YEREMIA 3:5 - ALLAH NIHYET MEM TUNGWATU NYA

⁵ Lene jipai biDa bipia midigga jeni bijo kikau bi. Je di mben Israel jipai nok gima noro no jibon kep mun di kinei bibor nyeng hagom yo.”

YEREMIA 3:5 ပူးပေါင်းရင်းမြစ်များ

NIBOHON MBEN ISRAEL GI NICAN 29:10

Nogindini diyok dingon mem gima dipreu mun ei mem mben Israel ide tuhan Allah leu binhyepo Noni gga nye bu bi.

MAZMUR 85:5

Noro tini bu ne ma angkwei nye ei nijam dimati hanyen. Ma agga nye bu au lewo Nani ne Allah di teu nye leu sisar ri.

MAZMUR 85:6

Agga nye bijo ninno bijo kikau e? Agga nye bitut nyende nintun him yamti nya ug bipek ide nintun him yokti bu e?

YESAYA 57:16

Midiyai niyaijo nijep bak Ditde limwa nya. Midinjei kep yok dem kep nok yo di itunggwei nya bidigga yok bijo ninno bijo kikau bi. Diyai nok gima leu binhyepo ingon dahat bi.

YESAYA 64:9

Gima rino ma angon sibui sut nye nindig bibor ba, ayok ngon kep nyende sisar kikau au. Noro ma ayok ngon kep bipia nyeni ne Ade limwa nya ri.

YEREMIA 3:12

tuhan cuk da ba, suar duug pai bak mben Israel “Je di mben Israel di jingon gom tut Da bi e, ma jingkwei hanyen ndam Da. Dingondut je nindig bibor ba, midigga je kikau bi.

YEREMIA 8:5

Nggon rino je di jinok Ditde limwa nya jikriek leu pui di nijit ba, jiba jinghim biDa bijo kikau i? Jikrau kep jide kwar nya di jikuk je bak bingkiem ba, jikou sut gi jingkwei hanyen ndam Da.

YEREMIA 8:6

Dibeintup ninno tu noro jiba jingon sren bipai mun biDa bi. Jigom ngat cem ginso nonti tut nibon munti di kinei bi. Hi di pai bipia nitunggweisi rimindei i? cem bi. Jahagom jidor kak jide puig dem kep nok kuda di ba ningon bisau sut nikon pranti bicoi pran.

YEHEZKIEL 22:6

Nibou Israel nya yahagom iba ingon com yonti ide nisindemti ba, inok nihwen kep mun cig nya.

MIKHA 2:1

Buhun bibor mem yo di igyai ngkiem ei ibongti mem mmun bigyok ingon gom mem igyai munti di kinei bibor! Yo dima ikinyon ei gi igyok ingon gom tut igyai munti di kinei dima ei njap tekti.

MIKHA 7:3

Nibon kep mun di mbuk cig nya riyoni. Yo di inyeng jei kin nikei nya yahara mem mitiei dima ibingot kep yok. No di ninyeng jei brim ningkek kep yok bitig dino yuhum yam nsi.