YEREMIA 2:7 - ALLAH NIHYET MEM TUNGWATU NYA

⁷ Dibuwak yok kwei ei minu di bon ninnumti leu api igyem njita beisi nya nindig bibor ba, ibong kei igwam kei. Noro ibindei ba, map kui Ditde minu dima ba, ibimangkrei hanjop nsi di dipek mem yok.

YEREMIA 2:7 ပူးပေါင်းရင်းမြစ်များ

YEREMIA 16:18

Midiba hukum mbican bram yam bibuhup biyok drek dip ide sisar kin ide nibon mun di kinei biborti lewo ibindei ba, map kui Ditde minu dini tug hon kwar mang bibor tu. Ninnei jo kwar dimati bi noro hagom noyam kin nimai ngut.”

MBEN ISRAEL IMBUT-MBUT NYEN 13:27

Ipai bak Musa “Ningig niyai kep minu dima lene jo nibreisi bipia dihyei dima bon ninnumti nindig bibor ba, biei nya hagom nimeng nggrou. Angat biei ngat gom-gom di nibiang kwei rini.

YEHEZKIEL 36:17

“Na di tungwatu di ayaijo kikau bi e, mpe di mben Israel ibong ei itimieisi ne ibindei ba, map kuisi tug hon igyai munti nya kin igyaijoti di kinei nya. Dingat ide nibon munti dima noyam kin sop di nitta kan mun cem.

YEREMIA 3:9

Gi mbun immai sut yonti cem kan bi. Ibindei ba, map kui ide minu drek dip ide sisar nikuk no bak tig kin biei nya.

YEREMIA 3:1

tuhan pai “Gino nijjep kou nitnem bikes ei leu api hiter wak nok nitnem bu lene ma nijjep timiei pima kwei yai hanyen nok nitnem au. Lewo mun dima mibindei ba, map kui minu dini. Noro je di mben Israel jiyem njita tut sop hiter imang bibor tu. Leu api tini bu ne jijoi sut jingkwei hanyen ndam Da bu e?

MIKHA 2:10

Ma jikiju ba, jimbut hak ug lewo mijibong kei jigwam kei ei minu ndig dini bu bi. Jide sisar bindei ba, mun di buhun bibor micut igkep mpia ttou nsi dini.

YEHEZKIEL 20:6

Mpe dima lene diba neheng bipai bipia midibuwak yok kwei leu minu Mesir ndam minu gom di dimig ei mem yok. Minu dima bon ninnumti di kei kin dihyei di kei bibor kei dor njiriek minu nindigsi ei dihyeisi dini hagom.

NEHEMIA 9:25

Ade limwa nya ipos minu ndig di bon tentara nibousi di igya coi nya kin dihyei di nnum kei kin ig di mpung tut ndigban di nibok kak kin minyei bousi nya kin biei zaitun nghousi nya kin biei di ngat ningat nghousi nya kin ba anggur nghousi hagom. Igyem njita di ndei yok bit leu ingon kanti apino immau ndok. Ingon llei sut mun di kei nyeng hagom di ayai biyok tu.

NINDAT KEP TUHAN NICUKTI NYA 21:23

lene ma jisindui sut nimai ngut dima bijo ei sirima mmun jei dima au. Noro suar jitig ei njap dima cem. Nimai ngut di ipindur ei cou him bindei ba, Allah misigion minu dima drek dip. Gima rino ma jitig nimai ngut dima leu binhyepo jibindei map kui minu di tuhan Allah miyai bije bi.

NINDAT KEP TUHAN NICUKTI NYA 6:18

Gino jiyai igbit nicuk jeti nya di kei bibor ba, sren kei cem lene mijibong kei jigwam kei leu api mijiyai nisindemti mem gima jikieng kep minu di bon ninnumti po Noni preu sut ei mem jidigup bat-jidigai bat nya pima.

YEREMIA 3:2

Jikon jibou bijimian kui ug ei mbigdip ninggram him nya! Ba, jingat mpia di tou rino juug ei di jicut ei sisar nikrar kep yamti bigyo i? Jiyai munti dima dem kep mben Arab ei iggum ndigsi. Jigwam sir puig ninghas bijimem kep ser no di kwei yem njita tut sop di nikrar jut. Jibindei ba, map kui minu dini tug hon jide nicut ei sisar niyem njita tut sop hiterti kin jide nibon mun di kinei biborti cem.

YEREMIA 32:23

Noro tirigi ikwei bong ser minu dini ba, igyai bigyati ne igibit Ade nicukti nya ba, igiyaijo dem igbit Ade ningginausi nya cem bi. Igiyai mun nyeng hagom di acuk yok tut nya gom cem bi. Gima rino bitig dino akes mun di buhun dini yok ei yok dip a.

YEREMIA 32:30

Habiei leu nipui sut ide niyaijoti nimbie him kwei ne mben Israel kin timiei Yehuda nya ibindei ba, dingon kei bi. Ibindei bidigga yok tug hon ide nibon munti di kinei nya.

YEHEZKIEL 20:28

Mpe dino dibuwak yok kwei ei minu di dipreu ei mem yok dini leu api ingat mbigdip di anai nya kin biei di nimeng nggrou nya lene ibon midut nindig mindhe-ndhe ei nimbar hum dokti mem ide kwar di ikuk yok bak ei mpia dima yok. Ibindei ba, digga yok drek dip ide midut dima yok kin anggur di ikwas tut kwar nya di ikuk yok bak.

HOSEA 9:3

Je di mben Israel e, mijibong kikau ei minu di tuhan yai bije bi. Suar jingkwei hanyen ug ei minu Mesir. Lene suar jiyem njita nipigig ser di bindei ba, map kui jeti ei minu Asyur.

NINDAT KEP TUHAN NICUKTI NYA 32:9

Noro Noni dimig Yakub de nintun him yamti di bram yam nya ba, inok Nide limwa nya.

NEHEMIA 9:26

Noro Ade limwa nya ikiek imig jo tut Na bibit ahyet bi. Yoni iba inghim bak Ade nikos tutti nya. Igyai nimai bak nabi nya di isok kep yok bipia suar ikwei kuk yok bak Na di Allah hanyen bu. Ade limwa nya ighyet wer mpiahi tut Na bikwop nok ug.

YESAYA 19:25

tuhan Di Ninyeng Jei Bibor miyai gi kei biyok bipai “Ditde limwa Mesir jen kin mben Asyur di dipai tes jen kin Ditde limwa di mben Israel di dimig ei su jen e, midinjei mun di kei bije.”

YEHEZKIEL 20:24

Lewo iba ikou yai Ditde nicukti nya ba, itunggwei diggai serti nya cem lene ibindei ba, map kui Njap Nigwam Kep Ninghuisi ba, ikuk yok bak kwar di idigup bat-idigai bat nya ikuk yok bak nya bijo kikau cem tu.

YEHEZKIEL 23:35

tuhan Di Ninyeng Jei Bibor pai “Suar abiang ade nikrar kepti kin ade nicut tut pinai nyati nibuhunti lewo abbwe ser Da ba, aba anghim biDa cem.”