YEREMIA 2:5 - ALLAH NIHYET MEM TUNGWATU NYA

⁵ Noni pai, “Jidigup bat-jidigai bat nya ingat Ditde mun di diyai tunggwei hi di bindei dino yaham imbuk kep Da nya rimindei ngan i? Ikuk yok bak kwar di bon ninyeng bi di bindei ba, yonti cem ibon inyeng bi.

YEREMIA 2:5 ပူးပေါင်းရင်းမြစ်များ

NIBOU NDIG NYA GI NICAN 17:15

Mben Israel kin timiei Yehuda nya ikou sut gima ibit tuhan nicuk yokti nya lene iba ingon di gom biyok ngon kep gi preu po tuhan bon mem idigup bat-idigai bat nya pima bi. Isem tut tuhan nipingok kep yokti nya cem leu api ikuk yok bak kwar nya di bon ninyeng bi. Apino yonti cem ibon inyeng ei tuhan niyai him bi. Mbro nok gino tuhan ggai ser yok lo, iba ingkek di ndok biyai bram mben di ibong ttai yok igyaisi nya hagom.

MAZMUR 115:8

Nna ba mun dima yok hagom cut igkep yo di ibon kwar dima yok di iba ingon com nya.

YESAYA 29:13

tuhan pai “Yo dima ikuk yok biDani ei yuhui him he noro ingonti ne jo minu ting leu Da. Ide mun di ikuk yok bak ne tungwatu ide nikos tutti di ipwoi ei ibou ngwakti he ri.

YESAYA 44:9

Neheu kep kwar cig nya yahagom ikinei-kinau ba, ide kwar di inggei sut nya hagom mikui-kausi he. Yo di ikuk yo bak kwar dima yahagom igyai tu ba, ingon mbum apino mimmai sut yonti.

YESAYA 46:12

Je di jingkek ndok di jikan bipia ditum dingon tut Ditde nicunti tirigi dibindei timek Ditde siceu nya e,

YEREMIA 10:8

Yo dima yahagom ibbwe ba, ingon mbum cem. Lewo iba biei nitu bibon ide kwar di ngginau yok tut mun di bon ninyeng kan bi.

YEREMIA 12:2

Ata yoni nok ata njita kioi leu api igau com dihyei. Yehei ba, ingat ningat. Ighyet di itri tut Nani tereu nok nihyet di kei bikwop noro ningat ne igiyok ingon mem Nani bi.

YEREMIA 14:22

Bit bon ngkiai nya ide kwar nya ibindei ba, mpia but kan bi. Mpia-bbed him cem sindem mem gima bindei ba, biget mbras kwei ei dihyeisi dini bi. tuhan e, niyok ningon mem Nangkom. Nangkom he rino abindei ba, mun dima yok pek kep mem nye.

YEREMIA 2:31

Je di mben Israel e, ma jimiap kep dihyet. Dibon Danti bidinok iggum ndigsi kin nindibutti bou jiyai him e? Gi bi lene nggon rino jingkek ndok ba, jibit jenti jingon kanti lene jingkwei hanyen ndam Da bu bi sren i?

YEREMIA 2:4

Je di jintun Yakub him bijinok keret Israel nya jahagom e, ma jingig jitingou mem tuhan nicuk jeti!

YEREMIA 8:19

Jimiap i! Ditde limwa nya iba nipim bahara kot. Ighyet dima nugwei bong bidem minu nisurti-nipekti ba, ihig ser “tuhan ningat rin ei Sion bu bi e? Ide nibou ndig no hantou i?” Lene ide nibou ndig di tuhan buhup “Nggon rino jikuk je bak kwar di ibon inyeng bi bibor nya i? Nggon rino jibindei di dingon wei tug hon gi jikuk je bak kwar di jibon bou jinda him nya di ibon inyeng bi bibor nya i?”

YEHEZKIEL 11:15

“Na di tungwatu di ayaijo kikau bi e, timiei minu ndig Yerusalem nya no isimbot kep tut nani kin asut bat di jingat rin ei jingkiaisi a. Ipai biyam ‘Dem mem yo di isima ei ingkiaisi ikuk yok bak Allah ei Nide Ig kan bi. Lewo ingat rin ei minu ting bibor leu minu ndig Yerusalem. Ningat ne tuhan yai dihyei Israel binye tu.’

YEHEZKIEL 14:5

Kwar di ikuk yok bak dima mbres Ditde limwa nya ei minu ting leu Da tu. Noro mpaba dibuhupti dima bindei ba, Ditde limwa nya mingkwei hanyen ndam Da.”

YUNUS 2:8

Yo di ikuk yok bak kwar di bon ninyeng bi nya yahagom ingon gom bu bi ba, ikes Na bihigom ei su.

MATIUS 15:8

‘Allah pai sut yo dini bipia inggei sut Da ei yuhui him he noro ingonti jo ei minu ting leu Da.’

KISAH 14:15

“Andigpoi jen, jiyai nok gini leu binggon i? Nyeni cem tungwatu dihyeisi dini noyam kin jeni! Nikwei tri tut Nihyet Di Kei ba, nibrim je leu mun di bon ninyeng bi dini yok leu binhyepo jikuk je bak Allah di niyaijo di pai tes mpia-bbed him kin dihyeisi dini kin muk ngeisi bitut mun di joti nya hagom.

ROMA 1:21

Mbro nok gino ikan tut Allah lo, ikon ninyeng binok ide Allah bipai sigyo bak Noni bi. Noro ingon kanti nya ndei hammi mun di bon ninyeng bi ba, ingon di tindur mpung tut nidinditi.

NINDAT KEP TUHAN NICUKTI NYA 32:21

Yoni ribindei dino dingon sibui sut ide kwar di ikuk yok bak nya lewo mun di ikuk yok bak dima yok hagom nok mun di igbit bi. Gima rino midiba mben hiter di nok mben di mungkun bi bidibindei ba, Ditde limwa nya igga bibor. Midiba mben hiter di ingon mbum bidibindei ba, Ditde limwa nya ibou dut bibor.

SAMUEL GI NIGOM 12:21

Ma jiba joho rok kwar nya au. Bit bon yoni impu je ba, iteu je bijingwes ngun kan bi lewo innei dihip ihwap nsi bi.