YEREMIA 2:8 - ALLAH NIHYET MEM TUNGWATU NYA

⁸ Ide imam nya hi di hig ser Da ‘tuhan ug ei siritou i?’ nok bi. Mbro nok gino ikrau Ditde niggai serti lo, ikan tut Da bi. Ide nibou nya yaham imbuk kep Da lene ide nabi nya itri tut nihyet tug hon Baal ninyeng ba, yahagom ikuk yok bak kwar di ibon inyeng bi nya.”

YEREMIA 2:8 ပူးပေါင်းရင်းမြစ်များ

HABAKUK 2:18

Kwar di tungwatu nya ibon bou inda him dima kei mem mindei i? Kwar dima ris tungwatu nya ei nikineisi. No di bon kwar bou ninda him ba ningon com kwar dima mikuisi lewo bit bon kwar dima buhup nihyet kan bi!

YEREMIA 10:21

Da dibuhup “Ide nibou di ibie tut nye nya ingon mbum. Yahara tuhan leu binhyepo Noni ndo ningon kanti biyok cem bi. Gima rino igyai mun bipek kep bi ba, siceu nya ibindei bintek gimahap ug ei tirima-tirima.

YEREMIA 5:31

tug hon nabi nya di iris mun igkei kin imam nya di ibon midut bit leu yonti ingon kanti apino Ditde limwa di jeni jijoi sut igyai munti dima. Noro tirigi njap ningwig honti tau kwei ne mijibon mindei i?”

KORINTUS GI NICAN 4:2

Niba nisinati di ntun nidinditi him di bindei biniba nimmai sut nyenti biyai kep midyai dini bi. Ningon mang ba, nikiek-kiek nyen Allah nihyet bi. Niba ningon di gom biyai kep Allah de midyai nya bit leu ningon kanti mem nye. Gima rino niba ningon com bipia tungwatu yahagom ibibon nye nok gi kei ei ingon mienti.

YOHANES 16:3

Yo dima ibibon je nok lewo ikan igbit tut Dicig kin Dani cem bi.

HOSEA 4:6

Ditde limwa nya cem ijoi sut Da bikuk yok biDa bi apino mun di buhun micut igkep yok. Je di imam nya cem jijoi sut bijikuk je biDa bi ba, jikou sut Ditde nipingok jeti. Gima rino midikou sut je leu api midisindui sut jipmot bat nya ba, inok Ditde imam nya bu bi.

YOHANES 8:55

jikan tut Noni igbit bi. Noro dikan tut Noni igbit. Gino doom ser bipia dikan tut Noni bi ne dinok no di ris ba, dinoyam kin jeni. Noro dikan tut Noni bidibit nihyet.

LUKAS 11:52

Aye! Buhun bibor mem je di guru Puig Yahudi nicukti nya! Kusin mem ibikau dimbou leu ningon kiti nibousi no jo bije noro jicoi kak dimbou hui dima bijinggok tut ningon kiti bi. Noro jibigen ser yo di itibap-tibap nyen ba, ijoi sut icoi kak dimbou hui dima!”

MATIUS 16:26

Notou mem no di nyeng tut ndigban dihyeisi dini hagom noro bimangkrei nide niyaijoti i? Gini kei mem noni e? Noni miba mindei bipek niyaijoti hanyen leu gi misar i?

YEREMIA 16:19

tuhan e, Nani rino anyohou da. Ayai nisindemti bida ba, ampu da mem nijam di mun di buhun cut igkep da cem. Ngkiai nya di ikwei leu dihyei nohon keti mikwei ngat Na bipai “Nidigup bat-nidigai bat nya ide kwar nya ibon inyeng bi bibor.

YEREMIA 12:10

Nibou ndig ngkiai nya imang bibor inda jo kep Ditde miai ba anggur nghousi binggek tu. Itug-tug nyen gandum ei Ditde ngoi dumti nya cem tu. Ibindei ba, Ditde minu di kei-kau bidem kep iggum ndigsi di mpia mbum-bra bram.

YEREMIA 7:8

Noro ningat ne jiba jingon com yo di iris igkei nya ighyet mikui-kausi he.

YEREMIA 4:22

tuhan pai “Ditde limwa nya ingon mbum bibor ba, igikan igbit tut Da bi. Idem kep munggwom di ingon huk niti tut mun nyeng hi haninyai bi. Ingon guhuk niti poi mien cem bi hak ug. Tut mun di kinei ne ibon kep igkei noro itunggwei sut nibon mun di keisi nya.”

YEREMIA 2:11

Mbro nok gino mben hiter ide kwar bon ninyeng bi lo, gimbun iba kwar hiter bu biluei ide kwar dima nohoti bi sren. Mbro nok gino dibindei ba, Ditde limwa nya igyai inyeng jei lo, ikon ide kwar di ikuk yok bak di sindem bi nya bigya luei Dohoti tu.

