YEREMIA 3:3 - ALLAH NIHYET MEM TUNGWATU NYA

³ Gima rino biget di kwei leu mpia-bbed him ntus. Biget di but mem nijam di but di biwaisi biei di nimeng tu cem gi but kwei bi. Jidem kep sop di nikrar jut. Gi mbun jimmai sut jenti kan bi.

YEREMIA 3:3 ပူးပေါင်းရင်းမြစ်များ

NITRITI 19:34

Njap di hyep bu lene nipmisop mighumbou pai bak nikinjoi “Himmun di aponi dibong bit arig tu! Akwei ba, ariman mmun lene ma sibindei arig bidut ba anggur ngei di pu no hanyen bu leu api abong gom bit noni. Apino sahacem sigwam tut simunggwom hi bintun arig him.”

NEHEMIA 9:17

Iprinder bibor cem ibbwe ser mun di kei di ayai biyok hagom cem ingon prion ser mindur di abon mem yok cem. Iba ingon di jei bidimig tungwagom ei bita noni nok nibou di bie tut yok hanyen ug ei minu Mesir bingkwei nok awak. Noro Na di Allah ne nikos ser sisar cig kin noom ningon cig ri. Nani ne ningondut tungwatu nya cig kin ningon sibui sut yok haninyai bi cig cem ri. Ade ningon ngakeisi nindig bibor bibindei ba, akes yok ei bihigom bi sren.

NIPINGOK NINGONTI 21:29

Yo di ingon sren nya ingon ngkiem noro yo di isibut nya ibitot hagau.

YESAYA 5:6

Disindui sut ba anggur dima ba, mintu-minta mijei gau hagom. Dipe nimeng bidohom minta leu bu bi. Noro disindui sut ba, cibou nggwen kin tigau nggwen ceu hagom. Dicuon ser bumbuhui nhyema kwei sut biget ba, but eisi bu bi.”

YEREMIA 14:1

tuhan pai bida tut bed di biang mpia ngei ndung,

YEREMIA 14:22

Bit bon ngkiai nya ide kwar nya ibindei ba, mpia but kan bi. Mpia-bbed him cem sindem mem gima bindei ba, biget mbras kwei ei dihyeisi dini bi. tuhan e, niyok ningon mem Nangkom. Nangkom he rino abindei ba, mun dima yok pek kep mem nye.

YEREMIA 14:3

Yo di inyeng icuk ide awak nya biyuug nggok minyei bidem minyei bousi kin bak minyei nya noro hagom pingge leu su leu api awak dima yok ingkwei hanyen tut ide dibijig di ngwak. Ingon kiowi niti ba, ide ningon cut leusi bindei ba, immai sut yonti binggai kep iimaisi.

YEREMIA 14:4

Yo di igyai miai inggai kep iimaisi lewo ingon dahat leu drek dip mpia di but bi kin dihyei ninjek dip di nggos bibor.

YEREMIA 36:2

“Ma aug yai srat kijum gom kwei ba, apas kep mun nyeng hagom di disok ei na dip eisi bak mben Israel kin timiei Yehuda nya kin ngkiai nya ei dihyeisi dini hagom. Suar apas kep mun di sindi dipai bina habiei tirigi Yosia kui nok nibou ndig kikau kwei bipek ammani kep eisi.

YEREMIA 5:24

Mbro nok gino Dani rino dikes biget mem je ei nijam biget nimbie him kin ningwigsi ba, diyai nijam nikos gandum bikwop ari bingwam mem je cem lo, jikuk je bijibou cut biDa bi sren.

YEREMIA 5:25

Noro jide sisar dima yok rino bigen ser mun di kei dima yok hagom dino jingat jingwes eisi bi a.

YEREMIA 5:3

Ningat ne tuhan ningon ya mem yo di iba ingon gom bibit Noni. Noni bui je tu noro jisem tut Noni. Noni bindei bijinem-nnai noro jikou sut nide nipingok jeti. Jingkek ndok ba, jikou sut gi jittin ser jide sisar.

YEREMIA 6:15

Ningat ne ma suar immai sut gi ibon mun di kinei bibor dima. Noro ingkek ndok ba, immai sut yonti kan bi. Gima rino yoni mimai nok nimbiam noyam kin nindigsi nya. Tirigi dikes hukum ei yok dip ne igyaijoti mingwig hon. Da di tuhan disimbot dat tu.”

YEREMIA 8:12

Je di Ditde limwa nya e, suar ma jimmai sut gi jibon mun di kinei dima hagom. Noro jingkek ndok ba, jigikan tut jide nimmai sut jentiti bi. Gima rino mijimai nimbiam noyam kin nindigsi nya di imai su. Tirigi dikes hukum ei yok dip lene igyaijoti mingwig hon.

YEREMIA 9:12

Lene dihig ser tuhan “Nggon rino minu dini timek bingwig binok mpia ngoisi di ngak-cai apino tungwatu nya ikriau binjiriek i? Tou riningon ki biningon dorti tut mun dini yok i? Apai nisinati tut gini bak tungwa tou leu binhyepo noni tri tut bak nindigsi nya i?”

YEHEZKIEL 3:7

Noro mben Israel ikou sut gi imiap kep ahyet lewo jo nibreisi bipia inghek Da bingkek ndok bisrep tut Da cem igkei.

IMAM NYA IDE MIDYAI 26:19

Jinggei-nggwang tut jenti nindig bibor noro midibindei timek je. Biget mibut bi apino jide dihyei mingak-cai bingkiem bibor tereu nok ngkimom nitu.

AMOS 4:7

Dani rino dipai ser di mpia but bi tirigi bed di biang mpia ngei pijuk jide njita kioi ei beisi nya. Dibindei ba, biget but ei minu ndig hi lene but ei minu ndig hiter bi. Mpia but ei beisi gom lo, beisi hiter bu mui bingwig.

AMOS 4:8

Timiei nya ei minu ndig hi di ninggobiau hwen yok di inghuisi jet nya induk yam biyuug ei minu hiter lewo iba ingon com bipia minyei bousi biam ei mpia dima noro minyei dima dem mem yahagom idut bi. Mbro nok gima lo, jigingkwei hanyen ndam Da bi.

ZEFANYA 2:1

Je di mben di jimmai sut jenti bi e, ma jingon huk niti,

ZEFANYA 3:5

Noro tuhan ningat rin ei minu ndig dima yo. Noni bon kep mun di kei kikau lene bon mun di tunggwei bi sren. Noni ne nikei di ba nisren-srausi bikos tut mun di kei bak Nide limwa nya bikwop njap tekti ri. Mbro nok gima lo, yo di ingon sren bi nya ei minu ndig dima ibon kep mun di kinei bijo kikau leu api immai sut yonti drek dip bi.

HAGAI 1:11

Dibindei ba, mpia ngei-ndung cut igkep jide dihyei kin nungug tou nya kin miai gandum nitu kin miai ba anggur nghousi kin miai biei zaitun nghousi kin njita di hei ei dihyei njek dip kin tungwatu kin mindhe-ndhe nimuhup tu nya kin miyai di jiyai nya ba, hagom mui ningwig a.”

NINDAT KEP TUHAN NICUKTI NYA 28:23

Biget mibut bi lene gima mibindei ba, jide dihyei ninjek dip mingkiem noyam kin ngkimom nitu.

IBRANI 12:25

Gima rino ma jisok kep jenti ser nhyema jingkek ndok tut No di mbrap au. Yo di ingkek ndok tut No di tri tut Allah nihyet ei dihyeisi ingwes ngun bi. Gino ingkek ndok tut No di mbrap kwei leu gwamti ne notou ingwes ngun i?