YEREMIA 2:32 - ALLAH NIHYET MEM TUNGWATU NYA

³² Bon sop gwam nitta pilei ningon prion ser nide mas di noni bimau nonti e? Bon sop wak cam ningon prion ser sinsun di noni juk mem pesta niwak yamti e? Noro jingon prion ser Da ninno tu. Bit bon dikwop nijam dima nijeisi kan bi.

YEREMIA 2:32 ပူးပေါင်းရင်းမြစ်များ

MAZMUR 106:21

Ibbwe ser ide Allah di teu yok di ingwes ngun di bon mindur nindig bibor ei minu Mesir.

YEREMIA 13:25

Gima ne mun di micut igkep je bit leu nok dikos tut eisi tu ri. Lewo jingon prion ser Da ba, jiba jingon com nung nya tu.

YEREMIA 3:21

Tungwatu nya imiap nihyet hwen yamti kin nihyet kui yamti ei nungug dip nya. Nihyet dima ne limwa mben Israel ighyet di ipim ba, yahara ser ri. Lewo yoni ibon sisar ba, ibbwe ser ide tuhan Allah tu.

YEREMIA 2:11

Mbro nok gino mben hiter ide kwar bon ninyeng bi lo, gimbun iba kwar hiter bu biluei ide kwar dima nohoti bi sren. Mbro nok gino dibindei ba, Ditde limwa nya igyai inyeng jei lo, ikon ide kwar di ikuk yok bak di sindem bi nya bigya luei Dohoti tu.

YESAYA 17:10

Na di minu Israel e, abbwe ser Allah di teu na di angwes ngun kin Allah di noyam kin nungug tig di ngkiem kei di nyohou na tu. Ata njita ei miaisi di apigig ser mem gima akuk na bak kwar ngkiai nya ide cem tu.

HOSEA 8:14

Mben Israel inda jo kep nibou ndig de ig nya biwin. Noro ibbwe ser No Di Pai Tes yok. Mben Yehuda ibindei ba, tentara nibousi di igya coi nya jo bidem ide minu ndig nya. Noro midikes hum biyem ide nibou ndig de ig nya kin ide minu ndig nya bitimek bingwig.”

YESAYA 61:10

Minu ndig Yerusalem pai “Dillei ngwig sut tuhan niyai munti nya. Noni ba sinsun nda di ninyeng rino niteu leu sisarti kin nibindei sar siceusi nya bijuk da noyam kin no di pinai kin no di sop di imau yonti mem midut niwak yamti.

MAZMUR 9:17

tuhan ndo Nonti tug hon nikos tutti di sren-srau nya. Yo di isibut nya ibiam bon tug hon yonti ide nibon munti.

YEREMIA 18:15

Noro Ditde limwa nya ingon prion ser Da leu api indig biei nggrai di ui-gwang kei bak kwar nya. Ikinoi kak puig timiei di suar imbut kak nya lene ite leu puig timiei nya ba, israwir kak puig di hi dime kep bisur yam bigyo cem tu.

YEREMIA 13:10

Mben di isibut bibor dini igibit dihyet bi lewo ingkek ndok bibor. Ikuk yok bak nung di ngkiai nya ide ba, inok awak mem. Gima rino yoni midem kep minghas di nggun dini.

NINGAT-HI-NGAT NYA 21:2

Lene dingat lo, minu di kwes-kwau di minu ndig Yerusalem nijep srek kwei leu Allah ei gwamti. Allah tin ei minu ndig dima dem kep sop di juk sinsun di tiei kei bitin ei mem gima wak nijep.

YEHEZKIEL 22:12

Ade limwa nya bihi isindui sut ba, hi ngot kep yok leu binhyepo ihwen nimbiam lene bihi inok adrom lene bihi ibrim mun di kei mem yonti leu yonti di mben gom cem. Yo dima yahagom ibbwe ser Da tu. Da di tuhan Di Dinyeng Jei Bibor disimbot dat tu.

NITRITI 24:22

Unta nya idut minyei bindei yok tu lene awak di Abraham de hit mbrawin ningat gom bipindur ei misop nuhwap jou leu api kus srak mas ningat can bikui ei ninda pangti.

SAMUEL GI NICAN 1:24

Sop Israel jen, ma jipim kui jei sut jide nibou ndig Saul! Noni ribindei dino jijuk jide sinsun ngwoi di sieng kei lene jiba tig permata kin mas bimau jenti a.

NITRITI 24:53

Lene noni hit sinsun kin mimau perak kin mas bak Ribka lene njei mimbron di nibok kak bibor bak Ribka nikijam kin nipmem.

NITRITI 24:30

Lewo noni ngat mimau di iba mas bibon di pindur ei Ribka nuhwap jou kin srak ningat can di kui ei ninda pang bou niyai him bimiap mun di Ribka pui sut andigpoi dima nihyet cem. Gima rino noni ug ngat Abraham de awak di ya tut nide unta nya simiak minyei bousi.

YESAYA 57:11

tuhan pai “Kwar di jikuk je bak dima yok di ibindei di jittin tut yok ritou nya i? Ibindei di jiris mun biDa ba, jigiyok ngon kep Da bi. Apo gi jikuk je biDa bu bi dini drek dip gi digwam nyahan ninno tu dini rin e?

YEREMIA 2:33

Jingon ki tut gi jiba nikrar binggok puig mem yo di ingon pri kep je. Jiyai munti di kinei dima bibrim sop sundal nya ingonti!

NINDAT KEP TUHAN NICUKTI NYA 32:15

tuhan de limwa nya inyeng tut mun nyeng hagom noro inok yo di yaham imbuk igkei kep Noni. Imig ngon nindig ba, inghop mpung tut njita cem noro ikes Allah di pai tes yok ei ba, ikou sut No di teu yok di ingwes ngun.

NIJAM NIKEI NYA 8:34

Leu api ibit tuhan di nok ide Allah po teu yok bingwes ngun leu ide siceu nya di ibong ttai yok pima bu bi.

YEREMIA 23:27

Ikan bipia mumpriem di itri tut nya mibindei ba, Ditde limwa nya ingon prion ser Da bit leu nok idigup bat-idigai bat nya di ingon prion ser Da leu bikuk yok bak Baal pima e.