YEREMIA 3:16 - ALLAH NIHYET MEM TUNGWATU NYA

¹⁶ Leu api tirigi jimangti kum eisi ba, jimang bibor bijikieng kep mpia ei mpia dima lene tungwatu nya misimbot kep biyam tut Ditde Brua Gi Preu bu bi. Yoni mikan-kan nyen tut ba, igyok ngon kep bu bi. Yoni isuar Brua Gi Preu ba, ibon nijep hi bu cem bi.

YEREMIA 3:16 ပူးပေါင်းရင်းမြစ်များ

YESAYA 60:22

Lene gima he bi. Lewo nitig mbier tut yamti hi di mien bibor di bon ninyeng bi rin lo, midigek kep mpia nok mben nindig bibor biyai nisindemti ba, ninyeng jei cem. Dani ne tuhan rin ba, midiyai dibou tut leu binhyepo gima pek kep mem na dem igbit tto boua.”

YESAYA 61:4

Nide limwa nya miwin minu di timek bingwig nya bikinding mpia ttou nsi nya di ha he bong hagom bikei hanyen.

YESAYA 65:17

tuhan pai “Midipai tes dihyeisi kin mpia-bbed him di nijep bu leu api mun di pek kep mem tungwatu nya nipou su hagom mipror hanyen bipren leu ibou ngwakti.

YEREMIA 3:17

Mpe dima lene tungwatu nya mindat minu ndig Yerusalem ninyeng ‘tuhan De Banggo Mbrei.’ Ngkiai nya yahagom minduk yam ei minu ndig dima mem gima ikuk yok biDa. Yoni mibit yonti ingon kanti di mbum ba, kinei dima bu bi.

YEREMIA 30:19

Timiei minu ndig Yerusalem nya miba doia bikon dinyenga. Yoni iba ingon di kei bimbos-hi-mbos cem. Dibindei ba, ngkiai nya ibou cut biyok. Ighyet kinei sut yok bu bi. Ditde limwa nya imangti mikum eisi kikau.

YEREMIA 31:27

Da di tuhan dipai bipia ei nidipti bu lene dibindei ba, minu Israel kin Yehuda mpung tut tungwatu nya kin mindhe-ndhe nya.

YEREMIA 31:8

Midibuwak yok kwei leu nite bei mpia nijjai bidinduk yok kwei leu minu nohon keti. Yo di igyai tu nya kin yo di ilit nya yahagom mibit yok kwei bitut sop di inghop kin sop di sindi inghim dut tut munggwom nya cem. Imang ndig mikwei hanyen ei itimieisi dini.

YEREMIA 7:4

Ma jiba jingon com yo di iris igkei nya di ipai bije bipia jibong kei jigwam kei drek dip tuhan De Ig di jiwin ei mpia dini au. Lewo ipai bipia Igbit ri! Ig dini ne tuhan De Ig ri!’

YEHEZKIEL 15:5

Hi bi! Tirigi indig kep hum bigyo ne ninjem bon ninyeng bi. Gino indig kep hum ba, hum yem leu lene bon ninyeng bi bibor!”

YEHEZKIEL 37:26

Midipreu ei mem yok leu binhyepo ibong kei igwam kei bijo ninno bijo kikau. Midinjei mun di kei bak yoni lene midibindei ba, idigek kep mpia. Midiwin Ditde Ig ei ikieti bijo ninno bijo kikau.

AMOS 9:9

Midicuk siceu nya leu api icig je di mben Israel noyam kin no di ba kawanggai bicig gandum ngan. Lene mem gima dibicut mun di bon ninyeng bi nya hagom bingwig leu jikieti lene midimpu je ei ngkiai nya inggreti.

ZEFANYA 3:11

Ditde limwa jen e, dem tut gima jingkek kan nimmai ei njap dima drek dip gi jikiek jimig jou tut da bi. Midijji bikwop ngkiai nya di illei-lau kin yo di ingon jei nya bingwig ug. Noro tut jeni ne mijaham jimbuk kep Da ei Ditde nungug di kwes bu bi.

MATIUS 1:11

Yosia yai nipmot Yekhonya kin nikinjoi bat nya. Ei mpe dima lene mben Babel icut igkep mben Israel bikat yok bicom yok ug ei minu Babel.

MATIUS 3:9

Ma jikan bipia mijingwes ngun drek dip gi jintun Abraham him au. Dipai bije bipia Allah sindem mem gima bindei tig dini yok binok yo di intun Abraham him.