rino ditri timiei ngkiai nya leu binhyepo dibiluei je bu ba, diba keret dihyeisi dini biluei jiyaisi.

YESAYA 49:14

Noro timiei minu ndig Yerusalem ipai, “tuhan kes nye ei ba, ide tuhan ningon prion ser nye tu.”