YEREMIA 27:5 - ALLAH NIHYET MEM TUNGWATU NYA

⁵ “Diba Ditde nisindem biborti kin dinda di sindem bibor bipai tes dihyeisi dini kin tungwatu nya kin mindhe-ndhe nya hagom. Diyai gima yok hagom bak no di didimig ei bit leu dingon kanti.

YEREMIA 27:5 ပူးပေါင်းရင်းမြစ်များ

NITRITI 1:25

Gima rino Noni pai tes mindhe-ndhe nya bitug kep dihyeisi hagom ba, ningon llei tirigi ngat mun di Noni pai tes dima yok.

NITRITI 9:6

Lewo dipai tes tungwatu nya itta noyam kin Danti ditta. Gima rino tungwa tou rino hwen mun lene no dima mitug ndei nimai leu tungwatu nya drek dip.

NIBOU NDIG NYA GI NIGOM 8:42

kin mun di mindur di abon mem Ade limwa nya lene kwei kuk no biNa ei Ade Ig dini,

EZRA 1:2

“Da di Nibou Ndig Kores dinyeng tak kep mben Persia ba, ditri tut dicuk jeti. tuhan di nok Allah di ninyeng tak kep gwamti bindei ba, dinyeng tak kep tungwatu bidem dihyeisi dini hagom. Noni cuk da leu binhyepo diwin Ig nibousi gom mem Noni ei minu ndig Yerusalem ei hanjop Yehuda.

NEHEMIA 9:22

Asindem tut yok leu binhyepo ihwen ide siceu di mben ngkiai ei hanjop nsi di bikrop ttai ide minu jep nya. Icoi bigyai nibou ndig Sihon de minu ndig Hesybon kin nibou ndig Og de minu Basan bigyati.

MAZMUR 102:25

Leu api dahara Noni “Allah e, ma ayai dinnei leu da mem ditde njap nahacanti dini au.” Na di tuhan ayaijo ninno bijo kikau.

MAZMUR 96:5

Ngkiai nya ide mun di ikuk yok bak nya ne kwar he. Noro tuhan pai tes mpia-bbed him.

NEHEI LEUSI 20:11

Lewo Da di tuhan dipai tes dihyeisi kin mpia-bbed him kin muk ngeisi bitut mun di joti nya hagom mem njap nitindur muhwindagom. Noro dikes dinda tut midyai bidigwam kep dinghuisi ei njap gi nimuhwindacan. Gima rino Da di tuhan dijoi sut Njap Nigwam Kep Ninghuisi lene dibindei bikwes-kwau kei mem Da.

NEHEI LEUSI 6:6

Midibindei ba, mijinok Ditde limwa nya leu api mijikuk je biDa. Mijo nibreisi mem je bipia Dani ne tuhan bidinok jide Allah di teu je bijingwes ngun leu mben Mesir di iba isibut bico kep je ri.

YESAYA 42:5

tuhan Allah pai tes mpia-bbed him biprion ei anai. Noni pai tes dihyeisi dini kin mun di hei bidem ninjek dip hagom. Noni yai niyaijo kin ninnei bak tungwatu nya yahagom. Nogindini tuhan pai bak Nide awak,

YESAYA 44:24

Jide tuhan di teu je leu jide sisar bipai tes je ei jipmem bat nya inghopti pai “Dani ne Nipai Tes Mun Cig ri. Dangkom diprion mpia-bbed him ei anai. Tirigi dipai tes dihyeisi lene hi mpu Da bi.

YESAYA 45:12

Dani ne tuhan rin ba, dipai tes dihyeisi dini leu api dipai tes tungwatu nya leu binhyepo ibong kei igwam kei eisi. Diba Ditde nisindemti biprion mpia-bbed him ei anai ba, dinyeng tak kep mpia njap kin bed mmun kin ham mpia-bbed him nya hagom nimbutti nya.

YESAYA 48:13

Dibon dihyeisi dini nikiou bou dinda him bidikes bijo nijoti ba, diba niban bijun mpia-bbed him cem. Gino dihig dihyeisi kin mpia-bbed him kwei lene ikwei didiyam.

YESAYA 51:13

Mei, jibbwe ser jide tuhan di pai tes je di ba niban bijun mpia ei mpia-bbed him kin gi prion dihyeisi dini nikiou cem tu e? Nggon rino jidigit tut yo di ico kep tungwatu ide nigga biborti di itin ei mem gima icok tut tungwatu mem njap jei i? Ningat ne ide nigga biborti dima mingget je bi.

