YEREMIA 3:21 - ALLAH NIHYET MEM TUNGWATU NYA

²¹ Tungwatu nya imiap nihyet hwen yamti kin nihyet kui yamti ei nungug dip nya. Nihyet dima ne limwa mben Israel ighyet di ipim ba, yahara ser ri. Lewo yoni ibon sisar ba, ibbwe ser ide tuhan Allah tu.

YEREMIA 3:21 ပူးပေါင်းရင်းမြစ်များ

AYUB 33:27

No dima mipai ei yo di yahagom yoho bei ‘Dikan bigya gi kinei ne gi kei rin apino ditde sisar nindig. Mbro nok gima lo, Allah kes hukum ei da dip bi.’

NIPINGOK NINGONTI 10:9

Yo di ingon gom nya ingwes ngun noro tuhan ngat igbit no diris mun.

NIPINGOK NINGONTI 19:3

Ibou poi iba ningkek ndokti bimangkrei yonti igyaisi leu api injei kep tuhan.

YESAYA 15:2

Timiei minu ndig Dibon nya ikui ug ei mbigdip mem gima ipim ei mpia di ikuk yok bak kwar nya eisi a. Timiei minu Moab iba ingon di ngguk bipim nggruet tut minu ndig Nebo kin Medeba. Ikak ibou nta kin yuhui nta leu nok bindo tut gi yuum ningon nggukti.

YESAYA 17:10

Na di minu Israel e, abbwe ser Allah di teu na di angwes ngun kin Allah di noyam kin nungug tig di ngkiem kei di nyohou na tu. Ata njita ei miaisi di apigig ser mem gima akuk na bak kwar ngkiai nya ide cem tu.

YESAYA 57:11

tuhan pai “Kwar di jikuk je bak dima yok di ibindei di jittin tut yok ritou nya i? Ibindei di jiris mun biDa ba, jigiyok ngon kep Da bi. Apo gi jikuk je biDa bu bi dini drek dip gi digwam nyahan ninno tu dini rin e?

YEREMIA 12:12

Siceu nya di ikwei leu nungug him ibikwam ug ei iggum ndigsi mem gima ipos ndigban. Dibindei ba, pran cut lene diba pran dima binggek minu titut yam. Apino tungwa hi dima bong kei gwam kei bu bi.

YEREMIA 13:25

Gima ne mun di micut igkep je bit leu nok dikos tut eisi tu ri. Lewo jingon prion ser Da ba, jiba jingon com nung nya tu.

YEREMIA 18:15

Noro Ditde limwa nya ingon prion ser Da leu api indig biei nggrai di ui-gwang kei bak kwar nya. Ikinoi kak puig timiei di suar imbut kak nya lene ite leu puig timiei nya ba, israwir kak puig di hi dime kep bisur yam bigyo cem tu.

YEREMIA 2:32

Bon sop gwam nitta pilei ningon prion ser nide mas di noni bimau nonti e? Bon sop wak cam ningon prion ser sinsun di noni juk mem pesta niwak yamti e? Noro jingon prion ser Da ninno tu. Bit bon dikwop nijam dima nijeisi kan bi.

YEREMIA 3:2

Jikon jibou bijimian kui ug ei mbigdip ninggram him nya! Ba, jingat mpia di tou rino juug ei di jicut ei sisar nikrar kep yamti bigyo i? Jiyai munti dima dem kep mben Arab ei iggum ndigsi. Jigwam sir puig ninghas bijimem kep ser no di kwei yem njita tut sop di nikrar jut. Jibindei ba, map kui minu dini tug hon jide nicut ei sisar niyem njita tut sop hiterti kin jide nibon mun di kinei biborti cem.

YEREMIA 31:9

Igyai nggwei kibor kak puig sinon. Midiwin kep ingonti ba, dibuwak yok kwei cem. Midibie tut yok ug ei mpia di bon minyei nggram nya mang bibor bimbut kak puig di sur yam kei di ikinoi kan bi. Dibon Danti bidinok mben Israel icig ba, Efraim ne dipmot mighumbou ri.”

YEREMIA 7:29

tuhan pai “Je di timiei minu ndig Yerusalem e, ma jingon ngguk bibor! Ma jikak jibou nta bijicom! Ma jipim bijibikiek nimai nya ei mbigdip nya lewo Da di tuhan dingon sibui sut je ba, dikou sut jahagom.

YEHEZKIEL 23:35

tuhan Di Ninyeng Jei Bibor pai “Suar abiang ade nikrar kepti kin ade nicut tut pinai nyati nibuhunti lewo abbwe ser Da ba, aba anghim biDa cem.”

YEHEZKIEL 7:16

Bihi mingwes ngun binang ug ei nungug him. Yoni mingat rin ei nungug him bidem kep hakimoi nya di tungwatu yuhuk yok leu mbang briep nya. Yahagom milua drek dip ide sisar.

HOSEA 13:6

Noro tirigi jicoi ug ei minu di nnum kei bijiyem njita bidem njita nyeng hagom bijibong kei jigwam kei bijei bi lene jingon jei ba, jingon prion ser Da cem.

HOSEA 8:14

Mben Israel inda jo kep nibou ndig de ig nya biwin. Noro ibbwe ser No Di Pai Tes yok. Mben Yehuda ibindei ba, tentara nibousi di igya coi nya jo bidem ide minu ndig nya. Noro midikes hum biyem ide nibou ndig de ig nya kin ide minu ndig nya bitimek bingwig.”

MIKHA 3:9

Je di nibou mben Israel di jingon mpo tut nisren-srausi bijikiek nijit-jausi binok mun di nitrowai cem e, ma jimiap kep dihyet!

MBEN ISRAEL IMBUT-MBUT NYEN 22:32

Lene malaikati dima hig ser noni “Nggon rino abui ade keledai mbiningai su i? Diya ser puig ba, dibigen ser na lewo dikan tut bipia ambutti dini njiriek tuhan ningon kanti.

KORINTUS GI NICAN 7:10

Lewo ningon buhunti di bit leu Allah ningon kanti bie tut nye ug ei ningon nggekti ba, ningon nggekti buwak nye ug ei nittin ser sisarti kin niyai niyaijo nijepti di kwei leu Allah ba, tungwatu nya inso tut gima bi. Noro ningon buhunti di ntun tungwatu dihyeisi dini ingon kanti him bie ndam nimai.