YEREMIA 2:6

Mbro nok gino diteu yok ba, ingwes ngun leu minu Mesir lo, ingkek ndok tut Da. Dinyohou yok ei mpia ngoisi di wer iggum dip kin iggum ndigsi di wer mboi-mbang kin ningakti di kinei bibor cem. Tungwatu nya iwin minu ei sirima bi ba, ikriau binjiriek mpia dima.

YESAYA 30:5

timiei Yehuda nya minso yonti tut gi iba ingon com ngkiai nya di isindem mem gima impu yok bi. Lewo bit bon mben ngkiai dima igyai mun di kei biyok bimpu yok kan bi ba, ingwes pri gau yok he.”

YESAYA 29:10

tuhan bindei bijiiman ba, jibong mai. Noni tak kep ser nabi nya igyai binggai kep yo di ingat ningat-hi-ngat iimaisi cem.

YESAYA 28:7

Nabi nya kin imam nya cem idut anggur ngei kin pes di pu yok bibor. Yoni imbut bitti-tti nyen ba, indrat mpia lewo ibou buwei bibor. Apino bit bon nabi nya ingon dorti tut ningat-hi-ngat di Allah yai biyok kan bi. Bit bon imam nya igwam nok nikei bimbus tungwatu nya ingonti tut ide munhyet kan bi.

NIBOU NDIG NYA GI NIGOM 18:40

Lene Elia cuk limwa nya “Ma jikat nabi kwar Baal nya yahagom leu binhyepo hi nang biningwes ngun bi!” Gima rino tungwatu pima yok ikat nabi Baal yahagom leu api Elia buwak yok ug ei Minyei Kisyon nyai biyai nimai bak yahagom ei sirima.

NIBOU NDIG NYA GI NIGOM 18:29

Icot-cot nyen nok gima dem kep nok yo di mirei bon yok kikau ug bipek mpia caisi noro kwar di ikuk yok bak dima buhup ighyet ba, yok ngon kep yok bi sren.

NIBOU NDIG NYA GI NIGOM 18:22

Lene Elia pai biyok “tuhan de nabi nindigsi imai bingwig noro dangkom he diyaijo. Noro Baal de nabi dima yok imangti ibou sratus bitai ningot muhwi.

SAMUEL GI NIGOM 12:21

Ma jiba joho rok kwar nya au. Bit bon yoni impu je ba, iteu je bijingwes ngun kan bi lewo innei dihip ihwap nsi bi.

SAMUEL GI NIGOM 2:12

Mpe dima lene Eli nipmot bat cin igyai munti nya kinei bibor. Ingkek ndok tut tuhan ningon kanti ba,

NINDAT KEP TUHAN NICUKTI NYA 33:10

Yoni mingginau Ade limwa nya leu binhyepo ibit Ade nicukti nya. Yoni mibui mindhe-ndhe nya bindig kep hum ei nimbar hum dokti.

YEREMIA 9:14

Ingkek ndok ba, ikuk yok bak Baal de kwar nya bit leu nok idigup bat-idigai bat nya ingginau yok tut.

YEREMIA 18:18

Lene yo dima ipai biyam “Jikwei ba, igyok ingon gom mem gima ihwen Yeremia. Nongkom he rino tri tut Allah nihyet binye bi. Noro ide imam nya di ingginau nye kin ide andigpoi di ingon ki di ipingok nyeni ingonti kin ide nabi di itri tut Allah nihyet binye mingat rima mem nye kikau yo. Jikwei ba, ipai kep Yeremia ei nikei noho bei leu binhyepo noni bindin nye kikau bu bi.”

YEHEZKIEL 22:26

Israel de imam nya itunggwei Ditde niggai serti nya lene ibindei ba, niromti rap mun di ikwas pijum tut Da nya cem. Igikwas mun di kwes kin mun di kinei bijo ter leu yam kan bi. Nok gima cem iba Ditde nidimig sutti bingginau limwa nya tut mun di pwoi kin mun di rom niter leu yamti bi. Ba, igiya hon Njap Nigwam Kep Ninghuisi nicukti nya cem bi. Tug hon nisinati dima ne mben Israel ingwes om kep Da.

YEHEZKIEL 34:2

“Na di tungwatu di ayaijo kikau bi e, ma apai kep nibou ndig minu Israel. Da di tuhan Di Dinyeng Jei Bibor disok dihyet ei na dip bak yo dima ba, apai ‘Je di gembala Israel nya e, mun di buhun bibor micut igkep je lewo jehek tut jenti noro jehek tut jide domba nya bi.

AYUB 35:10

Noro yahara bak Allah di pai tes yok cem di bindei ba, iba ingon com Noni ei mpe dino mun buhun cut igkep yok dima bi.