YEREMIA 27:4

Suar dipai biyok bipia tuhan Di Sindem Bibor di Allah Israel pai,

YEREMIA 32:17

“tuhan Di Ninyeng Jei e, Nani rino aba Ade nisindemti di nindig bibor bipai tes mpia-bbed him kin dihyeisi dini. Mun nyeng hi di nggruk mem Nani bi.

YEREMIA 51:15

tuhan ba nide nisindemti bipai tes dihyeisi dini. Noni ba ningon kiti bibon minu nya hagom lene ba nintin kimboti bikes mpia-bbed him cem bijo nijoti.

DANIEL 2:38

Noni ta na di Andigpoi ba, anyeng tak kep tungwatu dihyeisi dini kin mindhe-ndhe kin ha nya yahagom. Kwar nibou di nok mas pima bindo tut na di Andigpoi ri.

DANIEL 4:14

Noni ba nihyet nindig bibor bahara ‘Ma awim biei dima ba, ape ninda cem. Asrop nimeng ba, apuk ningat lene acom hagom hak ug. Ma ajji mindhe-ndhe di ibong nibehei nya kin ha nya di itot yaham ei ninda-nda nyati bingwig ug.

DANIEL 4:17

Nye di malaikati di niput-put nyen binitindei ser mun di micut igkep nye nikos tut bak no dima tu. Gima rino suar tungwatu dihyeisi dini hagom ikan tut bipia Allah Di Ninyeng Jei Bibor sindem tut nibou ndig nya bitut inyeng tak kepti nya hagom. Nongkom he rino ta nibou nya bit leu Nonti ningon kanti. Gino joi sut lene Noni ta no di bon ninyeng bi binok nibou ndig bu.’

DANIEL 4:22

Andigpoi e, biei di jei bibor bisindem bibor cem dima ne nani ri. Anyeng jeisi kum eisi kikau ug bipek kin mpia-bbed him. Ade ninyeng tak kepti mbut sindem bibor bikieng kep dihyeisi dini hagom tu.

DANIEL 4:25

Tungwatu mijji nani ug ei minu ting leu yok leu api abong bit mindhe-ndhe di tungwatu nya ipijuk bi nya. Ayem mintu-minta dem kep nok sapi nya ba, abong bas hak. Nggou kui nati cem kikau mem ari bingwam muhwindacan. Mpe dima lene angon jo kep bipia Allah Di Ninyeng Jei Bibor sindem tut nibou ndig nya bitut ide ninyeng tak kepti nya hagom ba, Nongkom he rino ta yok bit leu Nonti ningon kanti.

DANIEL 5:18

Allah Di Ninyeng Jei Bibor ta acig Nebukadnezar nok nibou ndig di ninyeng jei bibor bisindem bibor cem ba, tungwatu nya yahagom ikuk yok bak.

KISAH 14:15

“Andigpoi jen, jiyai nok gini leu binggon i? Nyeni cem tungwatu dihyeisi dini noyam kin jeni! Nikwei tri tut Nihyet Di Kei ba, nibrim je leu mun di bon ninyeng bi dini yok leu binhyepo jikuk je bak Allah di niyaijo di pai tes mpia-bbed him kin dihyeisi dini kin muk ngeisi bitut mun di joti nya hagom.

KISAH 17:24

Allah di pai tes dihyeisi dini bitut mun di joti nya hagom ne Tuhan mem mpia-bbed him kin dihyeisi dini ri. Noni bong ser ig kwar di tungwatu ibon bou inda him bi.

KISAH 17:26

Noni ripo pai tes tungwagom nok ide pung di intun him lene bindei ba, tungwatu nya ibong bidem dihyeisi dini nisurti-nipekti. Nipou tirigi Noni pai tes yok bigyo ne Noni nyohou kos tut ide nijam di igyaijo kin mpia ttou nsi di ibong eisi cem.

NINDAT KEP TUHAN NICUKTI NYA 2:19

Tirigi jikes je kikau kak puig ei minu Moab lene mijidideu minu Amon. Yoni ne yo di intun Lot him ri. Ma jiwaisi yok bijihwen yok cem au. Lewo midipek dihyei hanjop nsi di diyai biyok tu dima hi poi mien leu yok bak jeni cem bi.’ ” (

NINDAT KEP TUHAN NICUKTI NYA 2:21

Mben Zamzumim cem intig bou anjan ndig ngat nok mben Enak pima. Yoni isindem bibor ba, imang bibor cem. Noro tuhan bindei sar yok tug hon mben Amon di ihwen yok leu bibrim minu dima bigyati.

