YEREMIA 3:25 - ALLAH NIHYET MEM TUNGWATU NYA

²⁵ Gima rino nna ba nigwam nimmaiti ug. Nna ba niwer mindhe tut ug. Lewo niya tut nidigup bat-nidigai bat nya ba, nibon sisar tut nyende tuhan Allah ninno tu ba, nigibit Nide nicuk nyeti nya cem bi sren.”

YEREMIA 3:25 ပူးပေါင်းရင်းမြစ်များ

MAZMUR 106:6

Niyai kep nidigup bat-nidigai bat nya igyai kepti ba, nibon sisar. Nyeni nisibut ba, nitunggwei sut ahyet cem tu.

MAZMUR 106:7

Nidigup bat-nidigai bat nya di ibong ei minu Mesir ingon kiowi niti. Ingon gidor niti tut Ade midyai mindur nya bi. Ingon prion ser angon ngakeisi di nindig bibor ba, yaham imbuk kep Na di Allah Di Anyeng Jei tirigi yuug krau Muk Lipig.

MAZMUR 109:29

Nna ba siceu nya inyeng di kinei kieng kep yok ba, nimmai nggai kep yok noyam kin sinsun ndok di jei di nijeisi pek imig ggom di nggai yok.

NIPINGOK NINGONTI 13:18

No di ningon mpo tut ningginausi ne no di ningon mbum rin ba, tungwatu nya ingwes pri gau noni cem. Tungwatu nya minggei sut no di miap kep nisok kep noti.

NIPINGOK NINGONTI 5:13

Sidat kep ser sitingou leu ba, simiap side guru nya ighyet bi lene sikiek soho ter leu yok cem.

YESAYA 48:8

Dikan tut bipia bit bon hi ba ningon com je bi. Lewo habiei ei nimbie him yahagom ikan tut bipia jinok yo di itunggwei sut yam hyet. Gima rino jigikan tut bi a. Nihyet ninnir ndia gom cem gitibim ei jitingou nsi bi sren.

YESAYA 50:11

Je di jaham jimbuk kep nindigsi nya e, jingon kanti di jitin ei su mibindei sar jenti hanyen. tuhan Nonti ribindei di mun dima cut igkep je ba, mijitug ndei ninghuisi wei di buhun bibor.

YEREMIA 11:13

Timiei Yehuda nya ide nung mang bibor ba, nimangti dem igbit ide minu ndig nimangti. Timiei minu ndig Yerusalem nya iwin ide nimbar hum dokti ba, nimangti dem puig di mbut ei minu ndig Yerusalem nimangti ba, ibikuk yok bak Kwar Baal tug hon midut nindig mindhe titut kep humti.

YEREMIA 12:13

Ditde limwa nya indim gandum ngan ei miaisi leu api ipi bikos gandum ningat kwei noro ikos mintu-minta he kwei. Icom yahanggwap noro ingat ningat hi bi. Ditde nigga biborti bindei ba, ide gandum ngat ningat hi bi.”

YEREMIA 14:20

tuhan e, nibon sisar tut Nani tu. Gima rino nipai jit nyende sisar kin nidigup bat-digai bat nya cem ide sisar.

YEREMIA 14:7

Ditde limwa nya yahara Da bipai ‘tuhan e, mbro nok gino nyeni ningon hukti tut nyende sisar lo, ma ampu nye bit leu nok apreu ei mem nye tu. Niba ninghim bak Nani mbirimang ba, nibon sisar tut Nani cem tu.

YEREMIA 2:17

Jenti jibindei ba, mun dini yok hagom cut igkep je. Jikes Da di tuhan di dinok jide Allah ei ba, jiba jinghim bak Dani tirigi dinyohou bie tut je kak jimbutti ei pui sinon.

YEREMIA 2:19

Jide sisar mibindei ba, hukum cut igkep je. Jitug ndei nihwen bit jeti drek dip gi jikou sut Da di dinok jide Allah. Nogindini jitug ndei niwei kin nidut drek dip gi jiba jinghim bak Dani bijikon dinyeng bi. Da di tuhan dinok jide Allah Di Ninyeng Jei Bibor ba, Disindem Bibor cem disimbot dat tu.”

YEREMIA 2:2

leu binhyepo duug tri tut nihyet dini bak timiei minu ndig Yerusalem yahagom. “Je di mben Israel e, dikan kep nijam di jinok sop wak cam di ningon gom. Mpe dino sindi siwak yam ne angon ngakei Da nindig bibor. Mpe dima lene abit Da kak puig di bie ug ei iggum ndigsi di bon beisi kin njita hi bi.

YEREMIA 2:26

tuhan pai “Bit leu nok no di nggimang igkei mmai sut nonti tirigi yo di igya ser nya ikat noni nok gima cem mben Israel bitut nibou ndig nya kin yo di igya kui yok kin imam nya kin nabi nya yahagom mimmai sut yonti.

YEREMIA 20:18

Nggon rino dipmem srek tut da i? Srek tut da leu binhyepo dinghuisi wei bidingon buhun bibor e? Leu binhyepo dimmai sut danti mem nijam di diduhug-duhug nyen e?

YEREMIA 22:21

Dimbrap bit je mpe di jibong kei jigwam kei yo pima noro jigimiap kep dihyet bi. Ningat ne jiyai munti nok gima ei nipou pima kikau kwei bipek ammani kep. Jigibit dihyet kan bi sren.

