YEREMIA 26:8 - ALLAH NIHYET MEM TUNGWATU NYA

⁸ Tirigi dikes dihyet tut tuhan nicuk dati nya hagom tu lene yo dima ikat da kros ba, ighyet ngwig kep da bipai “Suar ma ayai nimai drek dip ahyet di atri tut dima.

YEREMIA 26:8 ပူးပေါင်းရင်းမြစ်များ

NIBOHON MBEN ISRAEL GI NICAN 36:16

Noro iba tungwatu nya di tuhan pinak yok kwei nya bikek ba, ipa tut Nide nabi nya bico kep nihyet cem. Apino bitig di tuhan gga yok dino bitbon puig hi mem gima ingwes ngun leu hukum di Noni mikes ei yokti dima bi a.

YEREMIA 18:18

Lene yo dima ipai biyam “Jikwei ba, igyok ingon gom mem gima ihwen Yeremia. Nongkom he rino tri tut Allah nihyet binye bi. Noro ide imam nya di ingginau nye kin ide andigpoi di ingon ki di ipingok nyeni ingonti kin ide nabi di itri tut Allah nihyet binye mingat rima mem nye kikau yo. Jikwei ba, ipai kep Yeremia ei nikei noho bei leu binhyepo noni bindin nye kikau bu bi.”

YEREMIA 18:23

Noro tuhan e, akan bidem tut ide nuhum yam nsi mem gima igyai nimai bida. Ma akos ser igyai munti di kinei kin ide sisar au. Ma abui yok ba, anjei yok bibou icut ug e. Ma aba angon sibut biborti biyai yok.”

YEREMIA 2:30

Dikes hukum ei je dip mikui-kausi he lewo tirigi disok kep je lene jingkek ndok. Jinok singa di yau-yau nyen ba, jihwen jide nabi nya bimai su.

YEREMIA 32:3

Noni pai kep da drek dip gi dipai hak ei imang bibor yoho bei bipia tuhan pai “Midisindui sut nibou ndig minu Babel ba, noni mibindei timek minu ndig dini leu ba, yai biyati,

YEREMIA 43:1

Tirigi ditri tut tuhan di Allah Israel de nisok nihyetti hagom bak limwa nya bit leu Nide nicuk dati biyok tu,

AMOS 7:10

Amazia di nok imam ei minu ndig Betel sok nihyet bak Nibou Ndig Yerobeam di ninyeng tak kep mben Israel bipai “Amos kin ade limwa nya yuhum yam nsi mem na di Andigpoi. Noni ba nihyet di tri tut bikes ningon bak ade limwa nya leu api bindei ba, minu dini timek bingwig.

MATIUS 22:6

Ba, nindigsi nya ikat awak nya bibui yok ba, ikimukep yok cem.

MATIUS 27:20

Noro imam nindig nya kin nibou mben Yahudi nya ikes ingon di mbuk tut Yesus bak tungwatu ningot ndig dima yok leu binhyepo yahara Pilatus bipia kes Barabas leu ig bui nsi mem yok leu api jem nimai gau Yesus.

KISAH 5:33

Tirigi Nikei Puig Yahudi Nya imiap ibuhupti dima rino ingon sibui sut yok nindig bibor bipi bihwen yok hak ug.

KISAH 7:52

Jide pung di jintun him nya ihwen bit nabi yahagom ba, injiriek igom bi. Ihwen yo di igya hacan di Allah pinak yok kwei di itri tut Nide Awak di ningon sren-srau nikweisi nipou su. Njap gi pini jug jibakilak bijihwen Allah De Awak dima tu.

NINGAT-HI-NGAT NYA 18:24

Minu ndig Babel tug ndei hukum drek dip nabi nya kin Allah de limwa nindigsi nya kin hiter di igyai nimai nya yahagom inggrom di biam ei minu ndig dima.