YEREMIA 3:2 - ALLAH NIHYET MEM TUNGWATU NYA

² Jikon jibou bijimian kui ug ei mbigdip ninggram him nya! Ba, jingat mpia di tou rino juug ei di jicut ei sisar nikrar kep yamti bigyo i? Jiyai munti dima dem kep mben Arab ei iggum ndigsi. Jigwam sir puig ninghas bijimem kep ser no di kwei yem njita tut sop di nikrar jut. Jibindei ba, map kui minu dini tug hon jide nicut ei sisar niyem njita tut sop hiterti kin jide nibon mun di kinei biborti cem.

YEREMIA 3:2 ပူးပေါင်းရင်းမြစ်များ

NITRITI 38:14

Jei bi lene Tamar ku mahan leu lene juk sinsun di kei-kau lene ba sinsun nghas binggai kep ser niimaisi. Lene noni mbut ug ei Enaim bigwam nyahan ei biyati kui dimbou hui ei minu ndig dima di jo puig sinon ug ei Timna. Tamar kan mungkun tut nisen Syela di mahan tu noro Yehuda kwei buwak Tamar bak noni nok nitnem bigyo.

NIBOU NDIG NYA GI NIGOM 11:3

Noni wak nibou ndig mben ngkiai ipmisop bat nya ibou sratus muhwindacan ba, bon nitnem ndrim nya ibou sratus ningai cem. Leu api nitnem bat dima yok rino ibindei di Salomo ba ninghim bak Allah,

NIBOU NDIG NYA GI NICAN 23:13

Noni bindei ba, map kui nimbar hum dok di Salomo bon dideu minu ndig Yerusalem bei mpia nipriti dideu Nungug Zaitun bei mpia nibiho cem. Salomo pigig ser nimbar hum dok dini ei mem mben Sidon ide kwar Asytoret kin mben Moab ide kwar Kamos kin mben Amon ide kwar Milkom noro hagom bindei ba, tungwatu nya igyai ngkek ttin.

MAZMUR 106:38

Isiber imunggwom bat nya di ibon mun tunggwei bi nya inggrom bindig yok kep hum ei nimbar hum dokti bak kwar nya. Igyaisi dima ribindei di map kui minu dimati a.

NIPINGOK NINGONTI 23:28

Yoni icem kep puig ser akweisi nok ninggimang kep mun cig nya lene gima bindei ba, pinai nya imang bibor icut tut yok.

NIPINGOK NINGONTI 7:11

Noni ne sop di ningkek ndok di brim ningkek kep pinai igkei cem ba, bit bon niyaisi mmai kan bi.

YEREMIA 12:12

Siceu nya di ikwei leu nungug him ibikwam ug ei iggum ndigsi mem gima ipos ndigban. Dibindei ba, pran cut lene diba pran dima binggek minu titut yam. Apino tungwa hi dima bong kei gwam kei bu bi.

YEREMIA 2:20

tuhan Di Ninyeng Jei Bibor pai “Je di mben Israel e, jikou sut gi jinok Ditde limwa nya. Jibit dihyet bijikuk je biDa cem bi ninno tu. Noro jikuk je bak kwar di ninyeng kwar Ningat Ntun Himti bidem mbigdip nya kin biei ndig di nggrou kei nibehei nya hagom.

YEREMIA 2:23

Jiba jingon di jei pai sut jenti bipia nirom kui je bijikuk je bak Baal bi sren! Ma jiyok jiyai kep midut nya di jibon ei Mbang Briep Hinom ug e. Jikan kep jide sisar leu api ma jipai jit hak ug! Jinok unta niwek di nibou buwei di nang-nang nyen di bit bon hi kat bi.

YEREMIA 2:7

Dibuwak yok kwei ei minu di bon ninnumti leu api igyem njita beisi nya nindig bibor ba, ibong kei igwam kei. Noro ibindei ba, map kui Ditde minu dima ba, ibimangkrei hanjop nsi di dipek mem yok.

YEREMIA 3:1

tuhan pai “Gino nijjep kou nitnem bikes ei leu api hiter wak nok nitnem bu lene ma nijjep timiei pima kwei yai hanyen nok nitnem au. Lewo mun dima mibindei ba, map kui minu dini. Noro je di mben Israel jiyem njita tut sop hiter imang bibor tu. Leu api tini bu ne jijoi sut jingkwei hanyen ndam Da bu e?

YEREMIA 3:13

Ma jipai jit bipia jitunggwei ba, jihwen bit jide tuhan Allah tu. Ma jipai jit bipia jikiber jide ningon ngakeisi ei nung di ngkiai nya ikuk yok bak nya cem ei bikwop biei ndig di nimeng nggrou nibehei nya cem ba, jibit Ditde nicuk jeti nya bu bi cem tu. Da di tuhan disimbot dat tu.”

YEREMIA 3:21

Tungwatu nya imiap nihyet hwen yamti kin nihyet kui yamti ei nungug dip nya. Nihyet dima ne limwa mben Israel ighyet di ipim ba, yahara ser ri. Lewo yoni ibon sisar ba, ibbwe ser ide tuhan Allah tu.

YEREMIA 3:9

Gi mbun immai sut yonti cem kan bi. Ibindei ba, map kui ide minu drek dip ide sisar nikuk no bak tig kin biei nya.

YEREMIA 7:29

tuhan pai “Je di timiei minu ndig Yerusalem e, ma jingon ngguk bibor! Ma jikak jibou nta bijicom! Ma jipim bijibikiek nimai nya ei mbigdip nya lewo Da di tuhan dingon sibui sut je ba, dikou sut jahagom.

YEHEZKIEL 16:16

Aba ade sinsun bihi bimau mpia di akuk na bak kwar nya eisi. Anok sop sundal di yai nonti bak pinai nya yahagom leu binhyepo cut tut yok.

YEHEZKIEL 20:28

Mpe dino dibuwak yok kwei ei minu di dipreu ei mem yok dini leu api ingat mbigdip di anai nya kin biei di nimeng nggrou nya lene ibon midut nindig mindhe-ndhe ei nimbar hum dokti mem ide kwar di ikuk yok bak ei mpia dima yok. Ibindei ba, digga yok drek dip ide midut dima yok kin anggur di ikwas tut kwar nya di ikuk yok bak.

HOSEA 2:5

Jipmem ne sop di nikrar jut di kan nimmaisi bi ri. Noni pai ‘Suug ngat pinai di icut tut sa nya leu binhyepo siyem njita ba, sidut ndia ngei bit yok. Leu api yoni migyai minyahas wol kin linen kin mini zaitun kin ba anggur ngei bisa.’

LUKAS 16:23

Noni tug ndei ninghuisi wei nindig bibor ei yo di imai nya ikieti leu api kon nibou bicap ser bingat lo, Abraham gwam minu ting bibor ba, Lazarus gwam simiak noni.

NINDAT KEP TUHAN NICUKTI NYA 12:2

Tirigi jikieng kep minu jep dima lene suar jicok tut mpia ttou nsi di ngkiai dima yok ikuk yok bak ide nung nya eisi bitut gi hi di jo ei mbigdip nya kin nungug tou nya kin biei di nimeng nggrou ninghousi hagom.