YEREMIA 3:13

Ma jipai jit bipia jitunggwei ba, jihwen bit jide tuhan Allah tu. Ma jipai jit bipia jikiber jide ningon ngakeisi ei nung di ngkiai nya ikuk yok bak nya cem ei bikwop biei ndig di nimeng nggrou nibehei nya cem ba, jibit Ditde nicuk jeti nya bu bi cem tu. Da di tuhan disimbot dat tu.”

YEREMIA 31:19

Niba ninghim bak Nani noro jei bi ne nittin ser sisar dima. Niabiati akes hukum ei nyeni dip leu su lene nindun bou lewo ningon buhun bibor. Nimmai sut nyenti ba, nisuwok cem drek dip sisar di nibon ei nipilei.’

YEREMIA 6:26

tuhan pai bak Nide limwa nya “Ma jijuk sinsun kron ba, jirim-bijibong ei atriemti. Ma jingon ngguk bibor bijiyai nggwei kibor dem kep nok yo di ingon ngguk tut munggwom di nimig gom ngat di mai su. Lewo nibou pran di kon pran bit je mikwei kros bibindei sar je bijingwig.”

YEREMIA 7:19

Noro ibindei ba, dingon buhun bi. Ibindei ba, yonti ingon buhun apino ibimmai sut yonti.

YEREMIA 8:14

Allah de limwa nya ihig yam “Nggon rino igwam hak ba, immou kep yam he i? Jikwei ba, yahagom ipri ug ei minu ndig di bon tentara nibousi di igya coi nya leu api nnaba yahagom imai ei sirima. Ide tuhan Allah kos tut bipia suar isar. Noni yai krisieu ngei binye mem gima idut lewo ibon sisar tut Noni tu.

YEREMIA 9:18

Lene timiei Yehuda nya ipai “Acuk yok leu binhyepo ibipbur bikwei pim ba, ibikiek nimai mem nahagom bibindei ba, niyai nggwei kibor bisilipti ningyoi nya.”

NIBWOS-BWOS NYENTI 5:16

Mun di bindei ninggap leusi jo bu bi ba, mun di buhun cut igkep nye lewo nibon sisar tu o!

NIBWOS-BWOS NYENTI 5:7

Nidigup bat-nidigai bat nya ibon sisar bimai leu nye nipou su noro tini bu ne suar nyeni nitug ndei ninghuisi wei drek dip ide sisar di ibon nya o!

YEHEZKIEL 2:3

“Na di tungwatu di ayaijo kikau bi e, dipinak na ndam mben Israel lewo yaham imbuk kep Da noyam kin idigup bat-idigai bat nya di yaham imbuk kep Da nipou su.

YEHEZKIEL 36:32

Je di mben Israel e, ma jiyok ngon kep bipia jenti rino jibindei di dibon mun dini yok hagom bi. Suar jimmai sut jenti ba, jiba jingon bisrip huk jenti nok nikinei-kinau nya drek dip jiyai munti nya. Da di tuhan Di Dinyeng Jei Bibor disimbot dat tu.’ ”

YEHEZKIEL 44:13

Ma igyai midyai nok imam mem Dani ba, ingget Ditde mun di kwes-kwau cem icoi ug ei Mpia Di Kwes-Kwau cem au. Gima ne hukum di dikes ei yok dip drek dip ide nibon munti di bindei bidiyai ttin ser nya pima ri.

YEHEZKIEL 7:18

Yoni mijuk sinsun kron ba, idigit-digoi. Ikak ibou nta apino hiter ingwes pri gau yok drek dip ide nimmaisi.

DANIEL 12:2

Imang bibor di imai nipou su nya igyai niyaijo hanyen bu ba, bihi itug ndei niyaijo kikau lo, hiter bu itug ndei nimmai sut yonti bijo ninno bijo kikau.

HOSEA 9:10

tuhan pai “Nimbie him ngat di dittau kep mben Israel ne dingon nggei-hi-nggei bidem kep no di ttau kep ba anggur nghousi ei iggum ndigsi. Nimbie him ngat di dingat jidigup bat-jidigai bat nya ne dingon kei bidem kep no di ngat biei ara ningat gi nimbie him ngat. Noro mpe di yoni yuug krau Nungug Peor ne ikinyon ei nikuk no bak kwar Baalti. Apino map di kui kwar di ingon ngakei dimati kui yokti bu.

ZEFANYA 1:17

tuhan pai “Midikes mun di buhun mang bibor ei tungwatu nya dip lene gima bindei ba, itibap-tibap nyen noyam kin yo di igyai tu. Ibon sisar tut Da apino nogindini inggrom siber bidem minyei di biam ba, nimbiam ngut mpiei ei dihyei njek dip.”

ROMA 6:21

Mpe dima lene jitug ndei mindei leu jiyai munti di jimmai sut nogindini nya i? Jiyai munti dima yok hagom bindei nimai!

NIJAM NIKEI NYA 2:2

Gima rino ma jeni kin timiei nya ei minu dini jipreu sut mun biyam au. Ma jinggek ide nimbar hum dok nya hagom bingwig. Dipai nok noro jiyai mun bit leu nok dicuk jeti pima bi. Lewo ningat lene jinyohou ide nimbar hum dok nya nok gi kei tu.