YEREMIA 21:7 - ALLAH NIHYET MEM TUNGWATU NYA

⁷ Midisindui sut ba, Nibou Ndig Nebukadnezar om ningon tut je bingondut je bi sren. Noni kin nide limwa nya migyai nimai bina kin yo di igya kui na kin yo di ingwes ngun leu pran kin ninggum kin nsuwer ajar cem jahagom. Da di tuhan disimbot dat tu.”

YEREMIA 21:7 ပူးပေါင်းရင်းမြစ်များ

YEREMIA 37:17

Njap poi ser lene Nibou Ndig Zedekia hig da kwei ei nide ig leu api hig ser da nyahan “tuhan sok nihyet gom-gom kin bu ei nani dip e?” Lene dice bidipai “I, jei bi ne acut ei nibou ndig minu Babel nindati ri.”

YEHEZKIEL 7:9

Dingondut na bidikos ser ade sisar kan bi. Dikes hukum ei na dip bit leu mun di suwok hagom di abon tu nya. Leu api mporo akan tut bipia Dani ne tuhan rin ba, Dani rino midikes hukum ei na dip.”

YEREMIA 13:14

Leu api diba yok bibui yam nyen. Midingon nggriu sut ndigpoi nya kin pilei nya bi sren. Midibindei sar yok lewo dingon nem tut yok ba, dingondut yok cem bi. Da di tuhan disimbot dat tu.”

NINDAT KEP TUHAN NICUKTI NYA 28:50

Yoni isibut bibor bingondut ndigpoi koi nya kin munggwom nya bi.

YEHEZKIEL 9:10

Gima rino dingondut yok bi. Midikiek mun di ibon bak yo di hiter ndam yonti hanyen.”

YEHEZKIEL 8:18

Yoni mitug ndei Ditde niggati di buhun bibor! Dingondut yok bidikos ser ide sisar bi. Mbro nok gino iba nadi bahara tignam-tignam biDa lo, midimiap ighyet bi sren!”

YESAYA 47:6

Nipou yo ne digga Ditde limwa nya leu api duubon yok nok Ditde limwa nya bi. Apino dikes yok ei andati ug a. Leu api agingondut yok bi ba, aco kep ndigpoi koi nya kinei-kinau.

YESAYA 27:11

Gino biei nda dima yok mui ba, dahat ei lene sop nya mikwei kam bittei mem biei nindig a. Mben dima ingon gi huk niti tut mun nyeng hi bi. Apino Allah di pai tes yok nya mingondut yok ba, ningon nggriu sut yok bi.

YEREMIA 15:5

tuhan pai “Je di timiei minu ndig Yerusalem e, tou rima ngondut je i? Tou riningon buhun tut mun di cut igkep je i? Tou rima kwei cem kep je bihig ser je tut jiyaijoti i?

YEREMIA 15:9

Sop ndig di nipmot bat nya ibou muhwindacan imai bingwig leu noni ba, ninghuisi mbris bram yok lewo ninnei cun. Nide njap di niyaijo niti nya wer mmun ken leu api ningon buhun tut yo di ingwes om noni. Midicuk jide siceu nya leu binhyepo ihwen yo di imai bingwig bigyo ei jikieti. Da di tuhan disimbot dat tu.”

YEREMIA 22:25

leu api midikes na ei tungwatu di attin kep yok kin gi ijoi sut igyai nimai bina indati. Midikes na ei Nebukadnezar di nok nibou ndig mem minu Babel kin nide limwa nya indati.

YEREMIA 27:6

Dani rino dikes ngkiai nya dini yok hagom ei Ditde awak di Nebukadnezar dinok Nibou Ndig mem minu Babel ninda nsi ba, dibikes mindhe-ndhe di niten-pos nya cem ei ninda nsi bininyeng tak kep.

YEREMIA 34:3

Bit bon anang ba, allu leu ninda nsi kan bi. Noro siceu mikat na bikes na bak nibou ndig minu Babel lene aum noni ba, ambrap pijum bit noni. Leu api nide limwa nya mibuwak na ug ei minu Babel.

YEHEZKIEL 23:28

tuhan Di Ninyeng Jei Bibor pai “Midikes na ei yo di angon kou ningat yok di angon kinei sut yok dima indati.

YEREMIA 14:12

Mbro nok gino igyem njita bi mem nituti poi lo, midingig ditingou mem ighyet bi. Mbro nok gino ibon midut nindig mindhe titut kep nimbar humti kin midut njita nibipai sigyo bak Dati lo, dijoi sut yok bi. Noro midiba pran kin ninggum kin nsuwer ajar bihwen yok ningwig a.”

YEREMIA 19:7

Miditte tut timiei Yehuda kin timiei minu ndig Yerusalem nya yahagom ingon kanti ei mpia dini. Midisindui sut ba, ide siceu nya mikon pran bit yok leu api ibindei timek yok bingwig. Midisindui sut ba, ha nya mipuk ide nimbiam leu api mindhe di niten-pos nya mibriu yok nok ide mun di igyem.

YEREMIA 20:4

tuhan Nonti pai ‘Midibindei ba, angon ttin bibor tut nanti kin asut bat nya cem. Ide siceu nya migyai nimai biyok bou ayai him. Midisindui sut ba, nibou ndig minu Babel ninyeng mitak kep timiei Yehuda nya yahagom. Noni mikat bihi ug ei ingkiaisi ei minu Babel biyai nimai bak nindigsi nya.

YEREMIA 32:4

leu api Nibou Ndig Zedekia ningwes ngun bi. Midikes noni ei nibou ndig minu Babel ninda nsi leu api noni miya ei nibou ndig minu Babel noho bei bimbrap bit ba, imbrap bit yam.

YEREMIA 36:29

Noni sok nihyet ei da dip bak nibou ndig bipai “Andig srat pima kep hum tu ba, ahig ser Yeremia tut nggon rino noni pas kep srat bokti dima tut nibou ndig minu Babel di mikwei bindei timek minu dini bibiyai nimai bak timiei nya kin mindhe-ndhe nya i?

YEREMIA 50:17

tuhan pai “Mben Israel idem kep nimpung domba di singa huk yok di bindei di intek gimahap a. Nibou ndig minu Asyur coi bihwen yok nimbie him ngat. Leu api Nebukadnezar di nok nibou ndig mem minu Babel kinam injum nya mien-mien.

NIBWOS-BWOS NYENTI 2:20

tuhan e, angat yo di ayai niwei biyok dima ba, angig ayai kep yok ug o! Apo abibon yo di hiter noyam kin gi abibon yoniti dima tu e? Sop nya igyem yonti imunggwom bat di ingon ngakei yok nya o! Siceu nya igyai nimai bak imam kin nabi nya ei Ade Ig di kwes-kwau o!

NIBWOS-BWOS NYENTI 2:22

Anduk siceu di nittin kwei mem gima ibon pesta nisibut ttai nye o! Igyai nimai bak yo di nyeni ninyohou di ningon ngakei yok yahagom rin o! Hi di nang leu anda nsi mem Ade njap di agga bibor dima kan bi o!