YEREMIA 3:12 - ALLAH NIHYET MEM TUNGWATU NYA

¹² tuhan cuk da ba, suar duug pai bak mben Israel “Je di mben Israel di jingon gom tut Da bi e, ma jingkwei hanyen ndam Da. Dingondut je nindig bibor ba, midigga je kikau bi.

YEREMIA 3:12 ပူးပေါင်းရင်းမြစ်များ

NITRITI 4:7

Gino abon mun di kei lene ma angon nggan noro gino abon mun di kinei lene sisar tin ei mem coi ei angonti. Sisar pi bisrou na noro suar aom kep sisar dima.”

NIBOU NDIG NYA GI NICAN 15:29

Lene Tiglat-Pileser di nok nibou ndig mem mben Asyur njei ba, hwen minu ndig Iyon kin Abel-Bet-Maakha kin Yanoah kin Kedes kin Hazor kin hanjop Gilead kin Galilea kin Naftali cem hagom mem nijam di Pekah ninyeng tak kep mben Israel. Tiglat-Pileser kat timiei nya yahagom bikri yok hanyen ug ei minu Asyur bisima.

NIBOU NDIG NYA GI NICAN 17:23

apino tuhan ningon cun di nyohou yok bu bi ba, com yok leu dihyei di yai biyok. Ba, gima dem igbit tuhan nisok kep yokti tug hon Nide awak di nabi nya. Lene ide siceu nya ikat limwa Israel bicom yok ug ei ingkiaisi ei minu Asyur ba, ibong ei sirima kikau kwei bipek ammani kep.

NIBOU NDIG NYA GI NICAN 17:6

tirigi Hosea ninyeng tak kep mben Israel mem nijam ari bingwam muhwindatai tu. Leu api Salmaneser bindei timek minu ndig Samaria leu lene yai biyati leu api bindei ba, tentara nya ikat mben Israel bikri yok ug ei minu Asyur ba, isima. Ikri yok ba, ikes nite hi bisima ei minu ndig Halah lene ikes nite hi bu bisima dideu Minyei Habor ei hanjop Gozan lene ikes nite hi bu bisima ei minu ndig gom-gom ei hanjop Madai apino yahagom inok awak ei ingkaisi.

NIBOU NDIG NYA GI NICAN 18:1

Tirigi Nibou Ndig Hosea di Ela nipmot ninyeng tak kep mben Israel ba, ug ei nijam ari bingwam gi ningai lene Hizkia di Ahas nipmot kui bigwam nok nibou ndig mem timiei Yehuda nya.

NIBOHON MBEN ISRAEL GI NICAN 29:10

Nogindini diyok dingon mem gima dipreu mun ei mem mben Israel ide tuhan Allah leu binhyepo Noni gga nye bu bi.

NIBOHON MBEN ISRAEL GI NICAN 30:9

Gino jingkwei hanyen bijinok awak mem Noni lene Noni mibindei ba, mben ngkiai po ikat jide adig-ajoi nya bikri yok ug ei isimati tu pima mingondut yok ba, mikes yok bingkwei hanyen kwei ei itimieisi yo. Jide tuhan Allah ne Allah di ningon nggriu rin ba, ngondut tungwatu nya cem. Gino jingkwei ndam Noni lene Noni micigit jeni ndam Nonti hanyen.”

MAZMUR 103:17

Noro tuhan ningon ngakeisi kin nisingat tutti jo ninno bijo kikau mem yo di ikuk yok bak Noni buug ninno mem ide nintun him yamti di bram yam nya,

MAZMUR 103:8

tuhan ningon ngakei nye bingondut nye cem. Noni bet ningon mem nye ba, ningon mpung tut ningon ngakei tungwatu nyati di ug hon nohonti bi sren.

MAZMUR 103:9

Noni sinsam tungwatu nya ba, ningon sibui sut yok kikau bi.

MAZMUR 145:8

tuhan ningon ngakei tungwatu nya ba, ngondut yok cem. Ningon sibui sut yok haninyai bi ba, ningon ngakei yokti ug hon nohonti bi sren.

MAZMUR 79:5

tuhan e, agga nye bijo ninno bijo kikau e? He Angon sibui sut nyeti micig-cai nok hum ug bipek nohonti kan bi e?

