YEREMIA 3:1 - ALLAH NIHYET MEM TUNGWATU NYA

¹ tuhan pai “Gino nijjep kou nitnem bikes ei leu api hiter wak nok nitnem bu lene ma nijjep timiei pima kwei yai hanyen nok nitnem au. Lewo mun dima mibindei ba, map kui minu dini. Noro je di mben Israel jiyem njita tut sop hiter imang bibor tu. Leu api tini bu ne jijoi sut jingkwei hanyen ndam Da bu e?

YEREMIA 3:1 ပူးပေါင်းရင်းမြစ်များ

MAZMUR 106:38

Isiber imunggwom bat nya di ibon mun tunggwei bi nya inggrom bindig yok kep hum ei nimbar hum dokti bak kwar nya. Igyaisi dima ribindei di map kui minu dimati a.

YESAYA 24:5

Nirom mikui dihyeisi dini tug hon timiei nya di itunggwei Allah nicukti nya di iba Nide nidimig sutti nya bikek ba, ingkek ndok tut Nide nipreu ei mem yokti nya cem bijo ninno bijo kikau.

YEREMIA 2:20

tuhan Di Ninyeng Jei Bibor pai “Je di mben Israel e, jikou sut gi jinok Ditde limwa nya. Jibit dihyet bijikuk je biDa cem bi ninno tu. Noro jikuk je bak kwar di ninyeng kwar Ningat Ntun Himti bidem mbigdip nya kin biei ndig di nggrou kei nibehei nya hagom.

YEREMIA 2:23

Jiba jingon di jei pai sut jenti bipia nirom kui je bijikuk je bak Baal bi sren! Ma jiyok jiyai kep midut nya di jibon ei Mbang Briep Hinom ug e. Jikan kep jide sisar leu api ma jipai jit hak ug! Jinok unta niwek di nibou buwei di nang-nang nyen di bit bon hi kat bi.

YEREMIA 2:7

Dibuwak yok kwei ei minu di bon ninnumti leu api igyem njita beisi nya nindig bibor ba, ibong kei igwam kei. Noro ibindei ba, map kui Ditde minu dima ba, ibimangkrei hanjop nsi di dipek mem yok.

YEREMIA 22:20

tuhan pai “Je di timiei minu ndig Yerusalem e, juug ei minu Libanon kin minu Basan ba, jiba jihyet nindig bahara ei minu dima. Jiba jihyet nindig bibor bicot ei nungug him minu Moab lewo siceu ihwen tentara ngkiai nindigsi di yahati tut je yahagom ba, icut tu.

YEREMIA 3:22

Je di jiba jinghim bak tuhan jahagom e, ma jingkwei hanyen ndam Noni! Noni mibindei ba, jikei hanyen bijingon gom tut Noni. Leu api jipai “I, nogindini nikwei ndam tuhan lewo Noni ne nyende Allah ri.

YEREMIA 3:9

Gi mbun immai sut yonti cem kan bi. Ibindei ba, map kui ide minu drek dip ide sisar nikuk no bak tig kin biei nya.

YEREMIA 31:22

Je di jingon gom tut Da bi e, jihig jingon eisi kikau buug ei apig bu i? Dipai tes mun di nijep-jau bu ei dihyeisi dini tu. Mun dima rino no di pinai gwam coi no di sop.”

YEREMIA 4:1

tuhan pai “Ditde mben Israel jen, gino jijoi sut jingkwei hanyen lene ma jingkwei hanyen ndam Da. Ma jicom kwar di dingon mpo tut nya nipou ug e. Leu api jiba jingon gom bibit Da.

YEREMIA 4:14

Je di timiei minu ndig Yerusalem e, ma jicom jide mun di kinei bibor leu jingonti leu binhyepo jingwes ngun. Jiku jide nikan-kan nyenti di kinei bibor dima ei jingonti ug bipek apig bu i?

NIBWOS-BWOS NYENTI 1:2

Ningon ngguk bipim mmun jei lene niyai nggwei kibor bisilipti ningyoi. Nisut bat di ningon kieti nya inang leu su ba, hi di joi sut gwam ser ningon bi. Nisut bat nya yaham imbuk kep noni ba, iba nitok bak cem.

YEHEZKIEL 16:26

Minu Mesir di ningat rin simin na di ningon priti nindig bibor dima ne awak ba, abibong tu ri. Abisinggre mem gima abibon Ditde niggati tug hon nicut tut pinaisi nya.

YEHEZKIEL 16:30

tuhan Di Ninyeng Jei pai “Abon munti dima yok hagom dem kep sop sundal di bit bon kan tut nimmai sut nonti kan bi.

YEHEZKIEL 16:35

Na di sop sundal minu ndig Yerusalem e, angig atingou mem mun di tuhan Di Ninyeng Jei Bibor simbot dat a.

YEHEZKIEL 33:11

Ma apai biyok bipia deheng bitug hon Danti di tuhan Di Dinyeng Jei Bibor cem Allah di niyaijo cem dinyeng bipia dingon kei drek dip no di mbuk nitug midutti bi. Noro dijoi sut gino noni ttin ser nide sisar leu binhyepo hek tut niyaisi. Je di mben Israel e, ma jimbres jenti leu sisar hagom. Nggon rino jingon llei sut gi jitug ndei nimai i?

HOSEA 1:2

Mpe dino tuhan sok nihyet ei Hosea dip bak mben Israel ei nimbie him ne Noni pai “Ma aug ba, adimig sop di nikrar jut ba, awak noni nok atnem leu api amunggwom bat nya migyai bram ipmem niyai kepti nya. Lewo Ditde limwa nya ikes Da ei ba, inoyam kin sop dima drek dip ingon gom tut Da bisi ba, ikes Da ei su.”

HOSEA 2:2

tuhan pai “He dimunggwom bat jen e, jipmem nok ditnem bu bi lene Dani dinok nijjep bu bi. Gima rino ma jipai kep noni ei nikei noho bei leu binhyepo noni mikes hon ba, cut tut pinai nya ariwace ba, nikrar jut bu au.

MIKHA 2:10

Ma jikiju ba, jimbut hak ug lewo mijibong kei jigwam kei ei minu ndig dini bu bi. Jide sisar bindei ba, mun di buhun bibor micut igkep mpia ttou nsi dini.

ZAKHARIA 1:3

Noro tini bu ne dipai bije bipia ma jingkwei hanyen ndam Da leu api midinyohou je.

MATIUS 5:31

“Gima cem nicukti hi sok kep nye ‘Bikwop no di kou nitnem lene ma bon srat di bindo tut nikou sut nitnemti biyai bak nitnem.’

NINDAT KEP TUHAN NICUKTI NYA 22:21

lene suar ibuwak sop dima ug ei nide ndigpoi ide dimbou hui a. Suar ndigpoi nya leu minu dima iba tig bihwen noni ei mpia dima kikau bimai hak. Sop dima bibon mun di biyai nimmai bak ide mben tug hon niyem njita tut pinaisi mem nijam di noni bong bit nide ndigpoi nipou tirigi wak nijjep bigyo. Tug hon nisinati dima mijicok tut sisar di kinei dima leu jikieti.

NIJAM NIKEI NYA 19:2

Noro niabiati bu lene misop dima gga noni apino ngkwei hanyen ug ei nicig de ig bei ei Betlehem. Tirigi noni bong ei nitimieisi mem bed bitai su,