YEREMIA 26:4 - ALLAH NIHYET MEM TUNGWATU NYA

⁴ tuhan cuk da leu binhyepo ditri tut bak yo dima “Da di tuhan dipai bije bipia suar jibit dihyet kin diggai serti nya di diyai bije tu.

YEREMIA 26:4 ပူးပေါင်းရင်းမြစ်များ

NIBOU NDIG NYA GI NIGOM 9:6

Ne gino nani kin ade nintun him di bram yam nya jikes hon ba, jibit diggai serti kin dicuk jeti nya bu bi ba, jikuk je bak nung nya,

YESAYA 1:20

Gino jisrep tut dihyet ne mporo mijiyai nimai ei pranti. Da di tuhan disimbot dat tu.”

YEREMIA 17:27

Mun dima yok hagom mimbut bipek kep mem je gino jibit dihyet ba, jidimig Njap Nigwam Kep Ninghuisi pijum ei mem Da. Ma jikon ndigban nyeng gom mem njap dima ba, jibicoi kak dimbou pmem kwei ei minu ndig Yerusalem au. Gino jitunggwei Ditde nicukti dima yok ne midindig dimbou pmem minu ndig Yerusalem nya kin ig nibou ndig nya hagom bitimek bingwig hak. Bit bon jimu hum dima kan bi.’ ”

YEREMIA 22:5

Noro gino jibit Ditde nicukti nya bi ne diba neheng bipai bipia ig nibou ndig de dini mitti binok ig kum kroi bijo ei. Da di tuhan disimbot dat tu.

YEREMIA 32:23

Noro tirigi ikwei bong ser minu dini ba, igyai bigyati ne igibit Ade nicukti nya ba, igiyaijo dem igbit Ade ningginausi nya cem bi. Igiyai mun nyeng hagom di acuk yok tut nya gom cem bi. Gima rino bitig dino akes mun di buhun dini yok ei yok dip a.

YEREMIA 44:10

Noro jigoom kep jenti bi kikau bipek ammani kep. Jikon dinyeng ba, jigibit Ditde nicukti nya di diyai bije kin jidigup bat-jidigai bat nya bi.

YEREMIA 44:23

Jide nibon midut nindig mindhe-ndhe ei humti ba, jibikuk je bak kwar nya cem jibon sisar tut tuhan cem jigibit Nide nicuk jeti nya bi cem hagom bindei ba, njap di ammani jitimieisi timek tu. Tungwatu ibong ser mpia dima bu bi. Noro iba minu dima ninyeng bisigion yam. Yo di ingat gima yok nya igyai ttin ningat tu.”

YEREMIA 7:14

Gima rino midikes hukum ei Ditde Ig dini di jiba jingon com di diyai bak jidigup bat-jidigai bat nya kin jeni dip noyam kin hukum di dikes ei Silo dip.

NINDAT KEP TUHAN NICUKTI NYA 11:32

lene ma jibit nicukti nya hagom di ditri tut bije njap di ammani.”

NINDAT KEP TUHAN NICUKTI NYA 31:20

Midibie tut yok ba, micoi ug ei minu di bon ninnumti di kei bibor dima bit leu nok dipreu ei mem idigup bat idigai bat nyati. Yoni migyem kep njita ninyeng hagom nok gi dem mem yok apino mibong kei migwam kei ei sirima. Noro jei bi lene yoni mingkwei hanyen leu Da ba, mikuk yok bak nung nya. Yoni mirok Da ei itta leu api mikrau kep mun po dipreu ei mem yok pima cem bi.

NINDAT KEP TUHAN NICUKTI NYA 4:44

Leu api Musa yai Allah niggai serti kin nidimig sutti nya bak mben Israel.

NINDAT KEP TUHAN NICUKTI NYA 4:8

Ngkiai nya di isindem bibor nindigsi hi bon niggai serti di sren kei dem kep nok nicukti di dingginau je tut njap di ammani bi.

IBRANI 6:18

Bit bon mun nyeng can pima nggek ba, Allah ris mun tut gima kan bi. Gima rino ingwes ngun ug ei Nonti nindati. Mun dini yok biwin kep ingonti leu binhyepo ikrau kep mun di igyok ingon mem di jo bei nyeni yoho bei.