YEREMIA 3:23 - ALLAH NIHYET MEM TUNGWATU NYA

²³ Gi ninduk yam ug ei nungug dip nya binikuk nye bak kwar nya ne mikui-kausi he. Nyende tuhan Allah Nongkom mimpu nye di mben Israel.

YEREMIA 3:23 ပူးပေါင်းရင်းမြစ်များ

MAZMUR 3:8

Ditde tuhan Allah e, ateu da bidinggwes ngun. Akes hukum ei ditde siceu di iba nitok bida nya dip lene abindei ba, yahagom imig lit cem.

MAZMUR 62:7

Nongkom he rino nyohou da biteu da ba, dingwes ngun. Noni ne tentara nibousi di diya coi ri. Gima rino midicut bi sren.

NIPINGOK NINGONTI 21:31

Mbro nok gino kuda pran nya hagom dem mem gima tentara di ibri nya ibikon pran lo, tuhan Nongkom bindei ba, ibindei timek ide siceu nya.

YESAYA 10:20

Njap ngon bou midem leu api mben Israel niken-ken di ingwes ngun nya iba ingon com mben ngkiai di inyeng jei di mbigom mibindei sar yok ningwig bu bi. Noro iba ingon com tuhan di mben Israel ide Allah di kwes-kwau a.

YESAYA 12:2

Ningat ne Allah ne No di teu da di dingwes ngun rin ba, diba dingon com Noni. Digittin bi lewo Noni sindem tut da. No di teu da di dingwes ngun rino Allah ba. Midipai doia bak.

YESAYA 43:11

Dangkom ngat he rino tuhan. Bit bon hiter teu je bijingwes ngun kan bi noro Dangkom he.

YESAYA 44:9

Neheu kep kwar cig nya yahagom ikinei-kinau ba, ide kwar di inggei sut nya hagom mikui-kausi he. Yo di ikuk yo bak kwar dima yahagom igyai tu ba, ingon mbum apino mimmai sut yonti.

YESAYA 45:15

Allah di teu mben Israel bingwes ngun ne Allah di ku No nding leu tungwatu nya igyai him ri.

YESAYA 45:17

Noro tuhan miteu je di mben Israel ba, jingwes ngun bijo ninno bijo kikau. Mijimmai sut jenti ba, hi dima nim kep je bi sren bijo ninno bijo kikau.’ ”

YESAYA 45:20

tuhan pai “Je di timiei ngkiai nya di jingwes ngun e, ma jinduk yam kwei! Yo di ittei yam kui-juk nyen tut ide kwar nya bingat nadi bak ide kwar di bit bon teu yok bingwes ngun kan bi yahagom ingon mbum bibor.

YESAYA 63:1

“Tou rikwei leu minu ndig Bozra ei minu Edom i? Noni juk sinsun ngwoi di sieng kei bimbut sindem ba, mimbri kui ningkek bibor.” Da di dikwei dini ne tuhan rin ba, disindem mem gima diteu tungwatu nya bingwes ngun ba, dikwei tri tut nihyet nibindei timek siceusi nya.

YESAYA 63:16

Nani ne nyeni nicig ri. Nyende pung di nintun him di Abraham Yakub nya ikan tut nye bi. Noro Na di tuhan e, anok nyeni nicig ba, ateu nye biningwes ngun habiei ei nimbie him kikau kwei bipek ammani kep.

YEREMIA 14:8

Nye di mben Israel niyok ningon mem Nangkom. Nangkom rino ateu nye ba, ningwes ngun leu mun di buhun bibor. Nggon rino abon Nanti nok ngkiai ei nyende minu dini i? Nggon rino anok no di mbut binggi minu ba, kwei bong bit nye mem mmun gom ngat he i?

YEREMIA 17:14

tuhan e, ma angget da leu binhyepo dikei hanyen. Ateu da bidingwes ngun. Dikon Nangkom he anyeng bijo nai!

YEREMIA 17:2

Limwa jide nya ikuk yok bak nimbar hum dok kin cou dihim nya di itas mem gima ibikuk yok bak Kwar Sop Asyera cem. Mun dima jo bidem biei di nimeng nggrou nibehei hagom kin mbigdip ninggram him hagom,

YEREMIA 3:6

Mpe di Nibou Ndig Yosia ninyeng tak kep limwa nya lene tuhan pai bida “Angat mun di mben Israel di inok sop di ningon gom bi dima ibon tu e? Ikes Dani ei leu ba, icut ei sisar nicut tut yamti bikwop mbigdip di anai kin bikwop biei ndig di nimeng nggrou nibehei cem hagom.

YEREMIA 31:7

tuhan pai “Ma jiba doia bikiek Ditde limwa mben Israel lewo inyeng jei bibor njiriek ngkiai nya yahagom. Ma jiba doia binggei sut tuhan bijitri tut bipia Noni teu Nide limwa nindigsi nya bingwes ngun tu.

YEHEZKIEL 20:28

Mpe dino dibuwak yok kwei ei minu di dipreu ei mem yok dini leu api ingat mbigdip di anai nya kin biei di nimeng nggrou nya lene ibon midut nindig mindhe-ndhe ei nimbar hum dokti mem ide kwar di ikuk yok bak ei mpia dima yok. Ibindei ba, digga yok drek dip ide midut dima yok kin anggur di ikwas tut kwar nya di ikuk yok bak.

HOSEA 1:7

Noro dingondut mben Yehuda kikau. Da di tuhan dinok ide Allah. Tirigi ikon pran bit ide siceu nya lene miditeu yok bingwes ngun leu yok lo, tug hon simeda kin tibor kin kuda pran kin tentara di ibri kuda nya bi.”

YOHANES 4:22

Je di mben Samaria jikan igbit tut mun di jikuk je bak bi. Noro nye di mben Yahudi nikan igbit tut No di nikuk nye bak. Lewo niyai niteu leu sisarti kin niyaijo nijep tug hon mben Yahudi.