YEREMIA 24:7 - ALLAH NIHYET MEM TUNGWATU NYA

⁷ Midiyai ningon di nyei nihim kin ningon di huk niti biyok leu binhyepo ingon huk niti bipia Dani ne tuhan ri. Mpe dima lene yoni inok Ditde limwa nya bidinok ide Allah lewo iba ingon di gom bingkwei hanyen ndam Da.

YEREMIA 24:7 ပူးပေါင်းရင်းမြစ်များ

IBRANI 8:10

Noro tini bu ne dibon gi preu dini mem mben Israel. Ei nidipti bu ne Tuhan pai ‘Midindim dicuk yokti nya ei ibou ngwakti bidipas hagom ei ingonti. Mpe dima lene Dani midinok ide Allah lene yoni minok Ditde limwa nya.’

YEHEZKIEL 37:23

Yoni mikuk yok bak kwar di mpiei bibor bi lene ibon sisar di bindei ba, map kui yokti bu bi. Midikwek yok leu ingon di mang di bindei ba, igyai mun kinei sut Da hagom. Midibindei ba, ingon kwes-kwau leu binhyepo inok Ditde limwa nya ba, Dani ne ide Allah ri.

ZAKHARIA 8:8

bidibuwak yok hanyen kwei leu nite bei mpia nipriti kin nite bei mpia nicutti kwei leu api ibong ei minu ndig Yerusalem hanyen bu. Dibindei ba, inok Ditde limwa nya lene dinok ide Allah. Midiba ningon gom kin ningon sren binyeng tak kep yok.”

ROMA 6:17

Noro ma jikwei ba, ipai sigyo bak Allah! Leu mbro nok gino sisar ubon je bijinok awak nipou su lo, tini bu ne jiba jingon titut yam bibit ningginausi di nijit-jau di Allah yai bije tu.

SAMUEL GI NIGOM 7:3

Lene Samuel pingok mben Israel ingonti bipai biyok “Gino jikos tut bipia jiba jingon titut yam bikuk je bak Allah lene ma jicom kwar Asytoret kin kwar nindigsi nya di jikuk je bak hagom leu je ug e. Lene ma jikes jenti titut yam bak Allah ba, jikuk je bak Nongkom cem leu api Noni miteu je leu mben Filistin indati.”

YEHEZKIEL 37:27

Midibong bit yok bidibon Danti nok ide Allah leu api yoni inok Ditde limwa nya.

ZAKHARIA 13:9

Timiei minu dini nittou nsi gom he rima ingwes ngun ug a. Ba, midibindei kwes yo dima noyam kin mas kin perak di iba hum bikwen di pimbai. Lene yoni ingat nadi biDa bidibuhup ighyet. Midipai biyok bipia yoni ne Ditde limwa nya rin ba yoni cem mipai jit bipia Dani ne ide tuhan Allah ri.”

YEREMIA 3:10

Tirigi ibon mun dima yok hagom leu su lene timiei Yehuda nya di ingon gom tut Da bi pima iba ingon can bingkwei hanyen ndam Da. Lewo ingon sren hak bi. Da di tuhan disimbot dat tu.”

YESAYA 51:16

Dani rino diba Niban bijun mpia ei mpia-bbed him bidiprion dihyeisi dini nikiou cem tu. Dipai bak timiei Sion nya ‘Ditde limwa nya rijeni. Diyai Ditde ningginausi bije bidiba Ditde nisindemti binyohou je.’ ”

NIBOHON MBEN ISRAEL GI NICAN 6:38

Gino iba ingon titut yam bittin ser ide sisar ei minu ting dima leu api ikiek yok ba, iba yoho rok minu di ayai bak nyeni nidigup bat-nidigai bat nya di adimig ei su dini kin Ade Ig di dingot mem Nani,

IBRANI 11:16

Noro igyok ingon mem minu di kei di dor njiriek bu ba, minu dima ne gwamti ri. Gima rino tirigi ijem Allah nok ide Allah lene Noni mmai sut bi lewo win minu jep mem yok tu.

MAZMUR 119:2

Yo di ibit tuhan nicukti ba, iba ingon titut biyai hamem gima ikan tut Nide nicukti nya ingon nggei-hi-nggei.

YEREMIA 7:23

Noro dipai nicukti gom ngat dini biyok. Suar ibit dihyet leu api dinok ide Allah lene yoni inok Ditde limwa nya. Lene dicuk yok bipia suar ibit dicuk yokti nya leu binhyepo ibong kei igwam kei.

YEREMIA 11:4

Dibon gi preu dima mem idigup bat-idigai bat nya mpe dino dibuwak yok kwei leu minu Mesir mpia di nok komfor hum di cig-cai biyem yok. Disok kep yok leu binhyepo ibit dihyet ba, ibon kep Ditde nicuk yokti nya hagom. Tini bu ne dipai biyok bipia gino ibit dihyet lene yoni minok Ditde limwa nya ba, dinok ide Allah cem.

YEREMIA 29:10

tuhan pai “Tirigi nijam ari bingwam ningot muhwindacan dem mem minu Babel tu lene midingig diyai kep je hanyen bu. Ba, midiyai mun bipek kep Ditde nipreu ei mem jeti bidibuwak je hanyen kwei ei jitimieisi dini.

YEHEZKIEL 14:11

Dibon nok gima yok ser hyema mben Israel yoom yonti ei minu ting leu Da cem bibindei ba, map kui yokti cem bi. Apino inok Ditde limwa nya lene Dani dinok ide Allah. Da di tuhan Di Dinyeng Jei Bibor disimbot dat tu.”

YEHEZKIEL 16:62

Midibon gi preu nijep bit na apino akan tut bipia Dani ne tuhan ri.

YEHEZKIEL 39:22

Hon kep njap dima kui mben Israel mikan tut bipia Dani ne ide tuhan Allah ri.

YEHEZKIEL 11:17

Gima rino ma apai biyok Da di tuhan Di Dinyeng Jei Bibor dipai bipia midinduk yok kwei leu minu di intek ug eisi nya hagom ba, diba yo bicom yam hanyen. Leu api dingkwei dihyei Israel bak yoni hanyen.

HOSEA 2:22

Midibindei ba, mpia but leu mpia-bbed him ug ei dihyeisi mu leu binhyepo gandum kin ba anggur kin mini zaitun ngat ningat nindig bibor.