YEREMIA 24:2 - ALLAH NIHYET MEM TUNGWATU NYA

² Biei ara ningat di kei bibor di len bibor ei nijam biei ara ngat ningat nimbie him nya ningkom jo kui bansi nigom. Noro biei ara ningat gi kroi ningkom jo kui bansi gi nican ba, dem mem igyemti bi.

YEREMIA 24:2 ပူးပေါင်းရင်းမြစ်များ

YESAYA 5:4

Notou dinyohou miai ba anggur dima bu i? Lewo dimpig bou kep bidicom dahanggwap tut wer ninno tu. Nggon rino anggur dima ngat ningat di hyenha lene ngat ningat di nyop kei hi biDa bi i?

YESAYA 5:7

tuhan Di Sindem Bibor Nide miai ba anggur nghousi dima ne mben Israel ri. Timiei Yehuda nya ne ba anggur nikioi di noni ta eisi nya ri. Noni yok ningon mem gima ingon sren-srau noro yahagom imbuk bibor. Ningon ya mem gi yahati tut mun di nijit noro yo di inso tut nikei nikos tutti di sren bi nya ighyet tibim ei nitingou nsi.

YEREMIA 29:17

tuhan Di Sindem Bibor pai “Midikes pran kin ninggum kin nsuwer ajar ei yok dip. Dibibon yok ba, idem kep biei ara ningat di kroi bibor di dem mem gima tungwatu nya igyem kan bi.

HOSEA 9:10

tuhan pai “Nimbie him ngat di dittau kep mben Israel ne dingon nggei-hi-nggei bidem kep no di ttau kep ba anggur nghousi ei iggum ndigsi. Nimbie him ngat di dingat jidigup bat-jidigai bat nya ne dingon kei bidem kep no di ngat biei ara ningat gi nimbie him ngat. Noro mpe di yoni yuug krau Nungug Peor ne ikinyon ei nikuk no bak kwar Baalti. Apino map di kui kwar di ingon ngakei dimati kui yokti bu.

MIKHA 7:1

Buhun bibor mem da! Dinok no di nggum di nggok biei ngat di ntun biei him nya kin ba anggur ngat di ntun ba anggur him niabiati nijam njiriek tu lo, ningat hi jo him bi. Tungwatu nya ipuk ba anggur ningat kin biei ara ningat hagom bingwig leu su.

NAHUM 3:12

Ade tentara nibousi di igya coi nya hagom midem kep biei ara di mpung tut ningat di nggwop nya. Gino ikit biei dima ne ningat llet ei yo di ijoi sut igyem nya insi.

MBEN ISRAEL IMBUT-MBUT NYEN 18:13

Ama mun nyeng dima yok hagom bou na nok ade. Noro disindui sut ba, bikwop ade bat nya di map kui yok bi cem igyem kep.

MATIUS 5:13

“Jinok nsim mem tungwatu dihyeisi dini hagom. Gino nsim mbum hanyen binyop bi lene bit bon ikinding binyop hanyen kan bi. Nsim dima kinei su apino tungwatu nya icom ba, ico kep hak ug.