YEREMIA 3:17 - ALLAH NIHYET MEM TUNGWATU NYA

¹⁷ Mpe dima lene tungwatu nya mindat minu ndig Yerusalem ninyeng ‘tuhan De Banggo Mbrei.’ Ngkiai nya yahagom minduk yam ei minu ndig dima mem gima ikuk yok biDa. Yoni mibit yonti ingon kanti di mbum ba, kinei dima bu bi.

YEREMIA 3:17 ပူးပေါင်းရင်းမြစ်များ

NITRITI 8:21

Lene mikwau di noni ndig dima ngge kei bipwoi tuhan ningon leu api tuhan kan “Midimbriom dihyei drek dip tungwatu nya igyai munti nya bu bi sren. Dikan tut bipia tungwatu nya ikan-kan nyenti kinei bibor habiei ipilei kwei su. Midicok tut mun di ninnei tau nuhwap nsi nya bit leu nok gi po dicok tut yok pima bu bi sren.

NIBOU NDIG NYA GI NIGOM 8:41

Tirigi ngkiai gom di bong minu ting bibor miap tut anyeng di jei,

MAZMUR 102:23

ei mpe dino ngkiai nya kin ninyeng tak kep limwati nya midem yam ei mem gima ikuk yok bak tuhan.

MAZMUR 78:8

Leu binhyepo yoni midat idigup bat-idigai bat nya dino yaham imbuk kep Allah leu api igibit Nide nicukti nya bi dimati bi. Ndigpoi nipou dima iba ingon comti ngkiem ba, ingon gom tut Allah cem bi.

MAZMUR 87:3

Je di jibong ei minu ndig Yerusalem e, ma jingig jitingou mem Allah nihyet di bibon ninggap leusi tirigi Noni tri tut jide minu bipai,

YESAYA 26:8

Nibit Na di tuhan Ade nikos tutti nya ba, niyok ningon mem Na. Nani ne No di nikon ninyeng kin No di nijoi sut ri.

YESAYA 56:6

tuhan pai bak ngkiai nya di icoi bit tuhan de limwa nya imangti kin yo di ingon ngakei tuhan kin yo di ikuk yok biNoni kin yo di ikrau kep Njap Nigwam Kep Ninghuisi kin yo di iba ingon gom bikrau kep Nide gi preu ei mem yokti cem,

YESAYA 59:19

Nide nisindemti kin ninyeng jei biborti mibindei ba, yo di ibong nite bei mpia nipriti kikau ug ei nite bei mpia nicutti yahagom mittin tut Noni. Noni misu kep yok nok minyei di ningwa sindem bibor di kui mpia tug hon hou di nimig ten bibor.

YESAYA 6:1

Ari bingwam di Nibou Ndig Uzia mai eisi ne dingat-hi-ngat bidingat tuhan. Noni gwam ei Nide banggo mbrei di jo nai ba, kei-kau-kei. Nide sinsun ninda jei nggai kep tuhan De Ig ninsi titut yam.

YESAYA 66:1

tuhan pai “Gwamti lene bilen mem digwati ba, dihyeisi lene bilen mem dimig ri. Bon jingot ig di nok mindei mem Da i? Nghim nsi mem dibong nyahan eisi rigitou i?

YESAYA 66:18

Dikan tut ide nikan-kan nyenti kin ide nibon munti nya. Midikwei bidinduk tungwatu nya leu ngkiai nya di ibong bidem dihyeisi dini hagom ba, ibicom yam. Tirigi idem yam ei su ne yoni mingat Ditde nisindemti bou igyai him,

YESAYA 66:20

Yoni mibuwak jisut bat di jide mben nya yahagom hanyen leu minu dima yok kwei nok mun di kei di injei biDa. Yoni miba kuda kin keledai kin unta kin kroba pran kin kroba nitu di kuda kri bibuwak yo dima kwei ei Ditde nungug di kwes-kwau ei minu ndig Yerusalem. Igyaisi dima noyam kin mben Israel igyai kepti di iba bokor di nirom kuisi bi bittei gandum di ikwas tut Da kwei ei Ditde Ig ri.

