YEREMIA 3:9 - ALLAH NIHYET MEM TUNGWATU NYA

⁹ Gi mbun immai sut yonti cem kan bi. Ibindei ba, map kui ide minu drek dip ide sisar nikuk no bak tig kin biei nya.

YEREMIA 3:9 ပူးပေါင်းရင်းမြစ်များ

YESAYA 57:3

Noro je di nimpung nibon sisar e, ma jikwei bidimbus jingonti! Lewo jikei dor njiriek nung cig kin no di cut tut hi nitnem-hi nijjep cem kin sop di nibou buwei bi!

YESAYA 57:6

Jimbus kru kwai ei mpia dima keyam bijikuk je bak ba, jiba ba anggur ngei biprok kru kwai dima leu api jiba nibon midut gandum bikuk je bak cem. Jikan bipia dingon kei sut jiyai munti dima yok hagom e?

YEREMIA 10:8

Yo dima yahagom ibbwe ba, ingon mbum cem. Lewo iba biei nitu bibon ide kwar di ngginau yok tut mun di bon ninyeng kan bi.

YEREMIA 16:18

Midiba hukum mbican bram yam bibuhup biyok drek dip ide sisar kin ide nibon mun di kinei biborti lewo ibindei ba, map kui Ditde minu dini tug hon kwar mang bibor tu. Ninnei jo kwar dimati bi noro hagom noyam kin nimai ngut.”

YEREMIA 2:27

Jahagom mijimmai sut jenti lewo jihig biei ttou gom nok jicig ba, jihig tig nitindak gom nok jipmem. Jikwei kuk je biDa bi noro jikes Da ei. Tirigi mun di buhun cut igkep je lene jahara Da leu binhyepo diteu je bijingwes ngun.

YEREMIA 2:7

Dibuwak yok kwei ei minu di bon ninnumti leu api igyem njita beisi nya nindig bibor ba, ibong kei igwam kei. Noro ibindei ba, map kui Ditde minu dima ba, ibimangkrei hanjop nsi di dipek mem yok.

YEREMIA 3:2

Jikon jibou bijimian kui ug ei mbigdip ninggram him nya! Ba, jingat mpia di tou rino juug ei di jicut ei sisar nikrar kep yamti bigyo i? Jiyai munti dima dem kep mben Arab ei iggum ndigsi. Jigwam sir puig ninghas bijimem kep ser no di kwei yem njita tut sop di nikrar jut. Jibindei ba, map kui minu dini tug hon jide nicut ei sisar niyem njita tut sop hiterti kin jide nibon mun di kinei biborti cem.

YEHEZKIEL 16:17

Aba mas kin perak di diyai bina bibon kwar di noyam kin pinai nya leu api acut tut yok.

YEHEZKIEL 23:10

Mben Asyur iba yo yai noni bijuk sinsun leu noni apino ya tut nijou hangwangti. Leu api iba singau simeda biyai nimai bak lene ibipos nimunggwom bat nya cem. Niyai munti dima bindei ba, nimpung sop nya ipui kep ninghapti tirima-tirima.

YEHEZKIEL 23:21

Oholiba e, ningat ne ajoi sut ayai bram ayai kepti di kinei di abon mem apileisi mpe di po pinai Mesir nya ikrau ado biyoom-om nyen pima hanyen.)”

YEHEZKIEL 23:3

Mpe di ipilei yo ne ibong ei minu Mesir ba, ide nipilei ngatti cut leu yok ei minu dima leu api ibon munti nok sop di krar igkei.

HOSEA 2:2

tuhan pai “He dimunggwom bat jen e, jipmem nok ditnem bu bi lene Dani dinok nijjep bu bi. Gima rino ma jipai kep noni ei nikei noho bei leu binhyepo noni mikes hon ba, cut tut pinai nya ariwace ba, nikrar jut bu au.

HOSEA 4:12

Jahara biei ttou kin tom leu binhyepo indo puig di kei bije. Bon tom buhup bipingok jingonti e? Jahagom jinok sop wak cam di krar igkei. Jikes Da ei leu api jikes jenti ei nung nya indati.

YOEL 1:19

tuhan e, dahara Na. Ma akwei mpu nye lewo abris nghousi kin biei nghousi nya ngoi-nga noyam kin hum sror biyem hagom bingwig leu su.

HABAKUK 2:19

Jitug ndei nisigion jeti tu! Lewo jipai bak biei ttou gom “Ada ayai ba, akiju!” Lene jipai bak tig nindig nindak gom “Akiju ba, aya!” Kwar dima sindem mem gima mbot kep tut mun nyeng gom bijeni e? Mbro nok gino jiba perak kin mas binggai kep kwar dima lo, ninnei joti bi.

MATIUS 5:32

Noro tini bu ne dipai bije bipia no di kou nitnem di cut tut hiter bi ne no dima ningon mui. Leu gino nitnem wak nijjep hiter bu ne tungwa dima ribindei dino nitnem cut ei sisar nicut tut yamti. Ba, pinai di wak no pima nitnem micut ei sisar nicut tut yamti sindam.”