NINDAT KEP TUHAN NICUKTI NYA 2:7

Ma jiyok ngon kep bipia jide tuhan Allah njei mun di kei bak jeni tut mun di jiyai nya ninyeng hagom tu. Tirigi jimbut-mbut wai ei iggum ndigsi di nyan bibor dini lene tuhan nyohou jeni kikau. tuhan ngkiem ser je kikau ei nijam ari bingwam ningot bitai dini ba, yai mun di jisuar nya hagom bije tu.

NINDAT KEP TUHAN NICUKTI NYA 2:9

Mpe dima ne tuhan pai bida ‘Ma jiwaisi mben Moab nya au lewo yoni ne Lot de di intun noni him di bram yam nya ri. Ma jihwen yok cem au. Diyai minu Ar bak yoni tu lene midipek ide dihyei hanjop nsi hi poi mien bak jeni cem bi.’ ” (

NINDAT KEP TUHAN NICUKTI NYA 32:8

Tirigi po No Di Ninyeng Jei kwas dihyei hanjop nsi nya leu yam pima lene Noni pek hanjop nsi bibikwop mben nya hagom. Lene Noni sindui sut mben hi gom hi gom ikuk yok bak ide kwar nya.

NINDAT KEP TUHAN NICUKTI NYA 4:17

kin mindhe-ndhe nya kin ha nya,

NINDAT KEP TUHAN NICUKTI NYA 4:25

Tirigi jibong kei jigwam kei ei minu dima wer ninno ba, jibon jimunggwom bat nya kin jignyon bat-jidrot bat nya tu lene ma jibon sisar tug hon gima jibon kwar di jikuk je bak hi bou jinda him au. Mun dima ne sisar ei tuhan niyai him rin lene mibindei ba, ningon sibui sut je.

NINDAT KEP TUHAN NICUKTI NYA 4:32

Ma jiba jingon bisrip huk nijam gi nipou nya kin nijam tirigi jipmem bat nya isrek tut je bigyo kin nimbie him tirigi po Allah pai tes tungwatu nya ei dihyeisi dini ba, jiput ser dihyeisi dini ninjek dip hagom. Dihig ser je bipia mun di mindur nok gini hi pek kep mem tungwatu nya nipou su e? Tungwatu nya imiap tut mun di mindur nok gini ninghapti tu e?

NINDAT KEP TUHAN NICUKTI NYA 4:35

Allah ndo mun dini yok hagom brei bije nok mun di bindo bipia Nongkom ne Allah rin lene kwar di tungwatu nya ikuk yok bak hi ningat rin bi.

NINDAT KEP TUHAN NICUKTI NYA 5:16

Ma jikon jicig bat-jipmem bat nya inyeng ba, jinyohou yok. Gini ne jide tuhan Allah nicuk jeti rin leu binhyepo jibong kei jigwam kei ba, jide njap jei ei minu di midikwas tut je.

NINDAT KEP TUHAN NICUKTI NYA 9:29

tuhan e, ma ayok ngon kep bipia yo dini ne mben gom di adimig ei binok Ade limwa nya leu api aba Ade nisindemti di nindig bibor bibuwak yok kwei leu minu Mesir ri.”

KOLOSE 1:16

Allah ba Kristus bipai tes mun nyeng di ningat rin ei gwamti kin mpia-bbed him kin dihyeisi dini hagom bitut mun di tungwatu nya ingat brei kin mun di bit bon ingat bou igyai him kan bi nya bitut ninnei di isindem bibor nya kin ninnei di inyeng tak kep ide limwa nya hagom. Allah pai tes mun nyeng hagom tug hon Kristus lene mem Noni cem.

IBRANI 1:2

Noro ei nijam di ningwigsi dini Noni mbrap bit nye tug hon Nipmot. Allah pai tes mun nyeng hagom tug hon Nipmot bindo Noni nok No di mbun mun nyeng hagom.

NINGAT-HI-NGAT NYA 4:11

“Tuhan e, nyende Allah e, Nangkom dem mem gima ayai anyeng jei kin nikei-kau-keisi kin nisindemti. Lewo apai tes mun nyeng hagom ba, hagom jo nijoti bigyai niyaijo tug hon angon kanti.”