YEREMIA 11:8

Disok kep yok leu binhyepo ibit gi preu dima. Noro igimiap kep ba, igibit kep dihyet bi. Noro ingkek ndok bijo kikau ba, isibutti jo kikau noyam kin gi nipou nya. Gima rino dikes hukum hagom di jo ei gi preu dimati ei yoni dip ug a.”

YEREMIA 12:15

Noro tirigi dibindei hei yok lene midingondut yok hanyen bu. Midibuwak bikwop ngkiai nya yahagom ba, midikes yok ei itimieisi hanyen.

YEREMIA 12:16

Gino iba ingon titut bicigit Ditde limwa nya ide nibindei mbut mun di ikuk yok bakti kui yok lene iba neheng bipai ‘Nipreu ei tug hon tuhan di niyaijo ninyeng’ (bit leu nok nipou yo ico dri Ditde limwa nya tut gima yeheng tug hon Baal ninyeng) lene yoni cem minggre kin Ditde limwa nya ba, ibong kei igwam kei.

YEREMIA 14:21

Ma ayok ngon kep Ade nipreu ei mem nyeti ba, angwes om nye cem au. Ma aluei angonti tut apreu ei mem nyeti au. Ma angwes pri gau minu ndig Yerusalem au lewo Ade banggo mbrei di kei-kau-kei jo ei minu ndig dini.

YEREMIA 16:12

Noro tut jeni ne jibon munti kinei bibor bidor njiriek yok. Jingkek ndok ba, jibit jingon kanti di kinei bibor. Jigibit dihyet bi.

YEREMIA 16:19

tuhan e, Nani rino anyohou da. Ayai nisindemti bida ba, ampu da mem nijam di mun di buhun cut igkep da cem. Ngkiai nya di ikwei leu dihyei nohon keti mikwei ngat Na bipai “Nidigup bat-nidigai bat nya ide kwar nya ibon inyeng bi bibor.

YEREMIA 17:12

Ide tuhan De Ig dem kep nibou ndig de banggo mbrei di dia-diau kei di iwin ei nungug dip di anai habiei nimbie him kwei su.

YEREMIA 18:12

Noro yo dima mibuhup ‘Nittin ser sisar mem mindei i? Minibit nyenti ningon kanti kikau! Bikwop nahagom ningkek ndok ba, niyai kep mun di mbuk bibor bit leu nyenti ningon kanti!’ ”

YEREMIA 3:19

tuhan pai “Je di mben Israel e, dijoi sut gima diya um je dem kep nok diya um dimunggwom bat nya ba, diyai minu di biyai jingon di kei bije. Minu dima kei-kau dor njiriek minu nindigsi ei dihyeisi dini hagom. Dijoi sut bipia jijem Dani Jicig rin apino mijinang leu Da bu bi.

YEREMIA 31:23

tuhan di mben Israel ide Allah Di Sindem Bibor pai “Tirigi dibindei ba, Ditde limwa nya ibong kei igwam kei ei itimieisi hanyen lene timiei minu Yehuda kin minu mien nya ibohom ndat, ‘Nnaba tuhan njei mun di kei bak nungug tou di kwes-kwau ei minu ndig Yerusalem kin Nide nghim nsi di dia-diau kei.’

YEREMIA 33:9

Minu ndig Yerusalem minok minu ndig di biyai dingon nggei-hi-nggei kin dingon kei. Ngkiai nya bidem dihyeisi dini hagom mittin tut Da bidigit tut Da bikon dinyeng drek dip mun di kei di dibon mem timiei minu ndig Yerusalem kin nibong kei nigwam keisi di diyai bak minu ndig dima.”

