YEREMIA 3:6 - ALLAH NIHYET MEM TUNGWATU NYA

⁶ Mpe di Nibou Ndig Yosia ninyeng tak kep limwa nya lene tuhan pai bida “Angat mun di mben Israel di inok sop di ningon gom bi dima ibon tu e? Ikes Dani ei leu ba, icut ei sisar nicut tut yamti bikwop mbigdip di anai kin bikwop biei ndig di nimeng nggrou nibehei cem hagom.

YEREMIA 3:6 ပူးပေါင်းရင်းမြစ်များ

NIBOU NDIG NYA GI NIGOM 14:23

Iwin mpia ttou nsi di mem ikuk yok bak kwar nya eisi ba, iba tig di jei biwin dihim di itas pijum nya di mem ide kwar sop Asyera cem itas kwar nisop dima ei mbigdip nya kin biei di nimeng nggrou nibehei nya cem bikuk yok bak eisi.

NIBOHON MBEN ISRAEL GI NICAN 34:1

Yosia kui bigwam nok nibou ndig ei mpe di po nide njap ug ei ari bingwam muhwindaningai tu ba, ninyeng tak kep timiei Yehuda nya ug ei ari bingwam ningot ningai ba, gom ei minu ndig Yerusalem.

MAZMUR 106:39

Ibon munti dima yok bindei ba, map kui yoti. Ingon gom tut Allah bi.

YESAYA 57:3

Noro je di nimpung nibon sisar e, ma jikwei bidimbus jingonti! Lewo jikei dor njiriek nung cig kin no di cut tut hi nitnem-hi nijjep cem kin sop di nibou buwei bi!

YESAYA 57:7

Jikui ug ei nungug ninggram him nya mem gima jibon midut nindig mindhe-ndhe ei nimbar hum dokti bijijou yam ei sirima bit leu jingut priti.

YEREMIA 1:2

tuhan mbrap bit Yeremia mem nijam di Yosia di Amon nipmot nok nibou ndig mem minu Yehuda ba, ninyeng tak kep limwa nya ei ari bingwam simnaibrimigningai su.

YEREMIA 11:10

Ibon kep sisar di idigup bat-idigai bat nya ibon kep. Sisar di idigup bat-idigai bat nya ibon kep dima rino igibit dihyet bi ba, ikuk yok bak nung di ngkiai nya ikuk yok bak nya. Igyai mun bibicim tindei Ditde nicuk yokti cem bi. Israel kin Yehuda yahacem injiriek Ditde gi preu di dipreu ei mem idigup bat-idigai bat nya tu.

YEREMIA 17:2

Limwa jide nya ikuk yok bak nimbar hum dok kin cou dihim nya di itas mem gima ibikuk yok bak Kwar Sop Asyera cem. Mun dima jo bidem biei di nimeng nggrou nibehei hagom kin mbigdip ninggram him hagom,

YEREMIA 3:8

Timiei Yehuda nya ingat bipia dikou sut mben Israel di inok sop di ba ningon com Da bu bi. Dibon srat nikou sut yam bidiyai biyok lene dibikes yok drek dip gi icut ei sisar niyem njita tut sop hiterti tu. Noro timiei Yehuda nya ittin tut gima bi ba, yoni cem yuug cut ei sisar di kinei dimati bram bu.

YEREMIA 31:22

Je di jingon gom tut Da bi e, jihig jingon eisi kikau buug ei apig bu i? Dipai tes mun di nijep-jau bu ei dihyeisi dini tu. Mun dima rino no di pinai gwam coi no di sop.”

YEREMIA 5:11

Mben Israel kin timiei Yehuda nya yaham imbuk kep da bibor tu. Da di tuhan disimbot dat tu.”

YEREMIA 7:24

Noro ibit dihyet bi ba, ingkek ndok. Ibit leu yonti ingon kanti lewo ingon ndok bibor ba, imbuk bibor cem ba, niyai munti di kei bibor hi ntun yoni him bi noro igyai munti di mbuk bibor kum eisi bu.

YEHEZKIEL 16:31

Awin mpia di jo simin puig nghas hagom ei minu ndig nya mem abikuk na bak kwar nya eisi. Noro nani ne sop sundal nitu di suar mitiei he bi ri.

YEHEZKIEL 16:35

Na di sop sundal minu ndig Yerusalem e, angig atingou mem mun di tuhan Di Ninyeng Jei Bibor simbot dat a.

YEHEZKIEL 20:28

Mpe dino dibuwak yok kwei ei minu di dipreu ei mem yok dini leu api ingat mbigdip di anai nya kin biei di nimeng nggrou nya lene ibon midut nindig mindhe-ndhe ei nimbar hum dokti mem ide kwar di ikuk yok bak ei mpia dima yok. Ibindei ba, digga yok drek dip ide midut dima yok kin anggur di ikwas tut kwar nya di ikuk yok bak.

YEHEZKIEL 23:11

Mbro nok gino nikinjoi Oholiba ngat mun di cut igkep nikindig tu lo, ningon kui bibor tut gi cut tut pinai nya dor njiriek Ohola niyaisi.

YEHEZKIEL 23:4

Gi mighumbou ninyeng rino Ohola di bindo tut Samaria. Nikinjoi ninyeng rino Oholiba di bindo tut minu ndig Yerusalem. Diwak yahacem lene isrek tut munggwom biDa.

HOSEA 11:7

iba ingkek di ndok bikiek yoho ter leu Da cem. Gima rino yoni mitug ndei mun di buhun di micut igkep yok. Mbro nok gino yahara hiter mem gima kwei mpu yok lo, bit bon hi teu yok bingwes ngun kan bi.”

HOSEA 4:13

Jindig mindhe-ndhe nya ei kwar nya ide nimbar hum dokti ei mbigdip nya. Jindig biei nggrai di ui-gwang kei ei biei ndig di nimeng nggrou nya nibehei lewo mpia dima bon mpia di mbum-bra. Apino jipmisop bat nya ibon yonti nok sop di ikrar jut nya lene jignyot bat nya ibon yonti nok sop di icut tut pinai nya ariwace.

NIJAM NIKEI NYA 2:17

Noro mben Israel iba inghim bak ide nibou dima yok ighyet lewo ingon gom tut tuhan bu bi ba, ikuk yok bak nung nya tu. Idigup bat-idigai bat nya ibit tuhan nicuk yokti nipou su noro tini bu ne yo dini ikiek yoho ter leu Noni ba, ingkek ndok.