MAZMUR 86:15

Noro tuhan e, Nani ne Allah di angondut nye rin ba, angon ngakei nye. Aom angon tut nye ba, angon nggriu sut nye cem ba, angon gom.

MAZMUR 86:5

tuhan e, asingat kei ba, ajoi sut akos ser nyende sisar. Aba angon ngakeisi di ug hon nohonti bi bingon ngakei yo di ingat nadi biNa.

NIPINGOK NINGONTI 28:13

Tungwa tou rino ku nide sisar ei ningonti mibong kei migwam kei bi sren. Tungwa tou rino pai jit nide sisar bittin ser nide sisar mibindei ba, tuhan ningon nggriu sut noni.

YESAYA 31:6

tuhan pai “Je di mben Israel e, jaham jimbuk kep Da bijibon sisar tut Da tu. Noro ma jingkwei hanyen ndam Da nogindini hak ug!

YESAYA 44:22

Dicok tut jide sisar noyam kin dicok tut bumbuhui. Ma jingkwei hanyen ndam Da lewo dikwek je leu mun di kat je tu!”

YEREMIA 11:6

Leu api tuhan pai bida “Aug ei minu ndig ngot di jo ei minu Yehuda. Aug ei simpak bou ngot di jo minu ndig Yerusalem ba, atri tut dihyet di disok ei na dip dini bak yo di ingat rin ei sirima. Asok kep yok bipia suar ingig itingou mem dihyet bibit Ditde gi preu pima nidimigsi di suar yahati tut nya hagom.

YEREMIA 12:15

Noro tirigi dibindei hei yok lene midingondut yok hanyen bu. Midibuwak bikwop ngkiai nya yahagom ba, midikes yok ei itimieisi hanyen.

YEREMIA 23:8

Noro iba Allah Di Niyaijo di buwak mben Israel kwei leu minu di jo ei nite bei mpia nijjai kin minu nindigsi nya hagom dijji yok ug eisi ninyeng beheng bu. Mpe dima lene yoni mibong ser itimieisi hanyen bu.”

YEREMIA 3:1

tuhan pai “Gino nijjep kou nitnem bikes ei leu api hiter wak nok nitnem bu lene ma nijjep timiei pima kwei yai hanyen nok nitnem au. Lewo mun dima mibindei ba, map kui minu dini. Noro je di mben Israel jiyem njita tut sop hiter imang bibor tu. Leu api tini bu ne jijoi sut jingkwei hanyen ndam Da bu e?

YEREMIA 3:14

tuhan pai “Je di limwa di jingon gom bi e, ma jingkwei hanyen ndam Da. Jeni ne Ditde nya ri. Midimbus tungwatu nya leu bikwop jide minu ndig nya hagom. Ba, dimbus ibou can-can leu bikwop jide keret nya hagom cem. Lene midibuwak je hanyen ug ei Nungug Sion.

YEREMIA 3:18

Mben Israel mibicom yam bit timiei Yehuda nya ba, yahagom ingkwei hanyen leu ingkiaisi di jo nite bei mpia nijjai kwei. Yoni mingkwei hanyen kwei ei minu di diyai bak jidigup bat-jidigai bat nya nok dihyei ninda rom tu.”

YEREMIA 3:22

Je di jiba jinghim bak tuhan jahagom e, ma jingkwei hanyen ndam Noni! Noni mibindei ba, jikei hanyen bijingon gom tut Noni. Leu api jipai “I, nogindini nikwei ndam tuhan lewo Noni ne nyende Allah ri.

YEREMIA 3:5

Lene jipai biDa bipia midigga jeni bijo kikau bi. Je di mben Israel jipai nok gima noro no jibon kep mun di kinei bibor nyeng hagom yo.”

YEREMIA 3:7

Dikan bigya tirigi ibon mun di kinei dini yok hagom leu lene mingkwei hanyen ndam Da. Noro igingkwei hanyen bi. Igyai kep mun di kinei bibor dima hagom bou ide adig-ajoi di timiei Yehuda nya di ingon gom tut Da bi igyai him.

YEREMIA 30:11

Midihwou teu je bijingwes ngun ba, dibindei sar ngkiai nya di dibindei ntek je ug eisi nya yahagom. Noro dibibon je nok gima bi. Ningat ne mijingwes ngun leu hukum bi. Noro hukum di dikes ei jeni dip dima ne hukum di tug hon Ditde ningon gomti rin ba, dem igbit nikos tutti di jo tu. Da di tuhan disimbot dat tu.”