YEREMIA 4:2

Gino jeheng bitug hon dinyeng ba, jiba ningon srenti kin ningon gomti kin niyaijo igbitti biyai niyai munti lene ngkiai nya yahagom miyahara Da leu binhyepo dinjei mun di kei bak yoni drek dip leu api ibikon dinyenga.”

YEREMIA 7:24

Noro ibit dihyet bi ba, ingkek ndok. Ibit leu yonti ingon kanti lewo ingon ndok bibor ba, imbuk bibor cem ba, niyai munti di kei bibor hi ntun yoni him bi noro igyai munti di mbuk bibor kum eisi bu.

YEREMIA 9:14

Ingkek ndok ba, ikuk yok bak Baal de kwar nya bit leu nok idigup bat-idigai bat nya ingginau yok tut.

YEHEZKIEL 1:26

Lene dingat mun di iba tig permata nilam bibon nok banggo mbrei di jo anai niban dip ba, mun di nok tungwatu gwam dip.

YEHEZKIEL 43:7

“Na di tungwatu di ayaijo kikau bi e, gini ne Ditde banggo mbrei ri. Midibong ei sirini ei limwa Israel ikieti ba, dinyeng mitak kep yok bijo ninno bijo kikau. Yoni kin ide nibou ndig nya mibindei ba, map kui dinyeng kwesti tug hon kwar di ikuk yok bak ba, itig nibou ndig nya ei mpia dini bu bi.

YEHEZKIEL 48:35

Ngug tig dima titut yam nijeisi dem kilometer muhwindatai. Hon ammani bikui ne tungwatu nya mijem minu ndig dima ninyeng “TUHAN NINGAT RIN EI SIRIMA!”

ZAKHARIA 2:11

Ei nijam dima lene ngkiai nya imang bibor mikwei ndam tuhan bikuk yok bak binok Nide limwa nya. Noni migwam ei jikieti lene mijikan tut bipia tuhan rino cuk da hwou ndam je a.

ZAKHARIA 8:8

bidibuwak yok hanyen kwei leu nite bei mpia nipriti kin nite bei mpia nicutti kwei leu api ibong ei minu ndig Yerusalem hanyen bu. Dibindei ba, inok Ditde limwa nya lene dinok ide Allah. Midiba ningon gom kin ningon sren binyeng tak kep yok.”

MBEN ISRAEL IMBUT-MBUT NYEN 15:39

Sinsun bou mbu dima ne mun nibiyok ngon kep ri. Bikwop mpe di jingat gima yok lene ma jiyok ngon kep dicuk jeti nya hagom ba, jiyai igbit. Tug hon nisinati dima mijibbwe ser Dani leu ba, jibit jenti jingon kanti kin jingon pri kepti nya bi.

ROMA 1:21

Mbro nok gino ikan tut Allah lo, ikon ninyeng binok ide Allah bipai sigyo bak Noni bi. Noro ingon kanti nya ndei hammi mun di bon ninyeng bi ba, ingon di tindur mpung tut nidinditi.

ROMA 6:14

Harin dima sisar de nisindemti om kep je bu a. Lewo jide niyaijo nijep tug hon Puig Yahudi niggai serti bu bi noro tug hon Allah nisingat tut jeti.

GALATIA 4:26

Noro minu ndig Yerusalem di nimbier kim gwamti ne minu ndig di niyati kwes binok ipmem ri.

NINDAT KEP TUHAN NICUKTI NYA 29:29

Ide tuhan Allah ku mimun tut mun nyeng poi noro Noni ndo Nikos Tutti Nya bak nyeni tu. Gima rino suar nyeni kin ide nintun him yamti di bram yam nya ibit nihyet bijo ninno bijo kikau hak ug.”

NIJAM NIKEI NYA 2:19

Noro niabiati nibou pima mai leu yok tu lene yo dima ingkwei hanyen ndam igyai kepti di kinei nya lene ikou sut gi inggek tut igyai munti nya. Lewo ikuk yok bak nung nya kindi-kindok hanyen bu ba, ingkek ndok bibor.