YEREMIA 27:6 - ALLAH NIHYET MEM TUNGWATU NYA

⁶ Dani rino dikes ngkiai nya dini yok hagom ei Ditde awak di Nebukadnezar dinok Nibou Ndig mem minu Babel ninda nsi ba, dibikes mindhe-ndhe di niten-pos nya cem ei ninda nsi bininyeng tak kep.

YEREMIA 27:6 ပူးပေါင်းရင်းမြစ်များ

NIBOU NDIG NYA GI NICAN 25:28

Ewil-Merodakh ningon nggriu sut noni bibindei ba, ninyeng jei dor njiriek nibou ndig nindigsi di isima hukum bit noni ei ingkiaisi ei minu Babel.

NIBOHON MBEN ISRAEL GI NICAN 36:23

“Gini ne Kores di nibou ndig Persia nicukti ri! tuhan Allah di ninyeng tak kep gwamti kon da bidigwam nok nibou ndig di ninyeng tak kep dihyeisi dini nisurti-nipekti hagom. Noni ndo da pijum ei leu binhyepo dingot ig gom mem Noni ei minu ndig Yerusalem ei minu Yehuda. Gima rino suar je di jinok Allah de limwa nya jahagom jingkwei ug ei jitimieisi hanyen! Handei kon ba, jide tuhan Allah minyohou je.”

YESAYA 44:28

Dipai bak Kores ‘Anyeng mitak kep limwa nya mem Da leu binhyepo ayai munti nya hagom bit leu dingon kanti. Acuk tungwatu nya leu binhyepo iwin minu ndig Yerusalem ba, ita cou nipmem nya mem tuhan De Ig hanyen.’ ”

YEREMIA 21:7

Midisindui sut ba, Nibou Ndig Nebukadnezar om ningon tut je bingondut je bi sren. Noni kin nide limwa nya migyai nimai bina kin yo di igya kui na kin yo di ingwes ngun leu pran kin ninggum kin nsuwer ajar cem jahagom. Da di tuhan disimbot dat tu.”

YEREMIA 22:25

leu api midikes na ei tungwatu di attin kep yok kin gi ijoi sut igyai nimai bina indati. Midikes na ei Nebukadnezar di nok nibou ndig mem minu Babel kin nide limwa nya indati.

YEREMIA 24:1

Mpe di gom bu tirigi Nebukadnezar di nok nibou ndig mem minu Babel kat Yoyakhin di Yoyakim nipmot di nok nibou ndig mem minu Yehuda bitut nibou Yehuda nya di igya kui noni kin tukan di ibon mun bou inda him nya kin nibon kep ngkimom cig nya ba, kri yok leu minu ndig Yerusalem ug ei minu Babel ba, isima ei ingkiaisi lene tuhan yai ningat-hi-ngat hi bida. Dingat bansi can di biei ara ningat jo niti di jo hak ei tuhan De Ig nuhuigya.

YEREMIA 25:9

‘Midinduk ngkiai nya yahagom kwei leu nite bei mpia nijjai kin Ditde awak Nebukadnezar di nok nibou ndig mem minu Babel cem kwei. Midiya tut yo dima mem gima ikon pran bit minu Yehuda bitut nide limwa nya kin ngkiai nya di ibong ttai yok yahagom. Midibindei sar timiei Yehuda kin ngkiai nya di ibong ttai yok yahagom lene midisindui sut ba, ijjem bijo ninno bijo kikau. Yo di ingat ditde niyai munti dima idigit tut ba, igyai ngkek ttin. Da di tuhan disimbot dat tu.

YEREMIA 28:14

tuhan Di Sindem Bibor di Allah Israel pai bipia Noni miba ngkimom nitu nikoisi bisrou ngkiai nya dini hagom inggibi dip apino yoom yok binok awak mem Nebukadnezar di nok nibou ndig mem minu Babel. tuhan pai bipia mindhe-ndhe di niten-pos nya cem mikuk yok bak Nebukadnezar ba, ninyeng tak kep yok.”

YEREMIA 43:10

Leu api apai biyok Da di tuhan Di Disindem Bibor di Allah Israel midicuk Ditde awak Nebukadnezar di nibou ndig minu Babel kwei ei mpia dima yo. Lene noni miwin nide banggo mbrei ba, bohok nide prak meng di ndo tut ninyeng jeisi ei tig ndig ngat di atig ei dihyeiti dima yok dip.

YEREMIA 49:30

Je di mben Hazor e, Da di tuhan disok kep je jikiju bijipri leu minu ndig dini ba, jiku je ei minu ting. Nebukadnezar di nok nibou ndig mem minu Babel kos tut mem gima njei siceu bihwen je tu. Ba, noni pai,

YEHEZKIEL 29:12

Midibindei minu Mesir ba, mpia mbum-bra bram. Minu Mesir nimbum-brati dor tunggwei bibor leu minu hiter ide nimbum-brati a. Minu ndig ngot ei minu Mesir miwer ig kum kroi bibor dor njiriek minu ndig nindigsi nya ide niwer ig kum kroisi nya. Midibindei ba, mben Mesir inok yo di ipri-pri nyen bintek bidem minu hagom bibong ngkiai ei yo di hiter nya ikieti he.”

YEHEZKIEL 30:24

Leu api midibindei sindem nibou ndig minu Babel ninda pang leu api midikes Ditde singau simeda ei nindati. Noro mididahat nibou ndig minu Mesir ninda pang nya leu api noni mahara nidut-niwei bimai ei nide nitok di nibou ndig minu Babel noho bei.

DANIEL 4:12

Nimeng nggrou ba, ningat di kei-kau-kei ntun him. Ningat dima mang bibor bidem mem tungwatu dihyeisi dini hagom ipuk bigyem. Mindhe-ndhe di yehek bi nya ikkou bibong igbit nohousi. Ha nya cem itot yaham bidem ninda nya ba, mun di ninnei tau nuhwap nsi ninyeng hagom igyem ningat di ntun him nya cem.

DANIEL 4:22

Andigpoi e, biei di jei bibor bisindem bibor cem dima ne nani ri. Anyeng jeisi kum eisi kikau ug bipek kin mpia-bbed him. Ade ninyeng tak kepti mbut sindem bibor bikieng kep dihyeisi dini hagom tu.