YEREMIA 31:20

Na di Israel e, anok dipmot di dingondut kin dingon kieti kin dingon him cem. Bikwop mpe dino dikon dihyet kep na lene diyok ngon kep na ba, dingon ya mem na. Midiba ningon nggriu bibon na.

YEREMIA 31:21

Ma jita wa nya di bindo puig nahau yamti. Ma jita patok nya kak puig di igbit bijinggok puig di jikak tirigi po jimbut kak nipou pima. Ma jingkwei hanyen kwei ei jitimieisi po jimbut leu pima.

YEREMIA 31:8

Midibuwak yok kwei leu nite bei mpia nijjai bidinduk yok kwei leu minu nohon keti. Yo di igyai tu nya kin yo di ilit nya yahagom mibit yok kwei bitut sop di inghop kin sop di sindi inghim dut tut munggwom nya cem. Imang ndig mikwei hanyen ei itimieisi dini.

YEREMIA 33:26

nok gima cem midikrau kep Ditde nipreu eisi mem yo di intun Yakub him kin Ditde awak di Daud bijo kikau. Didimig tungwagom leu yo di intun Daud him sindam ba, ninyeng mitak kep yo di intun Abraham kin Ishak kin Yakub him. Midingondut Ditde limwa nya bidibindei ba, ibong kei igwam kei hanyen bu.”

YEREMIA 4:1

tuhan pai “Ditde mben Israel jen, gino jijoi sut jingkwei hanyen lene ma jingkwei hanyen ndam Da. Ma jicom kwar di dingon mpo tut nya nipou ug e. Leu api jiba jingon gom bibit Da.

NIBWOS-BWOS NYENTI 3:22

tuhan de ningon ngakeisi jo kikau bijo mumpui lene nisingat tut nyeti ngwig hon nohonti bi sren,

YEHEZKIEL 11:17

Gima rino ma apai biyok Da di tuhan Di Dinyeng Jei Bibor dipai bipia midinduk yok kwei leu minu di intek ug eisi nya hagom ba, diba yo bicom yam hanyen. Leu api dingkwei dihyei Israel bak yoni hanyen.

YEHEZKIEL 33:11

Ma apai biyok bipia deheng bitug hon Danti di tuhan Di Dinyeng Jei Bibor cem Allah di niyaijo cem dinyeng bipia dingon kei drek dip no di mbuk nitug midutti bi. Noro dijoi sut gino noni ttin ser nide sisar leu binhyepo hek tut niyaisi. Je di mben Israel e, ma jimbres jenti leu sisar hagom. Nggon rino jingon llei sut gi jitug ndei nimai i?

YEHEZKIEL 39:25

tuhan Di Ninyeng Jei Bibor pai “Noro tini bu ne midingondut Ditde limwa Israel di intun Yakub him. Midibindei ba, mun di isuar nya hagom midem mem yok. Dinyohou dinyeng tug hon nisinati dima leu binhyepo ikon dinyeng kikau.

HOSEA 6:1

Mben Israel ipai biyam “Jikwei ba, yahagom ingkwei hanyen ndam tuhan. Noni yai ninghuisi wei binye noro bindei ba, ikei hanyen. Noni bindei ba, ibok-ba noro Noni ba perban bingot kep hagom hanyen.

IMAM NYA IDE MIDYAI 26:40

Noro ei mpe dima lene jide nintun him yamti di bram yam nya mittin ser ide sisar kin idigup bat-idigai bat nya ide sisar. Yo dima isrep tut Da ba, yaham imbuk kep Da cem,

ZAKHARIA 1:4

Ma jiyai kep jidigup bat-jidigai bat di nipou nya igyai kepti nya au. Nipou yo ne nabi nya itri tut dihyet bak yoni leu binhyepo imbuk bibor bibon sisar bu au. Noro igimiap kep dihyet ba, ice tut bibit bi.

NINDAT KEP TUHAN NICUKTI NYA 30:2

Gino jeni kin jide nintun him yamti di bram yam nya jikwei kuk je hanyen bak tuhan di nok jide Allah bijiba jingon titut bibit nicuk jeti nya di ditri tut bije njap di ammani lene,