YEREMIA 2:34 - ALLAH NIHYET MEM TUNGWATU NYA

³⁴ Yo di yuhui mbum kin yo di ingon ngun di jibui yok nya inggrom rus jide sinsun bibor tu. Noro yo dima ne ninggimang kep mun cig nya di ikat yok inggrom rino rus jide sinsun bibor bi. Mbro nok gima lo,

YEREMIA 2:34 ပူးပေါင်းရင်းမြစ်များ

NIBOU NDIG NYA GI NICAN 21:16

Ter leu gima lene Manasye yai nimai bak yo di ingon kwes imang bibor bibindei ba, inggrom biyam bidem minu ndig Yerusalem nisurti-nipekti. Noni bindei ba, timiei Yehuda nya ibon sisar tut tuhan tug hon gi ikuk yok bak kwar nya.

NIBOU NDIG NYA GI NICAN 24:4

ningat-ngat rino drek dip gi noni yai nimai bak yo di ingon ngun pima yok cem bibie ug e. Bit bon tuhan kos ser Manasye niyai munti di kinei bibor dima kan bi.

NEHEI LEUSI 22:1

“Gino tungwagom mbrai sapi ningut gom e, he domba ningut gom e, bibui bibam ba, tri bak hiter cem lene noni ba sapi ningut muhwi biluei ningut gom dima lene ba domba ningut bitai biluei ningut gom dima lene nok.

NEHEI LEUSI 22:2

Gino tungwa hi bong ser ig gom ba, kat no di let dimbou mem mmun leu binhyepo nggimang ndigban lene hwen noni bimai lene no di bong ser ig dima ningon mui bi. Noro gino noni kat no di nggimang ndigban mem njap bihwen noni bimai lene ningon mui.

YESAYA 57:5

Jikuk je bak kwar nibindei nnum njita kioi nya lene jibisindui sut jenti ba, jicut tut yam ei biei pigig behei kin biei ndig di nimeng nggrou nibehei nya. Jiba jimunggwom bat nya bibon midut nindig yok ei nimbar hum dokti ei tig nggreti ei minyei mbangti nya.

YESAYA 59:3

Jibon mun tunggwei tug hon gi jisuglai mun kin gi jiba jingon di gom biyai mun bi ba, tug hon gi jiba nisibut biyai jibou tut tungwatu nya bijiyai nimai biyok cem.

YESAYA 59:7

Jitin ei jingonti tut mun di kinei bijo-jo yam dip kikau leu api jingon ya mem nituti di jibindei mbut jingon kanti dima haninyai. Jihig jingon ei yo di ingon ngun nyati bi noro jiyai nimai biyok hak. Ninggekti kin nibindei sarti jo bidem jimbutti nya hagom.

YEREMIA 19:4

Dibibon je nok gini drek dip Ditde limwa nya di iba inghim bak Dani. Yoni ibindei ba, map kui mpia dini drek dip midut di ibon bak ngkiai nya ide kwar nya di yoni kin idigup bat-idigai bat nya kin nibou ndig minu Yehuda nya yahagom ingon dorti tut bi. Yoni yuhug yo di ingon ngun nya inggrom ba, ut ei mpia dini tu.

YEREMIA 2:33

Jingon ki tut gi jiba nikrar binggok puig mem yo di ingon pri kep je. Jiyai munti di kinei dima bibrim sop sundal nya ingonti!

YEREMIA 6:15

Ningat ne ma suar immai sut gi ibon mun di kinei bibor dima. Noro ingkek ndok ba, immai sut yonti kan bi. Gima rino yoni mimai nok nimbiam noyam kin nindigsi nya. Tirigi dikes hukum ei yok dip ne igyaijoti mingwig hon. Da di tuhan disimbot dat tu.”

YEREMIA 7:31

Ba, ibon nimbar hum dok Tofet ei Mbang Briep Hinom leu binhyepo indig imunggwom bat nya tut igyai noha kep hum eisi. Dicuk yok tut nibon munti dima bi ba, ningon kanti dima jo dibou ngwakti cem bi sren.

YEREMIA 7:6

Ma jico kep ngkiai nya kin moibihi nya kin sop kibom nya yahagom bu au. Ma jiyai nimai bak no di ningon ngun ei jide minu dini au. Ma jikes hon ba, jikuk je bak nung nya bu au lewo jiyai munti dima mibindei ba, jisar bijingwig.

YEREMIA 8:12

Je di Ditde limwa nya e, suar ma jimmai sut gi jibon mun di kinei dima hagom. Noro jingkek ndok ba, jigikan tut jide nimmai sut jentiti bi. Gima rino mijimai nimbiam noyam kin nindigsi nya di imai su. Tirigi dikes hukum ei yok dip lene igyaijoti mingwig hon.

NIBWOS-BWOS NYENTI 1:9

Nimap di kui noti jo nibreisi kei lo, gihig ningon ei mun di micut igkep no ei nidipti ug bi! Noni nggek bitti nindig bibor lo, hi di gwam ser ningon bi o! Gima rino hara tuhan bingondut no lewo siceu nya ibindei timek no tu o!

NIBWOS-BWOS NYENTI 4:14

Nibou mien nya ei minu ndig Yerusalem idem kep no di niyai tu di tibap-tibap nyen kak simpak nya o! Nimbiam nggrom rus sinsun di ide nya apino tungwatu nya ikou sut gima ingget yok o!

YEHEZKIEL 20:31

Jibindei ba, map kui jeti tug hon midut nikwas mun tut Da kin midut nindig jimunggwom bat nya ei nimbar hum dokti bak kwar di jikuk je bak cem kikau kwei bipek njap di ammani kep. Leu api jibrim jingkek kep da bijihig ser Da tut dingon kanti mem jeni e? Dipai tug hon Da di Allah di niyaijo kin tuhan Di Ninyeng Jei Bibor dinyeng bipia midice tut gima jahara da bidindo puig bije bi.

YEHEZKIEL 22:25

Nibou mben Israel idem kep singa di ttem mun di yem leu api yau nyen a. Igyai nimai bak limwa nya ba, ipos ndigban kin mun di inyeng tut nya cem leu yok lene ibindei ba, sop imang bibor iwer kibom cem.

YEHEZKIEL 23:45

Noro yo di ingon sren nya migwam nok nikei mem yok bimbus yahacem ingonti drek dip ide nicut tut pinaisi nya kin niyai nimai bak tungwatuti nya cem. Ningat ne yoni igyai mun tunggwei su.”

YEHEZKIEL 24:7

Niyai nimai bak tungwatuti jo kep minu ndig dima. Noro nimbiam ninggrom di ikiber kiber ug ei dihyeiti bi. Nimbiam nggrom siber ug ei tig di ngkiem dip ba, bit bon itig dihyei binjei kep kan bi.

YEHEZKIEL 9:9

Lene Noni buhup “Mben Israel kin Yehuda nya ibon sisar nindig bibor tu. Ihwen yam bidem minu dini hagom ba, iba mun di kinei birus minu ndig Yerusalem birom-rau tu. Ipai biyam bipia Da di tuhan dikes minu dini ei su bidingat ide nibon munti nya kan bi.