YEREMIA 3:13 - ALLAH NIHYET MEM TUNGWATU NYA

¹³ Ma jipai jit bipia jitunggwei ba, jihwen bit jide tuhan Allah tu. Ma jipai jit bipia jikiber jide ningon ngakeisi ei nung di ngkiai nya ikuk yok bak nya cem ei bikwop biei ndig di nimeng nggrou nibehei nya cem ba, jibit Ditde nicuk jeti nya bu bi cem tu. Da di tuhan disimbot dat tu.”

YEREMIA 3:13 ပူးပေါင်းရင်းမြစ်များ

NEHEMIA 9:2

Timiei minu Israel dini yok imbres yo leu ngkiai nya nipou su. Lene yahagom ikiju ba, igya ter bipai jit ide sisar kin idigup bat-idigai bat nya ide sisar cem.

NIPINGOK NINGONTI 28:13

Tungwa tou rino ku nide sisar ei ningonti mibong kei migwam kei bi sren. Tungwa tou rino pai jit nide sisar bittin ser nide sisar mibindei ba, tuhan ningon nggriu sut noni.

YESAYA 57:5

Jikuk je bak kwar nibindei nnum njita kioi nya lene jibisindui sut jenti ba, jicut tut yam ei biei pigig behei kin biei ndig di nimeng nggrou nibehei nya. Jiba jimunggwom bat nya bibon midut nindig yok ei nimbar hum dokti ei tig nggreti ei minyei mbangti nya.

YEREMIA 14:10

tuhan pai sut mben dini “Diwok yok lewo inang leu Da ba, yoom kep ingon kan bi. Midingon prion ser ide mun di igyai tunggwei nya bi. Dikes hukum ei yok dip drek dip ide sisar.”

YEREMIA 14:20

tuhan e, nibon sisar tut Nani tu. Gima rino nipai jit nyende sisar kin nidigup bat-digai bat nya cem ide sisar.

YEREMIA 2:20

tuhan Di Ninyeng Jei Bibor pai “Je di mben Israel e, jikou sut gi jinok Ditde limwa nya. Jibit dihyet bijikuk je biDa cem bi ninno tu. Noro jikuk je bak kwar di ninyeng kwar Ningat Ntun Himti bidem mbigdip nya kin biei ndig di nggrou kei nibehei nya hagom.

YEREMIA 2:25

Je di mben Israel e, ma juhuk bram kwar nya ba, jahara yok au. Leu mbigom ne jimig bok ba, jinnei di sor mibindei ba, jikibou dut. Noro jibuhup ‘E bi! Bit bon nikes kwar nya ei kan bi. Ningat ningwes ei yokti ba, niba noho rok yok kikau.’ ”

YEREMIA 3:2

Jikon jibou bijimian kui ug ei mbigdip ninggram him nya! Ba, jingat mpia di tou rino juug ei di jicut ei sisar nikrar kep yamti bigyo i? Jiyai munti dima dem kep mben Arab ei iggum ndigsi. Jigwam sir puig ninghas bijimem kep ser no di kwei yem njita tut sop di nikrar jut. Jibindei ba, map kui minu dini tug hon jide nicut ei sisar niyem njita tut sop hiterti kin jide nibon mun di kinei biborti cem.

YEREMIA 3:25

Gima rino nna ba nigwam nimmaiti ug. Nna ba niwer mindhe tut ug. Lewo niya tut nidigup bat-nidigai bat nya ba, nibon sisar tut nyende tuhan Allah ninno tu ba, nigibit Nide nicuk nyeti nya cem bi sren.”

YEREMIA 3:6

Mpe di Nibou Ndig Yosia ninyeng tak kep limwa nya lene tuhan pai bida “Angat mun di mben Israel di inok sop di ningon gom bi dima ibon tu e? Ikes Dani ei leu ba, icut ei sisar nicut tut yamti bikwop mbigdip di anai kin bikwop biei ndig di nimeng nggrou nibehei cem hagom.

YEREMIA 7:24

Noro ibit dihyet bi ba, ingkek ndok. Ibit leu yonti ingon kanti lewo ingon ndok bibor ba, imbuk bibor cem ba, niyai munti di kei bibor hi ntun yoni him bi noro igyai munti di mbuk bibor kum eisi bu.

YEREMIA 7:26

Noro jingig jitingou mem ighyet bijiyok ngon kep ide nicuk jeti nya bi. Jengkom dini jingkek ndok ba, jaham jimbuk kep Da nindig bibor dor njiriek jidigup bat-jidigai bat nya.”

YEHEZKIEL 16:15

Noro aba ade nuubbuti kin anyeng di jei dima bibon mun tunggwei tirigi ajou pinai di icem kep na nya yahagom.

HOSEA 5:15

Midikes Ditde limwa nya ei bidimbut leu yok kikau bibou itug ndei inghuisi di wei nindig bibor drek dip ide sisar ug e leu api ingkwei hanyen ba, iba ingon com Da. Mpaba ninghuisi wei di micut igkep yok dima mibindei ba, ibrim ingkek binggok Da hanyen e?”

NINDAT KEP TUHAN NICUKTI NYA 12:2

Tirigi jikieng kep minu jep dima lene suar jicok tut mpia ttou nsi di ngkiai dima yok ikuk yok bak ide nung nya eisi bitut gi hi di jo ei mbigdip nya kin nungug tou nya kin biei di nimeng nggrou ninghousi hagom.