YEREMIA 20:6 - ALLAH NIHYET MEM TUNGWATU NYA

⁶ Pasyhur e, siceu nya mikat nani kin ade bat nya cem jahagom ug ei minu Babel. Nani kin asut bat nya di aris kep mun biyok ninno tu jahagom mijiyaijo ngwig hon leu api mitig je ei jingkiaisi.’ ”

YEREMIA 20:6 ပူးပေါင်းရင်းမြစ်များ

NIBWOS-BWOS NYENTI 2:14

Mun di nabi nya itri tut bina ne niris munti kin nisuglaisi ningkom he rin o! Igindo ade sisar ei nibreisi bi sren o. Gima rino bitig dino agittin ser ade sisar bi ug o! Noro itri tut nihyet nisuglai di brim angonti he o!

YEHEZKIEL 22:28

Nabi nya iku-ku nyen ide sisar dima yok ba, idem kep no di ba cet kapur bihwen ngug tig di nirom kuisi. Ide ningat-hi-ngat nya kin mun di itri tut nya hagom nitrowai he. Ipai ei yuhui him bipia nisokti di ipai sut nya ne nisokti di igyai leu tuhan Di Ninyeng Jei Bibor rin lo, Dani digimbrap bit yok bi sren.

YEREMIA 20:4

tuhan Nonti pai ‘Midibindei ba, angon ttin bibor tut nanti kin asut bat nya cem. Ide siceu nya migyai nimai biyok bou ayai him. Midisindui sut ba, nibou ndig minu Babel ninyeng mitak kep timiei Yehuda nya yahagom. Noni mikat bihi ug ei ingkiaisi ei minu Babel biyai nimai bak nindigsi nya.

ZAKHARIA 13:3

Ba, gino tungwagom mpig nibou tut nimbot kepti nipek kepti ningat rinaha yo ne ma nicig-nipmem nya mipai binoni bipia suar noni tug ndei hukum bimai hak lewo mun di mbot kep dima ne suglai nitu he ri. Gino nihyet jo kep bipia noni ne nabi rin ne suar nicig-nipmem nya iriu noni bimai.

MIKHA 2:11

Jijoi sut nabi di ris mun igkei bipai sut mun di mipek kep mem je ei nidipti bu nok gini ‘Jei bi ne jidut ba anggur ngei kin mun di pu je nindig bibor ri.’ ”

YEREMIA 29:32

Nibon munti dima bindei ba, jiba jimbuk bihwen Da. Gima rino midikes hukum ei noni kin nide nintun him yamti di bram yam nya dip. Hukum dima rinok gini. Noni kin nide nintun him yamti di bram yam nya mimai ba, ingat mun di kei dino midibon mem Ditde limwa nya bou igyai him bi. Da di tuhan disimbot dat tu.”

YEREMIA 23:32

Da di tuhan ditte tut nabi di itri tut ide mun di imumpriem nya di mpung tut mun di igbit bi. Iba ide mumpriem dima biris mun bak tungwatu nya. Iba ingon di jei bindei ba, Ditde limwa nya israwir. Dipinak nabi dima yok bi ba, impu Ditde limwa nya bi sren. Da di tuhan disimbot dat tu.”

YEREMIA 5:31

tug hon nabi nya di iris mun igkei kin imam nya di ibon midut bit leu yonti ingon kanti apino Ditde limwa di jeni jijoi sut igyai munti dima. Noro tirigi njap ningwig honti tau kwei ne mijibon mindei i?”

YESAYA 9:15

Ide nibou nya ibindei srawir ide limwa nya ba, igyok nisinsiou ei yokti cem.

NINDAT KEP TUHAN NICUKTI NYA 28:25

Gino jibit jide tuhan Allah nicuk jeti nya bi lene Noni mibindei ba, jide siceu nya ibindei timek jeni. Mijibrim jimig sindem bibor ug ndam yok leu binhyepo jicut igkep yok noro mijinang sinsiou leu yoho bei. Tungwatu dihyeisi dini hagom di ingat mun di buhun di cut igkep je dima midigit tut.

IMAM NYA IDE MIDYAI 26:17

Midikes hukum ei jeni dip apino jide siceu nya mibindei timek jeni. Lene yo di isibut tut jeni nya minyeng tak kep je. Mbro nok gino hi huk je bi lo, jingon ttin apino jinang-nang wai.

YEREMIA 20:1

Imam Pasyhur di Imer nipmot ninyeng tak kep midyai ei tuhan De Ig. Mpe dino noni miap kep nihyet di ditri tut biyok lene,

YEREMIA 14:13

Lene dipai “tuhan Di Ninyeng Jei Bibor e, akan tut bipia nabi nya ipai bak ide limwa nya bipia pran kin ninggum mihwen yok bi sren lewo apreu ei mem yok bipia ibong kei igwam kei kikau.”

YEREMIA 14:16

Nabi pima yok di itri tut nihyet biyok cem mitug ndei nimai tug hon nisinati dima. Ide siceu nya micom ingut sinsiou bidem simpak bou ei minu ndig Yerusalem noro yo di ingwes ngun hi di mitig yo dima ingut bi. Mun di buhun bibor dini micut igkep yahagom bitut itnem bat nya kin imunggwom bat nya cem. Midibindei ba, ibiang ide sisar di kinei bibor dima nibuhunti.”