YEREMIA 26:13 - ALLAH NIHYET MEM TUNGWATU NYA

¹³ Gima rino ma jiluei jingonti tut jiyaijoti kin jiyai munti nya leu api ma jibit tuhan di jide Allah nihyet. Gi jiyai nok lene Noni miluei ningonti tut mun di buhun di Noni mikes ei je dip.

YEREMIA 26:13 ပူးပေါင်းရင်းမြစ်များ

YUNUS 4:2

Lene noni ngat nadi bipai “tuhan e, tirigi dijo leu ditimieisi bigyo ne dikan tut bipia mporo abindei ba, timiei minu ndig Niniwe mittin ser ide sisar. Dikan tut bipia angondut tungwatu nya ba, angon nggriu sut yok. Aom angon tut yok ba, asingat tut yok leu api atin ei mem gima aluei angonti tut hukum di akes ei yok dip. Apino bitig dino dinang leu Ade nicuk dati leu api dinang ug ei minu Spanyol leu a.

YUNUS 3:9

Mpaba Allah miluei ningonti bikes hon ba, ningon sibui sut nye bu bi apino isar bi.”

YESAYA 1:19

Gino jibit dihyet ne mijiyem kep ningat di kei hagom di hei ei jide minu dima.

IBRANI 5:9

Yesus yai kep Nide midyai nok No di teu tungwatu nya leu ide sisar dima biput leu api ta Nonti nok nibousi mem niteu leu sisar kin niyaijo nijepti di jo kikau mem yo di ingon gom tut nicuk yokti nya.

YOEL 2:14

Mpaba tuhan di nok jide Allah miluei ningonti lene bindei ba, jide beisi nya hagom minnum kei hanyen e? Gi nok ne mijikwas jide ba anggur ngei kin jide gandum ngat ndrim hi tut Noni.

YEREMIA 38:20

Lene dibuhup “Nok gima bi. Tentara dima mikes na ei yo dima indati bi. Dibidip huk na di Andigpoi leu binhyepo abit tuhan nicuk nati hak ug. Gino ayai nok gima lene hagom mimbut kin gi kei bibor lewo isindui sut na ba, angwes ngun.

YEREMIA 36:3

Mpaba timiei Yehuda nya imiap tut mun di buhun bibor di dikos dat bidikes ei yok dip lene ikiek yok leu igyai munti di kinei bibor nya. Gi nok lene dikos ser ide sisar kin igyai munti di kinei bibor nya.”

YEREMIA 35:15

Dipinak Ditde awak di nabi nya yahagom ndam je tu. Isok kep je leu binhyepo jikinding jiyaijoti bikei ba, jikes hon jiyai munti di kinei leu je bijo kikau tu. Nabi nya ipingok jingonti leu binhyepo jiyok ngon kep bipia ma jikuk je bak ngkiai nya ide nung nya ba, joom jenti bijinok awak mem yok au. Gima hagom nok leu binhyepo jibong kikau ei minu di dikes bak jidigup bat-jidigai bat nya dini. Noro jigingig jitingou mem dihyet bijimiap kep bi.

YEREMIA 26:19

Noro Nibou Ndig Hizkia kin timiei Yehuda nya igyai nimai bak Mikha bi. Leu api Hizkia kuk no bak tuhan bahara Noni bingondut yok. Lene tuhan luei ningonti tut mun di buhun bibor di Noni mibindei cut igkep yok. Noro tini bu ne nahanok minibindei ba, mun di buhun bibor micut igkep nye.”

YEREMIA 26:3

Mpaba Ditde limwa nya ingig itingou mem ahyet bittin ser ide sisar. Gi nok lene midiluei dingonti tut mun di buhun di dikes ei yok dip drek dip igyai munti di kinei bibor nya.”

YEREMIA 18:8

apino mben dima ittin ser ide sisar leu api midiluei dingonti tut yok.

YESAYA 55:7

Ma no di sibut kes hon ba, sibut bu bi. Ma noni luei ningonti tut niyai munti nya bikwei kuk no bak tuhan di ningon nggriu. Ma noni ngkwei hanyen ndam tuhan di ngondut noni. Lewo tuhan kos ser nide sisar.

YEHEZKIEL 33:11

Ma apai biyok bipia deheng bitug hon Danti di tuhan Di Dinyeng Jei Bibor cem Allah di niyaijo cem dinyeng bipia dingon kei drek dip no di mbuk nitug midutti bi. Noro dijoi sut gino noni ttin ser nide sisar leu binhyepo hek tut niyaisi. Je di mben Israel e, ma jimbres jenti leu sisar hagom. Nggon rino jingon llei sut gi jitug ndei nimai i?

YEREMIA 42:10

‘Gino jijoi sut jigwam ei jitimieisi kikau ne midibindei timek je bi. Noro midahati tut je. Dibindei bijiya ngkiem kei bijitti bi. Dingon ngguk bibor tut gi dikes mun di buhun ei je dip tu.

NIJAM NIKEI NYA 2:18

Tirigino tuhan dimig mben Israel ide nibou gom ei bimpu noni leu binhyepo bie tut yok biteu yok bingwes ngun leu ide siceu nya lene yahagom ibong kei igwam kei kikau bibou nibou dima mai leu yok ug e. Ei nijam dima ne tuhan ngondut mben Israel lewo ingon buhun tut ide siceu di imbuk tut yok bico kep yok.

NINDAT KEP TUHAN NICUKTI NYA 32:36

tuhan teu Nide limwa nya tirigi Noni ngat bipia isindem bi. Noni ngondut Nide awak nya tirigi Noni ngat bipia inghuisi jet.

NEHEI LEUSI 32:14

Lene tuhan ningonti nggek ba, Noni kes mun di buhun bibor pima bicut igkep Nide limwa nya bit leu nok nipaisi pima bi.

YEREMIA 11:4

Dibon gi preu dima mem idigup bat-idigai bat nya mpe dino dibuwak yok kwei leu minu Mesir mpia di nok komfor hum di cig-cai biyem yok. Disok kep yok leu binhyepo ibit dihyet ba, ibon kep Ditde nicuk yokti nya hagom. Tini bu ne dipai biyok bipia gino ibit dihyet lene yoni minok Ditde limwa nya ba, dinok ide Allah cem.

YEREMIA 18:11

tuhan pai bida “Nogindini ma atri tut bak timiei Yehuda kin timiei minu ndig Yerusalem nya bipia dikos dat bipia ditte tut yok leu api midikes hukum ei yo dip. Ma asok kep yok leu binhyepo ikiek yo leu igyai munti di kinei bibor nya leu api ikinding igyaijoti kin igyai munti nya bikwes.