YEREMIA 3:22 - ALLAH NIHYET MEM TUNGWATU NYA

²² Je di jiba jinghim bak tuhan jahagom e, ma jingkwei hanyen ndam Noni! Noni mibindei ba, jikei hanyen bijingon gom tut Noni. Leu api jipai “I, nogindini nikwei ndam tuhan lewo Noni ne nyende Allah ri.

YEREMIA 3:22 ပူးပေါင်းရင်းမြစ်များ

DIUN MIMUN 1:4

Ditde nibou ndig e, sibrim simig haninyai. Abuwak da ug ei ade ninsi di abong a. Abindei ba, nahagom ningon nggei-hi-nggei ba, nikon ade ningon ngakeisi ei nai dor njiriek ba anggur ngei. Dem mem gima sop gwam nitta pilei nya ingon ngakei na o!

YESAYA 1:2

Mpia-bbed him e, ma amiap mun di tibim ei duhui him. Dihyeisi dini e, ma angig atingou mem dihyet. tuhan pai Dimunggwom bat di dinyohou yok yaham imbuk kep Da.

YESAYA 27:8

tuhan kes hukum ei Nide limwa nya dip tug hon gi com yok ug ei ingkiaisi. Noni ba hou sibut di cut kwei leu mpia nipriti bijji yoni.

YESAYA 31:6

tuhan pai “Je di mben Israel e, jaham jimbuk kep Da bijibon sisar tut Da tu. Noro ma jingkwei hanyen ndam Da nogindini hak ug!

YESAYA 57:17

Ide sisar nidrui bou ngwakti ribindei dino digga yok a. Gima rino dikes hukum ei yok dip leu api dibikes yok ei cem. Noro ingkek ndok ba, imbus ide puig bit leu yonti ingon kanti.

YEREMIA 3:12

tuhan cuk da ba, suar duug pai bak mben Israel “Je di mben Israel di jingon gom tut Da bi e, ma jingkwei hanyen ndam Da. Dingondut je nindig bibor ba, midigga je kikau bi.

YEREMIA 30:17

Mbro nok gino jide siceu nya isimbot dat ‘tuhan com mben Sion tu leu api hi dima nyohou yok bu bi.’ ‘Lo, midibindei ba, jinghuisi kwes bidiba obat bidip jibokti nya hanyen.’ ”

YEREMIA 31:18

Dimiap Ditde limwa mben Israel tirigi iba ingon di buhun hara Da ‘tuhan e, nyeni ninoyam kin mindhe di hi pijuk bigyo noro apingok nyeni ningonti ba, nibit ahyet tu. Nogindini nitin ei mem ningkwei hanyen ndam Na. Gima rino nyende tuhan Allah e, ma aya um nye.

YEREMIA 33:6

Noro ei nidipti bu lene dibindei minu ndig dini kin timiei nya bikei hanyen nok gi nipou pima bu. Yoni migyai nisindemti hanyen bu. Midibindei ba, nibong kei nigwam keisi kin ningon jo nyahanti kieng kep idihyei hanyen.

YEREMIA 4:1

tuhan pai “Ditde mben Israel jen, gino jijoi sut jingkwei hanyen lene ma jingkwei hanyen ndam Da. Ma jicom kwar di dingon mpo tut nya nipou ug e. Leu api jiba jingon gom bibit Da.

YEHEZKIEL 18:30

tuhan Di Ninyeng Jei Bibor pai “He je di mben Israel e, midibuhup hanyen bije tut jiyai munti nya noyam kin nikei di ningon sren. Ma jittin ser jide sisar lene ma jisindui sut ba, jide sisar hwen je bijitimek bijingwig au.

YEHEZKIEL 33:11

Ma apai biyok bipia deheng bitug hon Danti di tuhan Di Dinyeng Jei Bibor cem Allah di niyaijo cem dinyeng bipia dingon kei drek dip no di mbuk nitug midutti bi. Noro dijoi sut gino noni ttin ser nide sisar leu binhyepo hek tut niyaisi. Je di mben Israel e, ma jimbres jenti leu sisar hagom. Nggon rino jingon llei sut gi jitug ndei nimai i?

HOSEA 13:4

tuhan pai “Dani ne tuhan bidinok jide Allah rin ba, dibuwak je kwei leu minu Mesir. Dangkom he rino jide Allah lene hi ter hi bi. Dangkom he rino diteu je bijingwes ngun.

HOSEA 14:1

Midikes hukum ei mben Samaria dip drek dip gi ikiek imig jou tut Da. Timiei minu dima ikon pran noro mitug ndei nimai. Ide siceu nye minjei ningwoi-ngwoi nya hagom ug ei pimbien behei bimai leu lene iriu sop di inghop tu nya yahagom ba, inghop tigwau bitau ug.”

HOSEA 14:4

Bit bon tentara Asyur iteu nye biningwes ngun kan bi. Bit bon kuda pran cem mpu nye kan bi. Nipai bak kwar di nibon bou ninda him nya bipia inok nyende Allah rin bu bi sren. Na di tuhan e, angondut yo dino tungwatu hiter impu yok bi nya.”

HOSEA 14:5

tuhan pai “Midinduk Ditde limwa di israwir tu nya hanyen kwei ndam Da leu api midiba dingon titut yam bingondut yok. Dingon misibui sut yok bu bi.

HOSEA 14:8

Yoni mikwei hanyen ndam Da bigwam coi Da. Yoni midigek kep mpia haninyai dem kep nok trem di hei ei ninnumti kin miai ba anggur. Tungwatu nya mikon inyeng noyam kin gi ikon ba anggur ngei Libanon ninyenga.

HOSEA 3:5

Noro nijam di mben Israel ingkwei hanyen ndam tuhan di nok ide Allah kin ide nibou ndig di ntun Daud him cem mitau kep yok ei nidipti bu. Mpe dima lene yoni mittin tut tuhan bikuk yok biNoni leu api Noni minjei munkwas di kei bibor kei tut yok.

YOEL 2:12

tuhan pai “Nogindini ma jiba jingon titut yam bingkwei hanyen ndam Da. Ma jisindui njita mem nituti poi bijingon ngguk tut jide sisar ba, jiyai nggwei kibor cem.

ZAKHARIA 13:9

Timiei minu dini nittou nsi gom he rima ingwes ngun ug a. Ba, midibindei kwes yo dima noyam kin mas kin perak di iba hum bikwen di pimbai. Lene yoni ingat nadi biDa bidibuhup ighyet. Midipai biyok bipia yoni ne Ditde limwa nya rin ba yoni cem mipai jit bipia Dani ne ide tuhan Allah ri.”