YEREMIA 2:6 - ALLAH NIHYET MEM TUNGWATU NYA

⁶ Mbro nok gino diteu yok ba, ingwes ngun leu minu Mesir lo, ingkek ndok tut Da. Dinyohou yok ei mpia ngoisi di wer iggum dip kin iggum ndigsi di wer mboi-mbang kin ningakti di kinei bibor cem. Tungwatu nya iwin minu ei sirima bi ba, ikriau binjiriek mpia dima.

YEREMIA 2:6 ပူးပေါင်းရင်းမြစ်များ

NIBOU NDIG NYA GI NICAN 2:14

Lene noni ba Elia de ban bibui minyei ngwa dip bipai “Elia de tuhan Allah No ritou i?” Lene ba ban dima bibui minyei ngwa dip mbigom kin bu bibindei ba, minyei bitun hacan leu yam leu api noni mbut ei minyei nipingge leusi buug ei nite dima ug.

AYUB 3:5

Abindei ba, mmun ken kin nidinditi di dindi-kai kin bumbuhui nggai kep njap pima bibindei ba, mpia com kan bi.

AYUB 35:10

Noro yahara bak Allah di pai tes yok cem di bindei ba, iba ingon com Noni ei mpe dino mun buhun cut igkep yok dima bi.

MAZMUR 23:4

Mbro nok gino dikes da kak puig di dindi-kai lo, mididigit tut bi lewo Na di tuhan angat rin bit da. Aya srak ko hagau da noyam kin gembala di ba tom kin biap tindak binyohou domba nya.

MAZMUR 77:5

tuhan bindei ba, digibong mai mem mmun jei kan bi. Dingon di mbut-mbut nyen bindei ba, digimbrap cem bi.

NEHEI LEUSI 20:2

“Dani ne tuhan bidinok jide Allah rin ba, dibuwak je kwei leu minu Mesir minu po jiyai kep midyai nok awak eisi pima.

YESAYA 63:9

leu mun di buhun di cut igkep yok hagom. tuhan cuk malaikati hi kin no di ya hacan hi ndam yok bi noro Nonti kwek yok lewo ngondut yok ba, ningon nggriu sut yok. Noni nyohou yok ei nimbie him kikau kwei bipek njap dima kep.

YESAYA 64:7

Hi ngat nadi bak Nani bahara Na mem gima ampu yok bi. Aku aimaisi ter leu nye lene asindui sut ba, nyende sisar bindei sar nye binitimek biningwig.

YEREMIA 13:16

Suar jikon jide tuhan Allah ninyeng bijo nai nipou tirigi Noni pinak nidinditi kwei bigyo ba, nipou tirigi ba nidinditi biluei nipigati di jiyok ngon mem bigyo. Leu mpe dima lene mijindrat mpia bijikinoi ei nungug him.

YEREMIA 2:2

leu binhyepo duug tri tut nihyet dini bak timiei minu ndig Yerusalem yahagom. “Je di mben Israel e, dikan kep nijam di jinok sop wak cam di ningon gom. Mpe dino sindi siwak yam ne angon ngakei Da nindig bibor. Mpe dima lene abit Da kak puig di bie ug ei iggum ndigsi di bon beisi kin njita hi bi.

YEREMIA 2:8

Ide imam nya hi di hig ser Da ‘tuhan ug ei siritou i?’ nok bi. Mbro nok gino ikrau Ditde niggai serti lo, ikan tut Da bi. Ide nibou nya yaham imbuk kep Da lene ide nabi nya itri tut nihyet tug hon Baal ninyeng ba, yahagom ikuk yok bak kwar di ibon inyeng bi nya.”

YEREMIA 5:12

tuhan de limwa nya ipai mun di igbit bi tut Noni. Ipai “Nok ug e. Noni mibon mun nyeng hi bi. Nyeni mitug ndei mun di buhun bicut ei pranti kin nimai ninggumti cem bi.

YEREMIA 5:2

Mbro nok gino jipai bipia jikuk je bak tuhan noro jiyai igbit jipaisi dima bi.

YEREMIA 51:43

Minu ndig nide nya dem kep mpia di biyai igyai ttin di dem kep iggum ndigsi di ngak-cai. Tungwa hi di joi sut ug bong ei mpia dima bimbut njiriek bi.

HOSEA 12:13

Yakub dino ide pung di intun him nang ug ei minu Mesopotamia leu api bon nonti nok awak mem tungwagom binyohou no dima nide domba nya ei minu dima leu binhyepo bitug ndei nitnem.

HOSEA 13:4

tuhan pai “Dani ne tuhan bidinok jide Allah rin ba, dibuwak je kwei leu minu Mesir. Dangkom he rino jide Allah lene hi ter hi bi. Dangkom he rino diteu je bijingwes ngun.

AMOS 2:10

Dibuwak je kwei leu minu Mesir leu api dibie tut je ei iggum ndigsi mem ari bingwam ningot bitai. Diyai mben Amori ide dihyei bije leu binhyepo jinyeng tak kep titut yam.

MATIUS 4:16

mben di ibong ei nidinditi ingat ninjeng nindig bibor! Ninjeng di piga kei piga mem yo di ibong ei minu nindibutti di nimai nya ide tu!’

NINDAT KEP TUHAN NICUKTI NYA 1:19

“Leu api nyeni ikiju bimbut leu Nungug Sinai bit leu tuhan nicuk nyeti ba, ikes nye kak iggum ndigsi di nyan bibor di bon nikineisi nya cem ndam nungug him di mben Amori ide. Mpe di nyeni yuug krau Kades-Barnea,

NINDAT KEP TUHAN NICUKTI NYA 32:10

Noni tau kep yok tirigi imbut-mbut nyen ei iggum ndigsi di kinei bibor ba, hou nindig bibor kui yokti ei sirima. Lene Noni ya srak ko hagau yok binyohou yok nok Nide limwa nya.

NINDAT KEP TUHAN NICUKTI NYA 8:2

Ma jiyok ngon kep notou tuhan di nok jide Allah bie tut je kak jimbutti di jei bibor mem ari bingwam nyatungwacan gi pini jug tu. Noni ba mun di buhun bibor bibingon je leu binhyepo kan tut jingon kanti nya bikan tut gino jibit nicuk jeti nya cem.

NIJAM NIKEI NYA 6:13

Lene Gideon buhup “Andigpoi e, dahara ser na. Gino tuhan ningat rin bit nye lene nggon rino mun di buhun bibor dini yok hagom cut igkep nye i? Mindur di nyeni nidigup bat-nidigai bat nya ipui sut po tuhan bibon mem yok nipou su tirigi po Noni buwak yok kwei leu minu Mesir pima hagom pror bingwig leu nye tu e? Jo nibreisi bipia Noni kes nye ei mben Midian indati lene ningat rin bit nye bu bi.”